استفسار بخصوص 301 بيزلاين

**Akram.Gamal** · 14-11-2013 01:41 AM

المشاركة الأصلية كتبت بواسطة on1touch

ههههههه والله ياعم اكرم جنني معاه هو طول عمره بيسوق مانوال بس ياباني كان بيسوق تويوتا كامري ولما جبت ال بيجو العربيه كل مطب بتطفي منه وحاسس انها تقيله وبيقولي تصدق الاوتوماتك كان اريح :d
يالا ابويا ولازم استحمله :d
والله المانوال روعه انا غلبت بيها الكروز والرينو الفلونس
ولسه :d

ايوه كده العب

اعتقد العربيه دى هيطلع موتورها اختراع

**on1touch** · 15-11-2013 12:16 AM

بقولك ايه ياعم اكرم انا عاوز اركب وحدات الرفع بيتعملوا في التوكيل وبيظبهم ع الريموت الاصلي ولا ايه ؟

**amrelsaqqa** · 15-11-2013 12:24 AM

العربية موتورها جامد بس انا عندى مشكلة غريبة الخنقة والكتمة والتنتيش في الزحمة لما اكون ماشى اول وتانى لفترة طويلة ( النهاردة الدائري والزراعى كانوا واقفين وقفة الله لا يوريكم 13 كيلو خدتهم في ساعتين ! )

المهم اللى كنت بلاحظه ان الخنقة والتقطيع ده بيحصل والتنك مليان واكتر من النص وخصوصا لما يكون 3/4 ..!
ولما التنك يبقى اقل من النص تقريبا المشكلة مش موجودة ..

النهاردة لان الزحمة كانت طويلة جدا العربية فضلت واقفة كتير وطبعا حاسس انها مش ناعمة في الزحمة كالعادة لحد ما شرطة النص نزلت ، لقيت العربية اتظبطت وبقت ناعمة وجامدة جدا جدا بعدها على طول ! يعنى تقريبا كدة اتأكدت من ملاحظتى الاولانية ....

حد يقوللى ايه السبب ومش عايز حد يقوللى وزن البنزين بيتقل العربية لانى كنت ماشى لوحدى وهى مخنوقة ولما الشرطة دي نزلت ركبت صاحبى معايا و العربية اتعدلت ، يعنى اكيد البنزين مكنش اتقل من صاحبى اللى ركب !

**Akram.Gamal** · 15-11-2013 03:20 AM

المشاركة الأصلية كتبت بواسطة on1touch

بقولك ايه ياعم اكرم انا عاوز اركب وحدات الرفع بيتعملوا في التوكيل وبيظبهم ع الريموت الاصلي ولا ايه ؟

انا رديت عليك ياباشا

http://www.nilemotors.net/Nile/36921...post3875284707

**Akram.Gamal** · 15-11-2013 03:21 AM

المشاركة الأصلية كتبت بواسطة amrelsaqqa

العربية موتورها جامد بس انا عندى مشكلة غريبة الخنقة والكتمة والتنتيش في الزحمة لما اكون ماشى اول وتانى لفترة طويلة ( النهاردة الدائري والزراعى كانوا واقفين وقفة الله لا يوريكم 13 كيلو خدتهم في ساعتين ! )

المهم اللى كنت بلاحظه ان الخنقة والتقطيع ده بيحصل والتنك مليان واكتر من النص وخصوصا لما يكون 3/4 ..!
ولما التنك يبقى اقل من النص تقريبا المشكلة مش موجودة ..

النهاردة لان الزحمة كانت طويلة جدا العربية فضلت واقفة كتير وطبعا حاسس انها مش ناعمة في الزحمة كالعادة لحد ما شرطة النص نزلت ، لقيت العربية اتظبطت وبقت ناعمة وجامدة جدا جدا بعدها على طول ! يعنى تقريبا كدة اتأكدت من ملاحظتى الاولانية ....

حد يقوللى ايه السبب ومش عايز حد يقوللى وزن البنزين بيتقل العربية لانى كنت ماشى لوحدى وهى مخنوقة ولما الشرطة دي نزلت ركبت صاحبى معايا و العربية اتعدلت ، يعنى اكيد البنزين مكنش اتقل من صاحبى اللى ركب !

طب ماتحاول تغير البنزينه ال بتفول منها
يمكن يكون من البنزين

**amrelsaqqa** · 15-11-2013 01:47 PM

انا بمون 92 طبعا ( اللى المفروض انه 92 )
بس انا حاسس ان البنزين اللى كان جاي مع العربية ( اانا مستلم العربية مليانة نص التنك ) كان نضيف جدا جدا جدا بدرجة غير عادية فعشان كدة بقول على الـ 92 بتاعنا لوكال