عاجل : مصرع شاب ٢١سنة اليوم في ٦ اكتوبر على يد عصابة التكاتيك !!!!!

**Ahmed_Adham** · 31-10-2013 02:39 PM

ما انت حصلك موقف مشابه يا أبو تركي ومرضيتش تعمل محضر. مينفعش نبقى سلبيين ونشتكي.

**Y a r i s** · 31-10-2013 06:20 PM

المشاركة الأصلية كتبت بواسطة ahmed_adham

ما انت حصلك موقف مشابه يا أبو تركي ومرضيتش تعمل محضر. مينفعش نبقى سلبيين ونشتكي.

واللهي يا احمد باشا ... انا متاكد ان في ناس بتابع الانترنيت
ومتاكد ان في اجهزة مسؤوله عن جس نبض الشارع ... في كل بلد في العالم مش بس في مصر ... فانا كتبت شكوتي والي حصلي على الانترنيت. وباعتبروا ان ده محضر رسمي علني ... بل بالعكس اي محضر هتعملوا في قسم الشرطة اخرتوا هيتحفظ. ومحدش هيفكر يفتحوا حتى يبص عليه ويقلوا الراجل ده ايه الي حصلوا بالزبط !!!

طيب الي حصلوا ده ممكن يحصل لينا او لحد من عيلنا. اااه ممكن طيب. عاوزين نعمل خطة للقبض على المجرمين دول ( هنعمل ايه ) ويبتدوا يخططوو كزا وكزا وكزا ... ويبتدوا يشتغلوا.... انا كتير زمان كنت بكتب عن سلبيات. وبلاقي المسؤولين يبتدو يتحركوا وانا وانتا اهو والموضوع مكتوب بقالوا فترة. ومواضيع كتيرررر في جميع صفحات ٦ اكتوبر على الفيس بوك حد اتحرك. لأ ... حد شاف شغلوا لأ ... شفت لجان جديدة باماكن جديدة في شوارع جديدة لأ ... شوفت اي عربية اتاري. موقفه عربية مشتبه فيها بتفتشها. برضو الاجابة لأ .

كل الي جد اني مبقيتش الاقي تشكيلات. الاستعراض. الي هيا تالت اربع خمس عربيات اتاري ماشين مشغلين السرينه استعراض بس. كانها بتقول للناس اطمنوا احنا موجدين يا فرحتي. ده حتى توته بنتي. بتطلع توقف على البلكونة تعملهم باي باي بايديها الصغيرة ... فالي عاوز يشتغل هيشتغل يا احمد باشا صدقني .
ولو المباحث عاوزة تجيب العيال دي هتجيبها من تحت طئاطيئ الارض . انتا عارف هيا ديتها حملة ولا حملتين. في الشهر ... حملة وحده حتى مره في اكتوبر ومره في الشيخ زايد مره هنا مره هناك. هينفضو اكتوبر كلها من ساساها لراسها
... وربنا يستر طريقكم. قادر يا كريم وخلي بالكم من انفسكم بجد ويارب يحميكم ويسلمكم ... وتحياتي