تجربة الفكترا B مع البنزين 95

**Ahmad Allawy** · 16-09-2008 08:31 PM

المشاركة الأصلية كتبت بواسطة NoNaMe

مفيش ازعاج ولا حاجة
المواتير الايكوتك هى المواتير ال 2 كامة اللى نزلت مصر (برة فى 2 كامة مش ايكوتك) وبتكون 16 صمام العادى كامة واحدة 8 صمام بس .. طبعا الايكو كفاءتة اعلى وبالتالى قدرتة اعلى
كلمة الايكوتك اختصار economy technoloy .. ببساطة تكنولوجى لتوفير الوقود والموتور الايكوتك هتلاقى مكتوب علية من فوق ecotech .. توفير الوقود على حساب نسبة من قدرة المحرك
يعنى مثلا ال 2.0 الايكوتك 136 حصان فى برة موتور 2.0 2 كامة بس مش ايكوتك 150 حصان

الكامة دى عبارة عن عمود بيدور بالتزامن مع عمود الكرنك ومسئول عن فتح وغلق صمامات العادم والسحب

المواتير الايكوتك نزلت فى الفكترا من موديل 2000 فى الاتوتوماتيك بس

انا معرفش عربيتك اوتو ولا مانيوال بس عموما انت ممكن تعرفة الموتور الايكو بيبقى علية غطا فضى من فوق ومكتوب علية ecotech , العادى لونة اسود من فوق ومكتوب علية opel وبيبان من حجم الموتور كمان لو الموتور عريض يبقى ايكو لو العكس يبقى لأ

موضوع الكود كل جيل من المحركات بيبقى لية كود (رمز يرمز للجيل دة من المحركات) ومن خلال الكود دة تقدر تعرف بيانات الموتور اللى قدامك
مثلا 16lz2 دة كود ال 1.6 الكامة الواحدة
16--> يعنى الموتور 1.6
L--> single point injection
z2--> مش فاكر بالضبط بس اعتقد كان حاجة ليها علاقة بانبعاثات العادم
عموما هتلاقى موضوع هنا فى اوبل عن شرح اكواد مواتير اوبل

هو اكيد الموضوع ده انت اللي عامله يابو حميد..
معلش ولو فيها رخامة مني,..
ممكن تجيبلي لينك علي الموضوع ده..؟؟
انا هادور عليه لو لقيته هاقولك هنا ولو لأ هاقولك تشوفهولي يا باشا..

**ENG\AHMED** · 16-09-2008 08:43 PM

انا مش لاقى الموضوع هنا .. مش عارف راح فين !

على العموم دة لينك الموقع
http://www.topbuzz.co.uk/info/engine...gine_codes.htm

**Ahmad Allawy** · 16-09-2008 09:12 PM

شكرا يا باشا.. تسلم ايدك..

**abdelaziz-waleed** · 22-09-2008 03:23 AM

يوم مقابلة افطار رمضان. كان ليا الحظ ان احمد باشا نونيم يبصلي على الفيشة السحرية اللي بتظبط توقيت الشرارة بتاعة الحرق على نوع البنزين
المهم لاقيناها على 87 فقام الباشمهندس احمد مشكورا بقلبها لتكون على 91

النتيجة

انا حاسس اني راكب عربية تانية خالص (ما شاء الله)
اولا النقلة بقت ناعمة جدا ومابتنتشي زي الاول. بمعنى ان الاول كان لازم اعمل النقلة بالظبط علشان العربية ما تنتشي. انما دلوقتي كل ما انقل الاقى العربية عادي جدا وما تشنتشي ولو حتى نتشت تكون نتشة عادية خالص.
ثانيا حسيت ان في فرق شوية في السحب. اتحسن بصراحة.
ماهما اتكلم. الكيبورد مش هاتعرف تعبرلك عن امتناني يابوم حميد. وبجد انا سعيد جدا اني اتعرفت على شخصية جميلة ومحترمة زيك يا احمد مش مجاملة والله. واتمنى اني اشوفك تاني في مقابلة فرعية لعصابتنا الجميلة.
انا كنت بستخدم بنزين 92 على الفاضي وما بستفادتشي منه. ولكن دلوقي الحمد لله. انا مبسوط جدا جدا والشكر لله اولا ثم لأحمد باشا نونيم

**M.Mokhtar** · 22-09-2008 03:26 AM

ايه الكلام الجميل ده
انا كده هعيط
ياريتنى كنت معاهم ياريتنى كنت معاهم :(

**abdelaziz-waleed** · 22-09-2008 04:00 AM

المشاركة الأصلية كتبت بواسطة mimysheckles

ايه الكلام الجميل ده
انا كده هعيط
ياريتنى كنت معاهم ياريتنى كنت معاهم :(

حبيب قلبي محمد مختار
تعالى بقى هنا. انت مش مديني وعد انك هاتيجي ان شاء الله
دي عصابة الاوبل كان معظمها هناك. وكنا مستنينك. حرام عليك يا راجل.
احمد سومو وعلاوي ونونيم ومصطفى فاروق
عموما تتعوض ان شاء الله في احدى مقبلاتنا الفرعية بس لازم اكون موجود في مصر علشان اشوفك

فعلا يا مختار العربية بقت حاجة تانية خالص. معقولة 4 اوكتان يعملو كل ده. هية تقريبا زي الفرق بين البنزين 90 و 95 شوف 5 اوكتان وبيعملو ايه

**ENG\AHMED** · 23-09-2008 01:14 AM

انا حاسس اني راكب عربية تانية خالص (ما شاء الله)

اى خدعة ;)

ماهما اتكلم. الكيبورد مش هاتعرف تعبرلك عن امتناني يابوم حميد. وبجد انا سعيد جدا اني اتعرفت على شخصية جميلة ومحترمة زيك يا احمد مش مجاملة والله. واتمنى اني اشوفك تاني في مقابلة فرعية لعصابتنا الجميلة.

