بص انتا قولت حاجات مفيده ولكن يقابلها اعتراضات كتير
اولآ فكره التوفير حلوه مافيش كلام
لكن انتا مثلآ عندك شغل خلصت الشغل وعندك مشوار تانى هتركب تاكس بوظت اللى وفرته
تانى حاجه هتدخل فى نقاشات ملهاش اى داعى
هتحتك مع ناس انتا مش عايز تحتك بيها واللى هى الطبقه اللى بترغى فى اى حاجه من غير اى داعى
تالت حاجه لو تعبان مش هتترحم من الزحمه والكلام اللى ملهوش لزمه
لو مستعجل هتتأخر لانك بالعربيه ممكن تمشى من المكان اللى يعجبك لكن لو راكب هيمشى من المكان اللى هيعجبه هو
لو ركبت مترو هتتبهدل وتتفرهد وتبوظ حياتك ومستقبلك احتمال يضيع :d
لو ركبت ترام زى عندنا فى اسكندريه
احتمال تطلب اللجوء السياسى لدوله اوربا الشقيقه :d
لو ركبت مكروباص او بالاسكندرانى مشروع احتمال تقتل السواق
لو ركبت مكروباص فى القاهره احتمال السواق يقتلك :d
لو حران مافيش حاجه اسمها تكيف
ممكن تطلب من اللى جنبك يهوف هواء عليك :d
انا معاك بقى فى فكره التمشيه بس تبقى نازل تتمشى اساسآ مش رايح شغل وعايز تتمشى قبل ما تروح
انا معاك فى فكره ان الواحد بيكسل ينزل يبص على حاجه او يجيب حاجه وخصوصآ لو المكان او الشارع زحمه وهتكسل تركن وتنزل وترجع
انا شقتى فى مكان ما ينفعش اروحله موصلات همشى يعنى همشى وعلشان اركب موصلات لو الصبح بدرى يبقى هتخانق مع امة لا اله الا الله علشان الحق اركب
ولو مروح متأخر يبقى مش هلاقى موصلات
لو عايز اتمشى واروح على رجلى يبقى هوصل كمان يومين
لو ربنا وفق وكرم وركبت ووصلت هنزل امشى حوالى 15 دقيقه فى تراب لان الشارع مش متسفلت ولو ملمع الجزمه انساها تمامآ وهاتلك كوتشى وبرضه مش هيسلم من التراب
الموضوع ده للناس اللى شغلها جنب بيتها او مشاويرها كلها كلام فاضى وعايزه تتمشى بعدين تبقى فعلآ تأخد العربيه بليل وتخرج لكن غير كده يبقى اسمه مرمطه
المفضلات