الموضوع: ==**## تغيير الزيت والتيل للسيريون خارج التوكيل ##**==

المشاركة الأصلية كتبت بواسطة karim_monir

دكتور هيثم ده ريكومندد من الوكيل مش من تويوتا وفي فرق كبير
تويوتا ايجبت بتقول موبيل وان
وانا لما دورت على النت مالقتش في اليابان اي حاجة تقول موبيل
كاتبين مواصفات الزيت وخلاص
لاني كمان لقيت الخليج بعضهم زي السعودية بيحط زيت تويوتا
وبعضهم في دول تانية بيحط فوكس جي تي وبعضهم بيحط شل الترا
وانا شخصيا بحط شل الترا

انا اللي بقولوة ان حرام عربية جديدة وسبيكة الموتور لسه زيرو
احطلها في زيت معدني تقيل
ابو عبد الله سبب ان صوت الموتور هدي
ان الزيوت المعدنية اتقل من الزيوت التخليقية
ولو نزلت زيت تويتا وحطيت اي زيت معدني مش هاتحس ان صوت الموتور بقى اعلى
------------
كل لعبة الزيوت دي لعبة توكيلات
غبور كان بيحط موبيل في عربياتة
وبقالة 5 سنين تقريبا بعد ما عمل صفقة مع شل وبقت عربياتة بتحط شل
مالهاش اي قاعدة اطلاقا
كلها بيزنس

اختلف معاك يا كريم في بعض النقاط
أولا زيت تويوتا ده محطوط عليه علامة تويوتا وانه من قطع الغيار الأصلية

ثانيا الزيت مش تقيل بالعكس ده اخف من موبيل وانا شايفه وهو بيتحط عامل زي زيت الاكل

ثانيا لو كان تقيل مكنتش حسيت ان العربيه بتجري لوحدها كده
العربيه فعلا لما بسيبها تمشي من غير نقله او ضغط علىدواسة البنزين بحس انها بتجري اكتر من الاول بجد والله
والموضوع ده والله انا لاحظته بدون ما ابقى متنبه لأداء الزيت خالص


وبعدين نقطه تانيه انت اتكلمت عليها
موضوع ان المعدني مينفعشي او حرام انه يتحط في عربيه جديده

الكلام ده بقه خلاف كلام الــ API تماما
لأن الموضوع ده خاص بالحروف زي SL و SM و SJ وهكذا
يعني هما عاملين جدول علشان الموضوع ده زي هنا

يعني واضح ان المسألة مش متعلقة بتخليقي او معدني خالص