بطاحة مساعد الميجان 2

**Ahmed Selim** · 15-09-2008 09:26 PM

السلام عليكم يا شباب

من فترة كدة حصل معايا حاجة فقولت لازم تعرفوها

كنت بحس وانا بلف الدركسيون ( يمين أو شمال ) وبعدين وانا برجعه تانى للنص بحس بخشونة فى الدركسيون وهو بييجى على النص تماماً وبعد فترة تانية تبدأ تحس فى المطبات بصوت دبدبة زى ما يكون حديد فى حديد اللى بيخبط مع المطبات
ونظراً لأنى مهسهس عفشة وأصوات تحديداً فقولت أروح أشوف فى أيه....روحت التوكيل وقالولى أن بطاحة المساعد الشمال عاوزة تتغير وكانت المفاجأة أنها غالية أوى فى التوكيل ( 1050 جم ) المهم مغيرتهاش وبعد أسبوعين تلاتة لما فضيت روحت لواحد أعرفه يشوفللى القصة دى

الراجل فك وقاللى أن البطاحة المفروض بيكون فيها شحم وعندى الشحم بتاعها نشف تماماً وبقت عبارة عن كاوتش ناشف جداً + رلمان بلى من غير شحم

المهم قاللى أحنا هنجرب نشحمها ونشوف أيه الأخبار بس لو فضلت الحكة موجودة هنجيب واحدة جديدة ( سألت عليها فى شارع دمشق لقيتها ب 190 جم بس ) المهم الراجل شحمها يوم السبت بليل وجربت لقيت الخشونة راحت بنسبة 95% قاللى سيبها شوية كمان عشان لسه الشحم مدخلش لكل حتة بس مع المشى هيدخل ويشحم الأجزاء الداخلية وأن شاء الله هتروح..... وقد كان
الحمد لله الخشونة راحت تماماً
أنصح كل الناس اللى ظهر معاهم عيب زى ده يشحموا البطاحات

الراجل فك جوز المساعدين وشحم البطاحات بتاعتهم ب 100 جم ( على فكرة ده مهندس مش ميكانيكى )

**Sharky** · 15-09-2008 10:06 PM

أنا مش قلتلك يا أحمد التوكيل قالى أنها بيتبقى عايزة تتشحم

الحمد لله إنك ماحتجتش تغيرها

**Ahmed Selim** · 15-09-2008 10:14 PM

المشاركة الأصلية كتبت بواسطة megane_man

يعني هي المفروض انها تتشحم كل فترة وازاي

لو حسيت بالأعراض اللى أنا قولتها يبقى عاوزة تتشحم
خشونة عند أعادة الطارة الى المنتصف تماماً

المشاركة الأصلية كتبت بواسطة sharky

أنا مش قلتلك يا أحمد التوكيل قالى أنها بيتبقى عايزة تتشحم

الحمد لله إنك ماحتجتش تغيرها

والله يا باشا أنا حاولت مرة فى العبور ( قولتلهم على المشكلة بس ) وقالولى العربية مفيهاش حاجة وبعد لما أخدتها لقيت الخشونة قلت شوية بس كانت لسه باينة برضه وبعد كده فى الميكانيكيون العرب قالولى دى باظت خالص ومش هينفع تتشحم

الحمد لله على كل شئ والمهم أن المشكلة أتحلت :)

**Amr_Moh** · 16-09-2008 04:51 PM

fain el warash esha7amt 3andaha
3aiz akshef 3ala el 3andii

**Eslam_A** · 16-09-2008 04:56 PM

شكرا علي المعلومة والحمد لله انها جت سليمه

**Amr_Moh** · 16-09-2008 05:02 PM

fain el warsha elsha7amt 3andaha
3aiz akshef 3ala el 3andii

**Hacker5** · 16-09-2008 06:32 PM

طيب يا استاذ احمد متعرفش رقم تليفونه كام؟؟ و هل هوا بيعرف يشتغل فى الميجان كويس
او حضرتك متعرفش ميكانيكى بيفهم فى الميجان عامة ؟؟؟

**Ahmed Selim** · 16-09-2008 08:58 PM

المشاركة الأصلية كتبت بواسطة Amr_Moh

fain el warsha elsha7amt 3andaha
3aiz akshef 3ala el 3andii

Car Boys هما موجودين فى الشارع بتاع السندباد فى أخره ( شارع جوزيف تيتو )

المشاركة الأصلية كتبت بواسطة Hacker5

طيب يا استاذ احمد متعرفش رقم تليفونه كام؟؟ و هل هوا بيعرف يشتغل فى الميجان كويس
او حضرتك متعرفش ميكانيكى بيفهم فى الميجان عامة ؟؟؟

هما أصحابها 2 مهندسين وواحد منهم معاه ميجان وأسمه خالد و رقمه
0101900191

-

-

الموضوع: بطاحة مساعد الميجان 2

LinkBack

أدوات الموضوع

عرض

بطاحة مساعد الميجان 2 - انشر الموضوع فى :

-

-

-

-

-

-

المواضيع المتشابهه

بطاحة المساعد

ايهما افضل للفورد اسكورت مساعد زيت ولا مساعد غاز وزيت؟

تغيير كنترول abs وبلية بطاحة ام 11 .. من داحل مركز خدمة ابو رواش

استفسار بخصوص مساعد الميجان 2

بطاحة المساعدين

الكلمات الدلالية لهذا الموضوع

المفضلات

المفضلات

ضوابط المشاركة