الموضوع: سؤال بخصوص rpm البيجو 301 !!

بتكون ماشي علي سرعه كام قبل المطب ( قبل ما تدوس فرامل ) او العربيه بتكون علي الغيار الكام ؟ و عربيتك مانيوال و لا اوتو ؟

المشاركة الأصلية كتبت بواسطة leitosr

دا طبيعي,,
انت بتكون ماشي علي الغيار التالت أو التاني في المشي الطبيعي جوا البلد,
ولما بتدوس فرامل هيفضل الrpm ينزل معاك زي مانت وصفت لحد ما يوصل ل 1000 لفة في الدقيقة,

وساعتها لما يوصل للحد دا ويلمس حد ال 1000 لفة في الدقيقة هيسقط والعربية هتاخد الغيار الاول لو كنت بتقف,
وال rpm هيعلي شوية زي مانت وصفت علي حسب السرعة اللي أنت لسه ماشي عليها لان العربية والعجل هيكون لسه بيتحرك وأنت داخل علي المطب براحة وموقفتش خالص يعني السرعة مبقتش لسه زيرو عشان تقف تنزل ل 800 rpm.

وطبعاً لما بتقف بالعربية خالص علي سرعة صفر,, علي المطب أو بعد المطب وتكون العربية علي ال d وواخدة أول غيار هتكون واقفة علي عدد اللفات الطبيعي بتاعه 800 لفة في الدقيقة ومستنياك لحد ما تدوس بنزين تاني,

هي ممكن في المانيوال تعمل كده و لا من الغيار التاني مثلا للمور حيفضل المؤشر ينزل و بس ؟

الفكرة ان الاوتوماتيك بتاع العربية دى بيسقط غيارات مش بيفصل الفتيس عن الموتور لما تدوس فرامل ، وده بيزود قوة الفرامل

المشاركة الأصلية كتبت بواسطة leitosr

لا مش هتعمل كدا في المانيوال طبعاً,
الكلام اللي وصفه حازم دا في الاوتوماتيك بس, وطبيعي جداً,,

أما في المانيوال أنت مجرد ما بتدوس دبرياج وأنت داخل علي المطب بتبقي فصلت حركة الموتور عن الفتيس,,
في المؤشر هينزل تحت خالص وينام عند ال 800 لفة,,
لحد ما تيجي تتحرك تاني وتدي العربي غيار أوتشيل رجلك من علي الدبرياج لو كنت علي نفس الغيار أو تدوس بنزين هيبتدي المؤشر يتحرك ويصحي معاك. :-)

شكرا يا باشا للتوضيح .. ربنا ينفع الناس من معرفتك و يجازيك خير

بجد شكرا جزيلا, افدتمونى افادكم الله :)