أنا فى حيرة شديدة: رينو داستر ولا الاليزيه

**esammam** · 31-10-2013 02:01 AM

السلام عليكم

أفيدونى فى شراء سيارتى الجديده، أنا معى لوجان ومبسوط من التوكيل عشان كده بفكر فى الداستر وفى نفس الوقت الاليزيه ليها جاذبية خاصة بس قلقان جدا جدا من عز العرب، عايز أسمع أرائكم :)

**sonybony** · 31-10-2013 02:15 AM

انا بميل للداستر وعربيه محدش اشتكي منها علاوه علي انك هتعلي عن الارض يا سيدي وكمان ده جر رباعي يعني نقله تانيه وربنا يوفق للي فيه الخير

**ah-elgendy** · 31-10-2013 10:05 AM

طلما انت حابب التوكيل ومبسوط معاهم هات رينو فليونس احسن من الاتنين خصوصا ان داستر مانويل مفيش منها اتوماتك

**Fo1Fo** · 31-10-2013 10:18 AM

سيادتك بتفاضل بين سيارتين مافيش بينهم اى صله . عربيه سيدان وعربيه suv المهم احتياجاتك ؟ هل انت كل يوم تمشى 10-15 كم فى طرق ترابيه وشوارع مكسره ولا عندك مزرعه ولا مشروع فى الصحراء فى الحاله دى هات الداستر ولا هما شارعين ثلاته فيهم مطبات وحفر ومكن أتلاشاهم وكل مشاويرى طرق عاديه وسفر فى الحاله دى ماضيعش متعه ركوبه السيدان علشان شارعين مكسرين وممكن بكره يتسفلتوا . الأليزيه الهاى لاين فيها شويه أوبشن لوموجودين فى عربيه كورى (سيراتو مثلا ) هاتعمل 190الف جنيه الداستر قعدتها مش مريحه صاج الأبواب تحس انه خفيف جدا الأكر والمقابض أكنهم مصنوعين من صاج يكاد يقطع أيدك من حدتهم التابلوه شبه اللوجان مش غنى قوى تابلوه وقلعدة الأليزيه جيده جدا وبالتوفيق . والرابط التالى فيه مقارنه بين العربيتين وواضح ان الأليزيه الهورس باور والعزم وأستهلاك البنزين فى السفر لصالحها والداستر لصالحها الأرتفاع عن الأرض
Compare cars...

**AhmedNaeem** · 31-10-2013 10:45 AM

رينو داستر طبعا
كفاية انك مرتاح للتوكيل , وفعلا هي عربية كويسة ومحدش اشتكي منها
ومبروك مقدما

**Silent~Dream** · 31-10-2013 11:00 AM

بدل الاليزيه هات بيجو 301 اختها فى كل حاجه ماعدا الجنط ال 16 فى البيجو و نواكل زياده فى الاليزيه و توكيل افضل من عز العرب

**Silent~Dream** · 31-10-2013 10:26 PM

المشاركة الأصلية كتبت بواسطة esammam

شكرا على ردودكم جميعا

أنا نسيت أوضح حاجتين:
أولا: أنا فكرت فى ال 301 الأول عشان أبعد عن عزالعرب بس المشكلة إنها وصلت 140 ألف تسليم فورى أو الانتظار شهرين فى نفس الوقت أنا قدامى فرصة أجيب الاليزيه تسليم فورى ب 130 ألف (بس لازم أأكد الحجز النهارده)

ثانيا: قدامى فرصة أجيب الداستر يوم السبت بخصم ألفين جنيه على الأقل

عشان كده أنا محتار :(

البيجو 301 و استنى شهر او 2 و تستلم بسعر 136 عادى بس هتاخد عربيه مضمونه تقفيل و جوده و كماليات و تسارع و فرامل ما شاء الله و مفيش وجه مقارنه اصلا بينها و بين الداستر هى افضل بكثير و استخير ربنا و شوف انت عايز ايه

**eng.octooo** · 03-11-2013 09:47 AM

المشاركة الأصلية كتبت بواسطة fo1fo

سيادتك بتفاضل بين سيارتين مافيش بينهم اى صله . عربيه سيدان وعربيه suv المهم احتياجاتك ؟ هل انت كل يوم تمشى 10-15 كم فى طرق ترابيه وشوارع مكسره ولا عندك مزرعه ولا مشروع فى الصحراء فى الحاله دى هات الداستر ولا هما شارعين ثلاته فيهم مطبات وحفر ومكن أتلاشاهم وكل مشاويرى طرق عاديه وسفر فى الحاله دى ماضيعش متعه ركوبه السيدان علشان شارعين مكسرين وممكن بكره يتسفلتوا . الأليزيه الهاى لاين فيها شويه أوبشن لوموجودين فى عربيه كورى (سيراتو مثلا ) هاتعمل 190الف جنيه الداستر قعدتها مش مريحه صاج الأبواب تحس انه خفيف جدا الأكر والمقابض أكنهم مصنوعين من صاج يكاد يقطع أيدك من حدتهم التابلوه شبه اللوجان مش غنى قوى تابلوه وقلعدة الأليزيه جيده جدا وبالتوفيق . والرابط التالى فيه مقارنه بين العربيتين وواضح ان الأليزيه الهورس باور والعزم وأستهلاك البنزين فى السفر لصالحها والداستر لصالحها الأرتفاع عن الأرض
compare cars...

الكلام عن مقابض وقعدة الداستر دة غللللللللللط جدااا العربية معايا وانا عامل عنها تقريرين وسوقت اكتر من 4 داستر غير عربيتى ومافيش اى حاجة من الى انت بتقولها دة خالص