الموضوع: رسالة الى الاستاذ احمد امين LeitoSR بخصوص بيجو 3008

المشاركة الأصلية كتبت بواسطة mmohiey

هو ايه ولا مؤاخذة ال face lift ده يا اخ محمود ؟

ههههههههه
ال facelift ده يعنى تغيير فى الشكل فقط
و ده بيبقا تغيير طفيف وبيبقا على نفس الهيكل و التصميم
يعنى غالبا بيبقا تغيير فى الفوانيس و الاكصدمات فقط

المشاركة الأصلية كتبت بواسطة leitosr

فعلاً تصمايم بيجو كلها سابقة وقتها,,
حتي من أيام ال 505 تصميمها كان سابق وقتها بكتير,,
وال 406 وال 307 أول ما نزلو كانو تحفة,
والله أعلم لو هينزلو facelift لل 3008 ولا لأ, يعني في خلال السنتين اللي جايين هيبان,


وفيه كمان ال 2008 الجديدة جنب ال 4008





مش عارف في حاجة منهم هتحل محل ال 3008 ولا هيبقو جنب بعض التلاتة,

ده صحيح
و شوفت ال 2008 طبعا بس اعتقد ان دي اصغر
و حتي لما عرفنا ان من اخونا محمود ان في فيس لفت
اعتقد برضه لو ال 4008 نزلت و بسعر قريب الكل هيفضلها عن ال 3008

المشاركة الأصلية كتبت بواسطة mahmoudelgen

ال 3008 نزلها فعلا facelift و اتعرضت في معرض فرانكفورت
و انا شخصيا شايف ال facelift حسن حاجات كتير مكنتشي عاجباني شخصيا اولها الفوانيس و الشبكة الامامية
و مفيش اختلافات من جوة

و دي بعض الصور لي ال facelift بس الله و اعلم حتجيلنا امتي !



و دول فيديوهين ليها

[youtube]http://www.youtube.com/watch?v=ujpohej-jo4[/youtube]
...
[youtube]http://www.youtube.com/watch?v=tzt8qwuks3m[/youtube]

الله ينور يا كبير
و فعلا بقت احلي كتييييير و متوافقه مع الموضه حاليا

المشاركة الأصلية كتبت بواسطة mmohiey

السلام عليكم ورحمة الله وبركاته

تحية طيبة لكل اللى مر على الموضوع وتحية لكل اللى شارك

انا بصراحة دخلت المنتدى مرتين او تلاتة ومادخلتش تانى من زمان لما لقيت ان المواضيع عن ال3008 قليلة

لكن لما الاستاذ احمد امين راسلنى على الخاص وطلب منى اشارك قلت وماله نفيد الناس بتجربتنا بالرغم انى ماليش فى العربيات قوى انا بركب وبس ههههههههه

لكن بعد تقرير الاخ حورس ماقدر اقول حاجة....تقرير مدعم بالصور.....بس انا ماعنديش ولاعة سجاير زى اللى فى الصورة ههههههه

انا ممكن اعلق عليه ونكلم عن العربية من خلال استخدامى ليها لمدة سنة وخمس شهور لكن على حلقات

هى اولا العربية عائلية صالونها واسع ومريح وفيها مساحات تخزين كتيرة واوبشنز حلوة لكن بحس ان التابلوه فقير

المشكلة عندى بقها ان انا جبت الفرش لونها رمادى فاتح وماعملتش كسوة .....الاطفال بهدلوه

رحت اعمل كسوة واحد قاللى الكراسى دى فيها ايرباج وغلط الكرسى يتفك وغلط تعمله كسوة

انا بصراحة خفت على العدة.....هههههه انا خفت الكراسى تتفك تطلع من الضمان سبتها كده اتبهدلت

لقيت كسوة على النت كده بفكر اجيبها...لكن برضو تواجهنى مشكلة تانية الابواب فيها قماش وبرضو اتوسخ

طولت عليكم معلش......المرة الجاية هاحكيلكم حكاية طاة الدركسيون

تسلم يا كبير
و تقريري ده كان في السريع البني و مسقتش العربيه اصلا عشان مكانتش متوفره
و اكيد انت هتكون اقدر علي وصف العربيه
بالنسبه للفرش امره سهل
اي كار كير محترم كفيل انه يرجعها لك زيرو ان شاء الله