Engine Flush

**carlans58** · 29-10-2013 08:22 PM

مساء الخير يا رجالة انهاردة وانا بغير زيت لقيت الزيت الجديد لونة مغمق سالت الفني هو لونة كدا لية قالي ان الموتور مش نضيف وقالي هات حاجة اسمها engine flush فهل المادة دي بتضر الموتور ولا عادي و في منها بيتباع اصلي في التوكيل وياريت لو حد استعملة يقولي هو مفيد يعني بيبقي في فرق فالموتور ولا زي قلتة

**lanos2004** · 29-10-2013 08:30 PM

دة اكبر ضرر للماتور
لان بيفضل فيه نسبه جوة الماتور والنسبه دى بتتبقى وتغير خواص الزيت الجديد وممكن تعمل كوارث
ولو كان ولابد---بعد اما تحطه وتنزل الزيت حط زيت رخيص اغسل بيه الماتور وبعدبن نزله وحط الزيت بتاعك العادى

**mohamedxsayed** · 29-10-2013 11:01 PM

انا مسمعتش عنه خير خااالص

**Ahmed Amin** · 29-10-2013 11:13 PM

الزيت طبيعي أنو ينزل أسود,, ومعني كدا إن الزيت أشتغل كويس,,
ال Engine Flush أستخدامه مرة مش مضر,, بس أكتر من مرة فيه ضرر علي جوانات الموتور وخصوصاً أنه مش بينزل كله لما بتخلص وتنزله,,

أنت في الغال موتورك واقف عدل مش مايل, بس أبقي راجع الموضوع دا,
http://www.nilemotors.net/Nile/319909-a.html

لو أنت عربيتك جديدة وبتاخد زيت تخليقي وعايز تنضف متحاولش تحط زيت رخيص نص تخليقي أو معدني تنضف بيه,,
لأن اللزوجة العالية غلط علي الموتور,, وممكن تبدأ تجرب ال Flush بعد ما تغير لزيت نص تخليقي,,

دلوقتي أنت ممكن تحط زيت زي بتاعك ونزله بدري مرة واحدة بس,,
وتبقي كدا نضفت ومغيرتش من نوع زيت تخليقي خفيف لنوع معدني تقيل ورجعت لخفيف تاني,,

**hossamsmsm** · 31-10-2013 03:05 PM

المشاركة الأصلية كتبت بواسطة LeitoSR

ال Engine Flush مش حلو تكرارة علي الموتور,,
بس لو مرة أو أتنين مفيش مشاكل,,

ولو تقدر تغير الزيت دا بدري المرة دي يبقي أفضل,, ومتغيبش عليه,,
عشان لو لسه فاضل جزء من الEngine Flush وأتخلط مع الزيت الجديد,

وبعدين تحط زيت wolf تاني علي نضيف وتبقي منه نضفت الموتور وحاطه علي زيت ولف لتاني مرة وتشوف الأداء.

المشاركة الأصلية كتبت بواسطة hossamsmsm

الف شكر ياباشا
لا ديه اول مرة احطه وان شاء الله انا كنت عامل حسابى اغير الزيت بدرى يعنى على 10000 كم كده كويس ولا ايه ؟؟ علشان موزع الزيت اللى اشتريت منه قالى اغيرة على 20000 لو مش بحرق على العربيه و على 15000 لو بحرق على العربيه

بس انا اخدت بالى فى موضوع كده ان غلط احط ال Engine Flush وانزل الزيت بعد 10 دقائق والعربيه مايله مش واقفه مظبوط عالارض

اصل انا فاكر ان المتخصص اللى هناك عند موزع الزيت هو اللى غيرلى الزيت وحطلى ال Engine Flush ونزله والعربيه مش واقفه على الارض كان رافعها بالكوراااك

ايه العمل دلوقتى ؟؟

اعمل ايه ؟؟