الموضوع: سيب عربيتك و جرب تمشي مواصلات .. تجربة مفيدة جدا

هوه فيه حل حلو للمرواح الشغل واوفر من العربيه ان الناس فى الشغل تتفق مع ميكروباص بياخد مثلا 5000 جنيه فى الشهر وتقسمه على نفسهم كل واحد مثلا 400 جنيه
ساعتها ال 40 جنيه دول هما تمن بنزين العربيه زائد فلوس الركنه زائد راحة الاعصاب من السواقه
بخلاف كده الميكروباصات بقت زحمه

اللــــــــــــــــــه علي التجربه دي والاحساس براحة البال وانت راكب كدا وبتتفرج علي الطريق من غير ما تشغل بالك بالسواقه وقرافها ,, وعدم القلق والخوف علي العربيه من انها تتخبط ولا تتخدش ولا حتي تخرج من شغلك ما تلقيهاش خصوصا فالايام الرائعه اللي احنا فيها دلوقتي ,,بالاضافه الي التوفير وعدم اهلاك العربيه الا فالضروره وعلي فكره لو معظمنا عمل كدا دا هيؤدي الي عدم ازدحام الشوارع والدنيا هاتخف نسبيا ,,, لسه مجربها بقالي شهر وحاسس انها تحففففففففه بس عيبها الوحيد هو التكدس الداخلي , فالميني باص الواحد او المترو 90 مليون مواطن في نفس ذات اللحظه سبحان الله هههههههه ,, وفالاخر ماحدش مرتاح ,, اللي معاه عربيها خايف عليها وعاوز يركنها - واللي مش معاه بيقول يا ريت كان عندي عشان ارتاح ,, من عجائب القدر ...

تجربة جميلة جدا .... أنا بكره السواقة الكتير ....المفروض الواحد يجرب ويشوف الدنيا علي حقيقتها ...اللي أنا بستغربله البنات والستات بيعملوا إيه في بهدلت المواصلات ...
يعني أنا بنتي لما تكبر ساعات بكون مش متخيل أنها ممكين تنزل الشارع أساسا ....حتي لو معاها عربيه ....

بصراحة السكن في الفيوم عندنا نعمة

الواحد يروح الشغل بالعربية يقطع البلد كلها بالطول يا خد 9 دقائق
يركب التاكسي ب 5 ج ياخد 10 دقائق
يركب الميكروباص ب نص جنيه ياخد 14 دقيقة في اسوأ الظروف ممكن 17 دقيقة

اروح القاهرة احمد ربنا لما ارجع الفيوم تاني من الروقان وراحة البال

بصراحة الله يعين الناس اللي ساكنه في القاهرة (( انا كنت ساكن في القاهرة لمدة 6 سنين ))
والفيوم لمدة 8 شهور بس فرق بصراحة

مشكلة القاهرة حتى لو معاك فلوس مش عارف حتى تتهنا بيها من كتر القرف اللي بتشوفه في الشوارع والمواصلات

انا مخلي العربية للخروجات والمشاوير المهمة والعائلية

لكن شغل ونزول الظهر ومشاوير شغل مترو والله المستعان :)