السلام عليكم ورحمة الله وبركاته

قولوا لى :

  • أعمل اية لما احب ادخل يمين او شمال الطريق او شارع يمين او شمال او ملف يمين او شمال وبدي اشاره حتى لو الشارع ورايا فاضي لكن ما حدش بيبقى مصدقنى وما حدش بيدينى فرصة اكسر فى الاتجاة الى انا داخله لية ها لية لية ها لية لية لية انا فكرت اركب ميكرفون فى العربية علشان انبه الناس انى مشغل الاشاره وانى والله نفسي ادخل فى الاتجاه الى انا عامل فيه الاشارة ؟

  • حاجة كمان لية دايما الى بيمشي عكسي بيبقى قايد النور العالى ويقعد يقلبه وبيجري بسرعه ؟

  • ولية دايما الى بيبقى طالع من شارع فرعى على طريق اساسي مش بينتظر الطريق الاساسي يهدى او ياخد جنب فاضي ويخرج لية بيرمي العربية فى بحر الطريق الاساسي ويبصلك بصه اكنك دوست على رقبته ؟

  • ولية دايما الناس الى بتبقى فى الطريق المقابل بيقلبوا فى وشك الزينون الى بيبقوا فرحانين بيه اوى كده ليه ؟

  • لية الناس بتعمل شات على الموبايل او بتبعت رسايل موبايل وهى سايقة العربية ؟
  • لية سواقين الميكروباصات فاهمين انهم احسن سواقين فى الدنيا على الرغم انهم لازم يعرفوا اننا لو حطينا مكانهم معزة او جدي (والزعل مرفوع لو فى حد سواق ميكروباص )هيسوق احسن منهم ليه مفكرين انهم اول ما بيركبوا العربية بتبدا الخناقة بالعربية ؟
  • لية الناس كلها تقريبا عايزة العربيات الى وراها تطفى النور ، على كده لازم نوصي شركات التصنيع ان العربيات الى نازلة مصر تبقى من غير فوانيس خالص ، انا النور بتاعى اصلا مش بشوف بيه وواحد عمال ينحر فى موتورة وعربيته وغرز ووجع قلب فى مسافه لا تتعدى 20 متر مش عارف لية وبيقولى اطفى النور وده الواطى بتاعى الى مش بشوف بيه اصلا طفيته راح مشغل رشاش ميه الزجاج الخلفى بتاع العربية عليا على الباربريز بتاعى قعدت اضحك من استغرابى وللاسف كان راكب ايبيزا ؟



انا نفسي اركب لودر كبير ضخم واعلم الناس الادب فى الشارع ...............

ده حوارت بتحصل معايا كل يوم الصبح فى رحلة المدرسة ثم الى العمل ................

صباح الفل يا رجالة الى يعرف لية الناس بتعمل كده يقولى قبل ما اعمل زيهم
انا شوفت بعينى واحد على يمين الطريق و برده واحد رمي عليه من شارع متفرع وشتم الراجل كمان علشان هو الى المفروض ينتطر سيادته ، كل الى عمله الراجل انه جابه ودخل ببوز العربية فى جنب عربية التانى وطار ، شكلى هعمل كده والله فى الاخر مع الناس ده ...................