الموضوع: هل العيشه فى مصر خطأ فى حق انفستا ؟ سوأل للمغتربين المصريين و الراغبين فى السفر

قرار تقدر تخده بنفسك محدش هيساعدك فى لانى ظروف كل واحد مختلفة
انا عن نفسى هقلك سافر حتى لو معاك فلوس الدنيا واهلك انزلهم اجازات وظبطهم فلوس وشقة جديدة دة هيهون عليهم
واحد تانى هيقلك لا مصر هى امى ومقدرش اسيب مصر دة انا اموت لو ابستها

المشاركة الأصلية كتبت بواسطة banzai

ابراهيم الفقى اغتيال ( لا يهمنى رأى غيرى فى مسألة الحريق)

للعلم بالشئ ابراهيم الفقى مكنش عالم والشهادات بتعته طلعت مزورة
دة غير انه لو افترضنا انه كان عالم بجد محدش هيفكر يغتالة

يا جماعه احنا ممكن نحاول نطور البلد بأيدينا فى الوقت الحالى لو كل واحد بيحب البلد فعلا ممكن نجمع مع بعض أفكارنا وايه اللى عاوزين بلدنا تبقى فيه يعنى مثلا عاوزين نخلى تطليع الرخصه مثلا بالتليفون حد يجى يرفع رقم الموتور والشاسيه وتدفعله المصاريف كامله وتانى يوم الرخصه تيحى لحد بيتك
نشوف مثلا العيوب اللى فى الطرق ونجمعها والسلبيات اللى بنشوفها

ونجمع مننا مندوبين او تلاته ونروح نقابل اى محافظ ونساعد فى بناء بلدنا
وبرضه نحاول نتكلم مع ائمة المساجد فى المناطق اللى احنا ساكنين فيها انهم يكلموا فى الامور المعاصره يعنى مثلا يتكلم فى ان رمى الزباله حرام وان اللى بيدق حديد فى الارض لحجز مكان لسيارته حرام دينياً
وان اللى سايق توكتوك وبيعلى صوت الكاسيت حرام
وممكن لو ناس بتشتغل صح تجمع نفسها فى مجموعات وتخاطب فئات الشعب
ولو خلصت النوايا فعلا هنكون فى خلال سنوات قليله من الدول المحترمه

الغريب فى الموضوع ان عندك مدينه زى الرحاب او المعادى انا كل جيرانى من سوريا و العراق و السعوديه و فيه واحد من شرق اوروبا كمان .... يعنى محدش عاجبه حاله !!

كلمات قليلة ارجو ان تجد فيها مفاتيح لتساؤلاتك و حيرتك لو تأملتها بتمعن
انت ليه بتحب البلد دى. . . هى كده. . . كيمياء و معادلة فى تكوينك سببت ده و دخل فيها عوامل كتير لو فكرت شوية هتلاقيها قدامك بسهولة. . . و فى دى انا زيك بس الفرق انى انا عارف بحب البلد دى ليه و اسبابه شرحها يطول

تسافر و لا لأ
انا من المؤمنين ان لكل شئ تمن و لازم يندفع. . . هتهرب من الناس الزبالة هنا فهتخسر الناس الكويسة اللى مصبراك على العيشة هنا و هتروح هناك هتلاقى ناس كويسة لكن الكيمياء بتاعة تكوينها مختلفة عنك و هو ده السبب الاساسى للاحساس بالغربة انك هتحس بالانعزال حتى وسط الناس

اللى تعبان اقتصاديا او فى شغله لازم يسافر لان غالبا تعبه الاقتصادى هو اللى مسبب نظرته السوداوية اللى بتخليه يشوف البلد بتغرق

بالنسبة لباقى الناس. . . انت عندك 3 دواير بتعيش فيهم قسم لا بأس من عمرك. . . الدائرة الاولى و الاهم عيلتك سواء الصغيرة او الكبيرة. . . الدائرة التانية اللى كلنا بنعانى منها هى الشارع و سلوكيات الناس و اى معاملات خارجية سواء سواقة او معاملات حكومية او بيع و شراء و خلافة و دى كلنا بنعانى من مشاكلها بشكل يومى. . . الدائرة التالتة هى مكان سكنك. . . لو ساكن فى مكان مريح نفسيا ممكن يبقى عامل كويس جدا. . .
عشان تعيش مستريح لازم دايرتين كاملين من السابق ذكرهم يبقوا مستقرين الى حد كبير. . . يعنى دواير عيلتك مستقرة و كمان ساكن فى مكان كويس مريح نفسيا تستريح فيه من عناء الشغل و الشارع يبقى ده ممكن يصبرك الىحد كبير على تحمل مضايقات الشارع السابق ذكرها. . . لو حياتك العائلية مش مستقرة و الشارع قارفك يعنى السلوكيات يبقى غالبا محتاج تسافر. . . و هكذا . . .المهم ان دايرتين كاملين يكونوا مستقرين بدرحة كافية تخليك تستحمل الدايرة البايظة. . . بس حتى ده برضه ليه حدود فى الاحتمال لان حد ممكن تكون حياته كل حاجة فيها كويسة لكن مش طايق الشارع و الناس و السلوكيات و بيدور على الادمية فى التعامل و النظام و ده برضه ساعتها ممكن يستبيع و ياخد قرار السفر مهما كانت العوامل الاخرى مغرية بالاستقرار
و فى النهاية كل واحد و ليه حسبته و هو ادرى الناس بيها

عفوا السعوديه ليست دوله فاشله هى دوله ذات طابع خاص وفريد على مستوى العالم تتفق او تختلف معه راى شخصى لكن ابدا ليست دوله فاشله سيب الفشل لدول اخرى
معلومه كدة على الهامش بس
مصر الدوله الوحيدة فى العالم معندهاش دورى كرة قدم حتى الصومال و سوريا فيهم دورى