الموضوع: هل العيشه فى مصر خطأ فى حق انفستا ؟ سوأل للمغتربين المصريين و الراغبين فى السفر

بص هو الحقيقة. مصر فيها حياة بس شعبها مات
بس مش كلهم في ناس عايشه حياتها بسم الله مشاء الله ٢٤. قيراط ... والمشكلة الحقيقة ان كتير من الناس مش عارفه ازاي تعيش حياتها صح ... اكيد ناس كتير وعوامل كتير بتحبطك. في ناس كتير بتنغص عليك حياتك. ده غير الحجات الكتيررر من الي حوليك الي بطلعك من هدومك وتخليك تشقها .... بس تصور. مثلاً ؤوضتك مكركربة هل الحل انك تهاجر لاي فندق. ولا الحل انك ترجع تروقها. علشان تعرف تعيش فيها .

ولك ان تتصور انك وانتا مهاجر هتلاقي الناس المقرفين. والي زبلوا البلد كمان. واخدين شنطتهم ومسافرين معاك. وتيجي تسئلهم ايه ده انتوا مسافرين. ليه بره مصر يقولولك يا اخي ده البلد بقت لا تطااااق ههههههه. .

لا ومش بس كده مش هما سافروا معاك كمان هيحربوك في لقمة عيشك بره ويحاولوا يسفروك باي وسيلة كانت. رغم انك ممكن شغلك بعيد عنهم ... بس كده هواية عندهم الشر والاذى ... وعلى فكرة الشر والاذى ده شيء جيني. يعني في جينات البني ادم مش احياناً تلاقي اطفال. ماشين في امان الله. ويلاقوا كلب ولا كلبين نايمين تحت شجرة في امان الله وكافين خيرهم شرهم يقوموا الاطفال بمنتهى البرائة الي في الدنيا. يمسكلو زلط ويبتدوا يحدفوا الكلاب هههههههه. اهو سبحان الله جينات. بس جينات وسخة بعيد عنك .

المهم الاشكال الضالة دي لمن تكبر بتخلي العيشة في بلدنا جحيييييم. رغم ان بلدنا احسن بلد في الدنيا ... بس كمان ما تتصورش انك لمن تهاجر هتكون مرتاح لان حتى لو هاجرت الجنة. هتلاقي الاشكال دي وراك وراك .... وتحياتي

المشاركة الأصلية كتبت بواسطة japrulez

طيب ماشى بس لما الناس كلها تسافر و انا قدامى كفاءات كتيرة اوى و عقول فذه تسيب البلد معلش فى الكلمه ... هيتبقى فيها اللمامه و الحوش و الجهلاء ... مين هيعمر البلد و يعلى شأنها ولا خلاص كأنها مركب و بتغرق

فكر فيها من ناحية تانية ..... لما تقعد انت و الناس دي تمشي و تفضل انت مع اللمامة في الاخر و باب الهجرة لأي سبب يتقفل ساعتها هتعمل ايه؟


الموضوع ده عامل زي تقليسة البنك (في بلاد برة اللي مفيهاش ضمان من البنك المركزي للبنوك)......... الناس بتسمع اشاعة ان البنك بيفلس فبتهجم عالبنك اكتر يقوم البنك فعلا يحصل فيه مشكلة كله يقول ياللا نفسي و يجري يسحب لحد ما البنك فعلا يخرب

و لو انت ساعتها قلت لا انا مش هاعمل زي بقية الناس مانت في الاخر مش هتلاقي فلوسك


كله دلوقتي بيفكر بطريقة اهنب يا منيجي ........