البرابر الأمامى مواصفات خليجى بتاع البومة 2008

**hti** · 16-09-2008 09:23 AM

سلاموا عليكوا

لو ممكن حد يقول لى لو البرابريز الأمامى للانسر البومة 2008 موجود فى مصر ألاقيه فين و بكام و ألاقيه فى التوكيل ولا لأ
ملحوظة: برابري مواصفات خليجى مش مصرى و لو أتقل عليكم لو حد يعرف أفرق أزاى بينه و بين المواصفات المصرى عند الشراء عشان أنتم عارفين( يا باشا ده الأصلى بتاع بلده حتى بص made in japane)معليش بتقل عليكوا و كل سنة و أنتم طيبين

**مصراوي جدا** · 16-09-2008 11:36 AM

أهلا وسهلا بيك معانا في المنتدى

فيه في الأول معلومة احب أوضحها لأني حاسس ان حضرتك مش عارفها (ولو كنت عارفها فهي فايدة للآخرين) وهي ان كلمة لانسر مصري ولانسر خليجي مقصود بيها الوكيل مش التجميع يعني اللانسر المصري هي صناعة يابانية 100% انما مستوردة من اليابان الى الوكيل في مصر ولانسر خليجي هي صناعة يابانية 100% انما مستوردة من اليابان الى الوكيل في دول الخليج والتجار في مصر استوردوها من الخليج.

وعلى ذلك فالزجاج الأمامي المصري هو الخليجي والاتنين صناعة يابانية لو كان الأصلي من الوكيل

(حالة خاصة فرق في الزجاج بين العربية الشارك المصري و الخليجي ان الخليجي فيها سنسور الضوء ة والمطر والمصري بينزل بدونه ورغم كده الاتنين موجودين في الوكيل ومن نفس المصدر ميتسوبيشي اليابان).

بالنسبة لسؤال حضرتك عن زجاج البومة سعر الزجاج الأمامي في التوكيل 1420 ج شامل ض.م بدون تركيب

ومع التركيب (التركيب والباكتة وسيليكون) 1700 ج

وممكن تركيبه في اي وقت بدون حجز

**مصراوي جدا** · 23-03-2009 01:05 PM

سنسور المطر بيشغل المساحات آليا اول ما الدنيا تمطر وتم تجربتها امامي في دبي لما كنا بنتعرف على العربية قبل نزولها الأسواق فأول ما ترش مايه على السنسور المساحات تشتغل

وسنسور الضوء اول لما الدنيا تضلم نور العربية يشتغل اوتوماتيك

هو طبعا عملية ((دلع)) مش اكتر انما لازم يشتغل حضرتك ليه بتقول انه مش شغال