الموضوع: مشكلة العادم الاسود وريادة استهلاك البنزين ابيزا94 موتور جولف هاف انجكشن

الاحسن تروح تعمل كبس للدورة لو مش عارف عندك تسريب ولا لا
او فيه تسريب عالجه (الخراطيم - غطا القربة- ....)
لو مافيش يبقا نشوف الاحتمالات التانية

ماهو الصدا دا مكان تسريب
ولا انا فاهم غلط ؟؟
انت بتحط مبرد اصلى (ميه حمرا) وبتركيز مضبوط ولا لا ؟؟

المشاركة الأصلية كتبت بواسطة mohamedmortady

انا روحت لميكانيكى معرفة وقالي الموتور عايز طقم شنبر وجوان صباب وجوان كارتير واويل سيل صباب وجبت الحاجات دي وعملي نصف عمره واستلمت العربية امبارح بس ملاحظ صوت العربية عالي ومؤشر الحرارة عند اول علامة عالي يعنى وكمان في صوت ونه بتعلي وتوطى روحتله تانى قالي يومين تلاتة العربية لسه بتلين وصصوت الونة ده فالي انت عايز راس كوبلنج داخلي جهة اليمين مع انه مكنش في اي صوت قبل العمرة:وكمان العربية سحبها ضعيف وساعات بتبطل منى ولما تيجي تدور بتاخد وقت 36_2_33:

الكلام اللي حصل ده عــــــــــــك السنين

المفروض لو الطلبات اللي انت جبتها دي كلها لو فعلاً كانت اعطال في العربية الموتور يهدى جدا و صوته ما يطلعش
بس اللي انا مستغربله ان الراجل معرفة و بردوا بيشتغلك و عمل عليك مصلحة


طيب خلينا ننسى شوية اللي الراجل عمله في عربيتك ده و نرجع لموضوع الكربريتر اللي انت بدلته ..
ان شاء الله تروح كدا في اقرب وقت تجيب فلتر بنزين (هااام جدا) ..... ليه ؟؟؟؟

انت متعرفش ايه سبب تلف الكربريتر القديم ف امر احترازي تغير الفلتر

الحاجه التانية اول 3 تفويلات ياريت تحط 95 و بين كل مره و مره تكون داخل تمون و التنك فاضي

الحاجه الثالثة : غير فلتر البنزين تاني بعد 3 تفويلات دول و بعد كدا ارجع لنوع البنزين اللي متعود عليه

انا كدا ضمنت اني اخدت كل الاتساخات اللي في التنك في الفلتر الاولاني و ضمنت باذن الله ان وصلات التغذية اللي رايحه للحاقن سالكة و هتجنب بعد كدا مشاكل الاتساخات اللي رايحة على الحاقن لان عدم القدرة على اداء الحاقن لوظيفته الاساسية اللي هي انه (يبخ بنزين) مش (ينقط و يسيل) و هو ده سبب الدخنه السوداء

الموضوع ده مكلف بس من اهم الصيانات

موضوع العك اللي حصل بعد كدا .. الله المستعان

تحياتي