الموضوع: تم القبض على قاتلين شاب ٦ اكتوبر !! مفاجئة طلعوا من الفيوم وجين يسرقوا هنا !

ازاي اكتوبر توصل للمرحله دي ؟؟ و فين الامن ؟

قبل ما اي واحد فينا يحاول يحلل المشكلة ويفسرها تعالوا ننظر كام واحد خريج جامعات ومتزوج من جامعية ومع ذلك لا يجدوا غضاضة انهم يبعثوا بابنائهم للدروس الخصوصية بداية من رياض الاطفال هذا وان دل فإنه يدل علي ان الوالدين تلك الايام مش عندهم استعداد لتربية ابنائهم

رغم ان المتهمين يستحقوا الاعدام الا اني مشفق عليهم بسبب الظروف اللي مروا بيها ووصلتهم لكده
دي مشكله دوله مش جيل المفروض الدوله توفر شغل للنوعيه دي من الشباب اللي فشل في تعليمه يتعلم صنعه افضل والدوله تشغلهم في مصانع وغيره وتستغل طاقتهم دي في حاجه مفيده

يا جماعه بصراحه انا مستغرب من الناس اللى مشفقه على القتله
دول ناس لو الدوله وفرت ليهم كل حاجه برضه هيسرقوا
دول مفيش اهل ربوهم والموضوع جاى من
انما لو كل حد مش لاقى شغل راح سرق كانت البلد معظمها الا من رحم ربى بقت حراميه
دول ناس بتستهل الفلوس اللى جايه من الهوا
بدليل ان عندهم كشك غيرهم يتمنى يبقى عنده ربعه

الموضوع محتاج قوانين استثنائية بألأعدام لكل من حمل السلاح بقصد السرقة بالأكراه و محاكم مخصوصة سريعة فقط للسرقة بالأكراه و حمل السلاح و سرقة العربيات(ببساطة للجرايم اللى بقت منتشرة بصورة رهيبة).....نفسى اللى ماسكين البلد يبصوا فعلا للموضوع ده و يشوفو البلد محتاجه ايه فعلا و توجيه كل قوة الجيش و الشرطة و صرف كل ما يلزم من أموال لمكافحة الجرايم ديه و محاسبة كل مدير أمن أو مأمور قسم تحصل فى نطاقه أى حادثة من دول قرارات حاسمة بالقوانين واللى يتمسك يتحاكم بدون تأجيل بحيث أن الحكم يصدر بحد أقصى فى خلال 4شهور. و يتم تنفيذ ألأحكام علنا و ان لم يكن فى ميدان يكون مذاع. و بالنسبة للكلاب اللى قتلوا الشاب ده دول يتقتلوا زى أى حشرة مؤذية بدون ندم ولا شفقة عليهم, اللى زى دول الحيوانات بيكون عندها احساس عنهم...دول هما أعداء الوطن فعلا..كل من يروع الناس و يستحل أعراضهم و أموالهم و دمائهم...يارب نبطل عض فى بعض و نلتفت للكلاب دول. من أمن العقاب أساء ألأدب و الكلام ده ينطبق على المجرمين و على كل مأمور قسم أو مدير أمن متقاعس فى أداء شغله اللى هو عن حماية الناس.

ربنا يرحم اللي ماتوا و يصبر اهلهم و يرحمنا برحمته . مش معقول ان الاشكال الضاله هي الطرف القوي في البلد. نفسي اشوفهم كلهم في حفرة و متولع فيهم و مبيصعبوش علي ابدا . هما عايزين فلوس سهله و خلاص ياخدوا الرخيص بالغالي الفلوس مقابل روح بني ادم. الفقر مش حجه. في ناس عندها فقر و مرض و بلاوي تلاقي بعض مشاكلهم في الجرائد لطلب مساعدة او بريد الجمعه او ماشابه و مبيفكروش يسرقوا فضلا عن القتل. الواحد صعب يقتل حيوان فمابالك ببني ادم . الحثالة دي لا دين ولا تربية ولا حاجه خالص. البتر هو الحل. بدل ما الشرطه فاضيين للمظاهرات يشوفوا الاهم. و الناس مش هتزعل عليهم لو قتلوهم و لا لهم اهل يبحثوا عنهم. الواحد في حرقة دم مستمرة. انا مش باخرج غير للشغل بباص الشغل و بس و العربية هتصدي من قلة الاستعمال. حبس اجباري و تحديد اقامة بسبب هذه الحثاله و هروبا من حرقة الدم و الفوضي و المصيبة ان الشوارع الي التكتك ماكانش يفكر خياله يظهر فيها بقي عادي بيمشي. ولا نمر ولا حاجة. حشرة سوداء ماشية تغيظ في الكل و ملوش كبير. ليه بيسمحوا باستيراده . ليه سايبينه يمرح في الشوارع؟ اكيد فيه قله من الشباب المكافع عمله مشروع حلال لكن علي الاقل يقنن و يعملوا نمر و رخص للموجود و يوقفوا استيراده او تصنيعه. و استاذ Yaris كنت بلغت عن اللي سرقوك ومش مهم سرقوا ايه لكن لسه احرار و ممكن يسرقوا غيرك. لازم تبلغ عنهم .هما دول الارهابيين بجد.