منذ فتره ليست بعيده لاحظت لجوء عدد كبير من اصدقائى للهجره الى كندا و المانيا و انجلترا و بلدان اخرى
و رغم حبى لمصر ( لا اعرف لماذا احبها صراحة) بدأت اشك فى نفسى و ان الحياه فى مصر اصبحت صعبة و مليئة بالسلبيات ان كانت فى الناس او الاسعار ... التعليم ... الصحه .... التلوث .... حتى الطرق المكسرة و الحاله المروريه و اخلاق السائقين السيئة و المهازل اليوميه التى نراها فى شتى مجالات الحياه
انا اعمل فى مجال دقيق و مطلوب فى الخارج بمرتب اضعاف اضعاف مرتبى فى مصر و لكن فى نفس الوقت ارفض السفر لا اعرف لماذا ....
انا لا اتكلم عن السفر لضيق الحال و لكن اصدى عشان جوده الحياه افضل فى شتى المجالات و النظام الح......
هل ده سعى للافضل ولا عدم رضا بالحياه اللى احنا عايشنها علما بان كل ما اريده هو غيش حياه كريمه فى طاعة الله و ان اربى الابناء تربيه صحيحه فى بيئة صالحة

الوالده ايضا معترضة على السفر الا لو ضاقت بي الدنيا تماما و اصبح الخيار و الامل الوحيد بالنسبة لى انا و العائله . و يمكن ان تبكى لو جبت سيره السفر للخارج حتى لو اسبوع و انا طبعا اعرف الجنه تحت اقدام الامهات و لا ارضى بغضب امى عليي و انا عارف اننى لو ضغط عليها هترضى انى اسافر و لكن اكيد هيكون من ورا قلبها

هل الحياة بالحارج مناسبه لتربيه الابناء تربيه اسلاميه صحيحه و اقامه الشعائر ؟

انا مش عارف تنصحونى بأيه ؟
هل المصريين المغتربين فى الخارج عايشيين حياه سعيدة تستخق ان الواخد يسيب البلد عشانها و الا ايه بالضبط ؟
اسئله كتيره مش عارف اجابتها

هل الخياه فى مصر خطأ و ان الحياه بره افضل بكتير ؟
بيقولو ان بلدان كتير مفيهاش شطافة و دى مشكله :)

اسف على الاطاله