اية الكلام الكبير دة :) ياباشا ربنا يخليك كلنا بنستفيد من بعض وبجد انت شخصية محترمة جدا وكل العصابة سواء سومو ولا علاوى ولا مصطفى فاروق ولا الناس اللى مبنشوفهاش .. اللى على راسة بطحة بقى

.. انها حقا عائلة محترمة :)

تخيل لو جبنا فيشة 95 وحطينا ال 95 فيها هتبقى عاملة ازاى

**M.Mokhtar** · 23-09-2008 01:29 AM

المشاركة الأصلية كتبت بواسطة abdelaziz-waleed

حبيب قلبي محمد مختار
تعالى بقى هنا. انت مش مديني وعد انك هاتيجي ان شاء الله
دي عصابة الاوبل كان معظمها هناك. وكنا مستنينك. حرام عليك يا راجل.
احمد سومو وعلاوي ونونيم ومصطفى فاروق
عموما تتعوض ان شاء الله في احدى مقبلاتنا الفرعية بس لازم اكون موجود في مصر علشان اشوفك

فعلا يا مختار العربية بقت حاجة تانية خالص. معقولة 4 اوكتان يعملو كل ده. هية تقريبا زي الفرق بين البنزين 90 و 95 شوف 5 اوكتان وبيعملو ايه

معلش يا وليد بيك تتعوض ان شاء الله
انا والله كنت فى سفريه سريعه كده للبلد :)
عايزين نظبط احنا مع بعضينا كده مقابله ونشوف بعض عشان انا عايز جدا ضرورى اتعرف بيكوا كلكوا

المشاركة الأصلية كتبت بواسطة NoNaMe

اى خدعة ;)

اية الكلام الكبير دة :) ياباشا ربنا يخليك كلنا بنستفيد من بعض وبجد انت شخصية محترمة جدا وكل العصابة سواء سومو ولا علاوى ولا مصطفى فاروق ولا الناس اللى مبنشوفهاش .. اللى على راسة بطحة بقى

.. انها حقا عائلة محترمة :)

تخيل لو جبنا فيشة 95 وحطينا ال 95 فيها هتبقى عاملة ازاى

ااااااااااى دماغىىىىىى
اكيد مش انا :)

**ENG\AHMED** · 23-09-2008 01:31 AM

المشاركة الأصلية كتبت بواسطة mimysheckles

معلش يا وليد بيك تتعوض ان شاء الله
انا والله كنت فى سفريه سريعه كده للبلد :)
عايزين نظبط احنا مع بعضينا كده مقابله ونشوف بعض عشان انا عايز جدا ضرورى اتعرف بيكوا كلكوا

ااااااااااى دماغىىىىىى
اكيد مش انا :)

مانا عارف , انت عندك بطحة ؟!!

**abdelaziz-waleed** · 23-09-2008 03:36 AM

المشاركة الأصلية كتبت بواسطة NoNaMe

اى خدعة ;)

اية الكلام الكبير دة :) ياباشا ربنا يخليك كلنا بنستفيد من بعض وبجد انت شخصية محترمة جدا وكل العصابة سواء سومو ولا علاوى ولا مصطفى فاروق ولا الناس اللى مبنشوفهاش .. اللى على راسة بطحة بقى

.. انها حقا عائلة محترمة :)

تخيل لو جبنا فيشة 95 وحطينا ال 95 فيها هتبقى عاملة ازاى

لا ياعم 95 ايه ده كدة حلو اوي عليها. والله الواحد بيحمد ربنا جدا انه اتقابل مع ناس جميلة زيكوا. ربنا يديم الود والمحبة

المشاركة الأصلية كتبت بواسطة mimysheckles

معلش يا وليد بيك تتعوض ان شاء الله
انا والله كنت فى سفريه سريعه كده للبلد :)
عايزين نظبط احنا مع بعضينا كده مقابله ونشوف بعض عشان انا عايز جدا ضرورى اتعرف بيكوا كلكوا
:)

خلاص ماشي المرادي. بس المرة الجاية مالكش اي اعذار. وقد اذعر من تذعزر:).

الموضوع: تجربة الفكترا B مع البنزين 95

LinkBack

أدوات الموضوع

عرض

-

-

حقا انها فيشة سحرية -

-

-

-

-

المواضيع المتشابهه

تجربة تحويل السيارة لغاز طبيعي بعد غلاء البنزين-تجربة ومناقشة

تجربة تحويل السيارة لغاز طبيعي بعد غلاء البنزين-تجربة ومناقشة

تجربة أضافة stp علي البنزين

تجربة تغيير طرمبة البنزين

تجربة استهلاك البنزين

الكلمات الدلالية لهذا الموضوع

المفضلات

المفضلات

ضوابط المشاركة