استفسار عن الكاوتش لبرسونا

**eslamcentre88** · 31-10-2013 06:15 PM

لو سمحتم عاوز اسأل اغير الكاوتش بتاع برسونا و اجيب كاوتش نوعه ايه و ياريت لو حد اشترى قريب اعرف الاسعار لانى سمعت اسعار كتير مختلفه و ممكن تكون لماركه واحده
الابعاد المكتوبه على الكاوتش الاصلى الجود يير 195/60R15 88v
الغريب في الموضوع ان فرده من الاصلى بتاع العربيه قطمت سلك بالرغم انها عمرها ما اتخرمت او مشيت عليها و هيا ناقصه و العربيه بقالها سنه و نص بس و عامله 35000 كم

لو ممكن نصيحه لنوع كاوتش يكون نفس المقاسات و يكون بيتحمل نفس السرعه ؟

**saddam** · 31-10-2013 11:22 PM

صديقي المواطن
أنا ياما قلت وياما ناديت في المنتدى وصنفت الجوديير من ضمن تصنيفاتي وتجاربي للكاوتشات وقلت وعدت وزدت أنه إطار فاشل ولا يصلح ولو حتدور على كاوتش دلوأتي
أي حد يقول لك كوري أندونيسي فيتنامي قل له آسف نجيلك في اﻷحزان وسياستك في التدوير أول كاوتش تثق بيه هو يوكوهاما الياباني مهما بلغ سعره حتى لو كان ثمنه ثمن فردة ونص من العادي ثم يليه أي كاوتش مصنوع في ماليزيا أكبر بلد مطاطي في العالم وبيحترموا إنهم يصدروا للعالم كاوتش نظيف ثم في الرخيص تاخد لاسسا التركي كاوتش طري وحبقعد معاك سنين وبتاع شقه وبالتوفيق وإلى اﻷمام ومن نصر إلى نصر
ودمتم للنضال