طريق مصر الأسماعيلية ... الحلو ما يكملش !!

**abo_lamar** · 14-11-2013 12:50 PM

السلام عليكم و رحمه الله و بركاته ...

محدش ينكر ان طريق القاهرة الاسماعيلية اتغير 180 درجة بعد اعمال التطوير اللي نفذتها القوات

المسلحة , بصراحة بقى ولا الطرق الدولية , بس يا خسارة الحلو مايكملش , و لما بقول كده اقصد

اليوترنات اللي اتلغت واتعمل بدلها كباري علوية تنقل السيارات من الاتجاة اليمين للاتجاة الشمال أو

العكس , و المشكلة هنا في اختيار اماكن الكباري العلوية دي ...

يعني مثلا انا بكون خارج من شغلي و رايح لمدينة العبور , بطلع من مدخل الشروق رقم 1 اللي في

اخره كارفور الجديد , وبمشي لغاية المركز الطبي العالمي يعني حوالي 8 كم عشان اطلع الكوبري

العلوي والف واخد اتجاه القاهرة .... مع ان الاول كان اليوترن قصاد مدخل الشروق على طول و كان

تمام التمام .... يعني بمشي 16 كم زيادة عشان اخد اتجاه القاهرة ... بازمة ده كلام ؟؟

من باب اولى ان الكوبري ده كان يتعمل حتى بعد بنزينة وطنية اللي بعد الشروق على طول

مش يتعمل في اخر الدنيا .

**dr_7ooda** · 14-11-2013 01:21 PM

فعلا للاسف , مستنيين اليوم اللي هيبقي فيه استعمال للعقل في الاداره , المفروض الموضوع ده كان اندرس واتعمل حسابه

**مصطفى-حسن** · 14-11-2013 01:39 PM

مش هتفرق 16 كيلو زيادة مقابل الامن والامان وطريق بمواصفات دولية وتاخد اليوترن بتاعك بمنتهى الامان

**horas3000** · 14-11-2013 02:29 PM

مهو هي دي مواصفات الطرق السريعه
ده هما اصلا لسه مقفلوش كل اليوتيرنز و في كام واحد مفتوح و للاسف خطر جدا
و انت اكيد كنت بتشوف المعجنه اللي قبل مدخل الشروق 1 تحديدا سواء اللي داخل الشروق من القاهره او اللي لافف من الاسماعليه و نفس القصه عند اليوتيرن اللي كنت بتلف منه لما اللي خارج من الشروق بيجري عشان يلحقه و يقطع طريق اللي جاي و ماسك شماله عشان يهرب من اللي داخلين الشروق
فمعلش استحمل و امشي شويه اكتر في مقابل طريق اكتر سلاسه و امانا

**horas3000** · 14-11-2013 03:21 PM

المشاركة الأصلية كتبت بواسطة ibiza

طب متكمل الشارع بتاع الشروق 1 للناحيه التانيه هتوصل طريق السويس و برده من هناك يااما تاخد الدائرى هيبقى اقصرلك او تكمل علاطول توصل شارع الثوره.

مش هينفع عشان الراجل بيروح العبور

**mezo73** · 14-11-2013 06:39 PM

[S][/S]

المشاركة الأصلية كتبت بواسطة abo_lamar

بطلع من مدخل الشروق رقم 1 اللي في

اخره كارفور الجديد , وبمشي لغاية المركز الطبي العالمي يعني حوالي 8 كم عشان اطلع الكوبري

العلوي والف واخد اتجاه القاهرة .... مع ان الاول كان اليوترن قصاد مدخل الشروق على طول و كان

تمام التمام .... يعني بمشي 16 كم زيادة عشان اخد اتجاه القاهرة ... بازمة ده كلام ؟؟

من باب اولى ان الكوبري ده كان يتعمل حتى بعد بنزينة وطنية اللي بعد الشروق على طول

مش يتعمل في اخر الدنيا .

اقولك الحل وادعيلي اوعي تنسي
وانت خارج من الشروق لف وارجع كأنك رايح طريق السويس وبعد اول يوتيرن هدي شوية هاتلاقي طريق صغير مكتوب علية خاص بالقوات المسلحة الطريق دة بيدخل مدينة المستقبل من الخلف
هاتدخل وتمشي فية لاخرة هاتلاقي الطريق بينتهي وفية يمين وشمال هاتدخل يمين وتفضل ماشي هاتعدي اول صنية وتاني صنية هاتخرج من البوابة يمين علي طريق الاسماعيلية وتطلع تلف من علي كوبري المستقبل وكدة هاتوفر ال 8 كيلو
وزي ماقولتلك ماتنساش تدعيلي
محمد حمزه

Uploaded with ImageShack.us

**abo_lamar** · 14-11-2013 07:18 PM

المشاركة الأصلية كتبت بواسطة mezo73

[s][/s]

اقولك الحل وادعيلي اوعي تنسي
وانت خارج من الشروق لف وارجع كأنك رايح طريق السويس وبعد اول يوتيرن هدي شوية هاتلاقي طريق صغير مكتوب علية خاص بالقوات المسلحة الطريق دة بيدخل مدينة المستقبل من الخلف
هاتدخل وتمشي فية لاخرة هاتلاقي الطريق بينتهي وفية يمين وشمال هاتدخل يمين وتفضل ماشي هاتعدي اول صنية وتاني صنية هاتخرج من البوابة يمين علي طريق الاسماعيلية وتطلع تلف من علي كوبري المستقبل وكدة هاتوفر ال 8 كيلو
وزي ماقولتلك ماتنساش تدعيلي
محمد حمزه

uploaded with imageshack.us

من غير اي حاجة يا باشا .... ربنا يبارك ليك ويديك الصحة و العافية .

-

الموضوع: طريق مصر الأسماعيلية ... الحلو ما يكملش !!

LinkBack

أدوات الموضوع

عرض

-

-

-

-

-

المواضيع المتشابهه

ميكانيكي رينو في الأسماعيلية

شكر واجب لشرطة الأسماعيلية

حادث مروع بالطريق الدائري قبل نزلة طريق الأسماعيلية

مصر الأسماعيلية الصحراوى

الأسماعيلية حدائق حلوان

الكلمات الدلالية لهذا الموضوع

المفضلات

المفضلات

ضوابط المشاركة