الموضوع: حصريا وبالصور ... تغيير جوان الكارتيره وزيت الفتيس لفكترا ١٦٠٠ مانيوال

المشاركة الأصلية كتبت بواسطة maam

وراك ان شاء الله في موضوع جوان الكارتيرة بس هاستنى شوية اما اشوف الاخبار معاك بعد شهرين كدا

بالنسبة للفتيس , كدا اللي عندك هو اللي عندي بالظبط وبالتالي بناكد لتاني مرة ان فتيس الفيكترا بي2 مختلف عن البي1
تقدر تقولنا فتحت طبة التفريغ ازاي ؟
وعلى فكرة الزيت اللي اتشفط من عندي اول مرة كان احمر باردوا والراجل استغرب وقالي هي العربية ديه اوتو ؟

وهل ظبط معاك 1.9 لتر بالظبط بعد اما عايرته بـ طبة مستوى الزيت ؟

sent from my htc

بص يا باشا ... الفتيس بتاعنا فيه ٣ فتحات .. اتنين تحت وواحده فوق فى حوض الموتور .. اللى تحت هما اللى انا مصورهم .. واحده اسمها ميزان زيت الفتيس ومكانها فى الفتيس من ورا فى نصه بالظبط والتانيه هى مطبه زيت الفتيس اللى فى الصوره بينزل منها الزيت الاحمر .. واللى فوق هى اللى بنحط منها الزيت الجديد .. والتلاته بيتحلوا بمفتاح النكيه رقم ٨

نجيى بقى لطريقه فك الطبه .. مكانها مزنوق طبعا والاسطى عمل حركه ذكيه وهى قطع حوالى ٢ سم من مفتاح النكيه بالصاروخ وحطها فى الطبه وبدأ يفك بمفتاح ١٠ مشرشر
الاتنين التانين سهلين فى حلهم
ان شاء الله هتابع واقولك الزين منع ولا ايه الاخبار
تحياتى يا جميل

المشاركة الأصلية كتبت بواسطة فادى محمد

ربنا يكرمك يا هشام باشا..
- نظفت مصفه طرمبه الزيت بالمره وانت فاكك , مش كده ؟
انا لاحظت في الصوره انك شيلت المصفه بالانبوبه بتاعتها
اخدت بتالك ان ليها o ring صغير كده رخم ؟؟
-خلي بالك سليكون العضم اللي حطيته علي جوان فرن الشكمان
مش هينفع خالص . السليكون هيتحرق وتلاقيه تراب , لو لقيته
بيسرب غيره , هو جديد ب20 ج ماركه توبران الماني..

ايوه الحمد لله نظفنا المصفه .. وقاللى ان طرمبه الزيت بتاعتنا هى نفسها بتاعه الليجانزا دايو ... وبتاعه الليجانزا ب ٢٥٠ جنيه وبتاعتنا ٨٥٠ جنيه حسب كلامه
وطقم العمره والبيلات بتاعتنا هو نفسه بتاع الليجانزا لانه قاللى انه عمر فيكترا قبل كده بعمره ليجانزا
بالنسبه للجوان بعد ما ربط بالسليكون جه فى دماغى الكلام اللى انت قلته دلوقتى بالظبط .. بس قلت فى اى وقت اجيبه وفى عندنا واحد بيعمل الجوانات دى بالمقص ممكن اعمله عنده لو لقيت الخامه بتاعته زى خامه الجوانات بتاعه الشكمان العاديه
تحياتى

المشاركة الأصلية كتبت بواسطة maam

اضافة لموضوعك الرائع يا هشام
انا عرفت مكان طبة مستوى الزيت من الصورة اللي انت رافعها ، بس هاعرضها من منظور تاني ، لأنها ممكن ماتبانش بسهولة لأي حد ينزل تحت العربية

الدايرتين الحمر معلمين على مكان طبتين
- الدائرة اللي على اليمين: طبة مستوى الزيت الزائد ، فوق الإستيكر الأبيض
- الدائرة اللي على الشمال: طبة التفريغ اللي مزنوقة بين جنب الفتيس والشاسيه

الف شكر على المشاركه الجميله يا باشا وفعلا المنظور ده يوضحها اكتر وياريت منسق القسم يضيفها للموضوع لو أمكن

المشاركة الأصلية كتبت بواسطة maam

هو دا نفس اللي حصل بالظبط معايا
http://www.nilemotors.net/nile/3875266825-post7.html

نسيت تقولي ظبط المقاس عندك 1.9 لتر ؟

ايوه معلش نسيت دى ... المقاس فعلا ١.٩ لتر لان انا كنت بحط الزيت الجديد من فوق بطرمبه الضخ بتاعه زيت الفتيس وهو كان فاتح طبه الميزان وواقف فى البياره ... وفعلا الاتنين كيلو نزل منهم شويه من الفايظ والعيار المثالى ١.٩ لتر