سيات ليون 2014 ؟أرجو الافادة

**horas3000** · 20-11-2013 09:00 PM

انا برضه مش عارف ليه الضجه المعموله علي المتور ال 1.2
شخصيا شايف ادائه كويس
و العربيه كسعر و اداء اعتقد زي الجولف 6 و يمكن احسن

[youtube]http://youtu.be/PLJWmdS0lUk[/youtube]

**Eng.Sameh** · 20-11-2013 09:55 PM

المشاركة الأصلية كتبت بواسطة horas3000

انا برضه مش عارف ليه الضجه المعموله علي المتور ال 1.2
شخصيا شايف ادائه كويس
و العربيه كسعر و اداء اعتقد زي الجولف 6 و يمكن احسن

[youtube]http://youtu.be/pljwmds0luk[/youtube]

لأ افهمها دي بقه .. ازاي الموتور ال ١٢٠٠ هيكون زي ال ١٤٠٠ اللي في الجولف ويمكن احسن كمان .. !!!!؟

**Mzeid** · 20-11-2013 10:37 PM

خلاص يا رجالة نجبلها exhaust supersprint و فلتر k& n و نعدل ال ecu عند سامح و كدة تجيب 140 حصان مستريح :D

Sent from my GT-I9505 using Forum Runner

**horas3000** · 20-11-2013 10:57 PM

المشاركة الأصلية كتبت بواسطة Eng.Sameh

لأ افهمها دي بقه .. ازاي الموتور ال ١٢٠٠ هيكون زي ال ١٤٠٠ اللي في الجولف ويمكن احسن كمان .. !!!!؟

يا باشا بقول الجولف 6
و دي كانت 1.6 na و 102 حصان تقريبا
الليون هتبقي احسن عشان التيربو و العزم اللي بيطلع بدري
دي حتي نازله اغلي 1000 جنيه بس

**Eng.Sameh** · 20-11-2013 11:28 PM

المشاركة الأصلية كتبت بواسطة horas3000

يا باشا بقول الجولف 6
و دي كانت 1.6 na و 102 حصان تقريبا
الليون هتبقي احسن عشان التيربو و العزم اللي بيطلع بدري
دي حتي نازله اغلي 1000 جنيه بس

اه كده معلش .. انا معاك برضو .. ١.٢ اكيد افضل من ال ١٦٠٠ اللي في الجولف ٦

**SYD** · 21-11-2013 12:16 AM

المشاركة الأصلية كتبت بواسطة Batman372

رايك على الراس و العين :)
حضرتك كلامك مبنى على التاريخ ... يوم ما كانت السيات/الابيزا فعلا عربيه تحفه اوائل التسعينات ... ممكن حضرتك تتذكر معايا من هم المنافسون وقتها ؟؟

تسلم عينك
لا والله مش تاريخ
انا من خلال خبرتي مع قسم سيات وملاكها اولا ومن خلال ركوبي للVW ثانياً والألماني عموماً ثالثاً (مرسيدس - فيكترا) وبحثي الدائم في المواقع والمنتديات رابعاً بنيت خبرتي وحكمي علي السيارات الألماني وخصوصاً اني ركبت غير الألماني مع اصدقائي ومعارفي
بس بردو احب اقول لحضرتك ان التسعينيات شهدت سيارات كتير اوي تحف لحد النهاردة سواء في الألماني او الأوروبي او الأسيوي (تويوتا وهوندا)

اليوم الوضع اتغير 180 درجه ... الكورى 2014 غير الكورى من 20 سنه ... دا اصلا غير الكورى ل 2012 ... ده الواقع ... و دى شطاره ناس بتشتغل و عايزه تبقه نمره واحد ..
انا ركبت و امتلكت كل الالمانى الاصلى الى حضرتك بتقول عليه زى البى-ام و المرسيدس من 2001 حتى اليوم ... و اقدر اؤكد لك ان الكورى بيقرب بشده فى كل حاجه ...

اسمحلي اخالفك الرأي
الأسيوي يختلف تماماً عن الأوروبي
الأوروبي بيصنع سياراته طبقاً لمعايير بغض النظر عن مين هيركبها وهتتباع فين (معاك ان احياناً بيصنع طبقاًُ للأقليم الجغرافي زي مرسيدس اوروبي وشرق اسيا لكن علي الأقل عنده معايير كحد ادني مش بينزل عنها والزيادة بتبقي في بعض الكماليات زي الفرش الجلد وفتحة السقف و بعض التجهيزات الأخري زي الأكصدام والكشافات و اشياء اخري بسيطة جداً لا تنقص من قدر سياراته في الأقاليم الأخري)
لكن الأسيوي بيصنع طبقاً لهتنزل في اي سوق ومين هيركبها
تعال ناخد مثال علي سيارات هيونداي او حتي تويوتا اللي هتتباع في السوق الأمريكي والكندي وقارنها بنفس العربية لنفس موديل السنة في اسواق الهند او جنوب افريقيا ونفس العربية لنفس موديل السنة في الخليج وتعال بقي لأقل سوق وهو المصري
ليه كل هذا التنوع والأختلافات ؟؟؟!!!
والأخنلافات بقي هنا مش في كاسيت ولا فتحة سقف ولا فانوس شبورة !! دي ممكن تبقي اختلافات في عفشة وانظمة أمان وانظمة تحكم
يعني من الأخر هو درس نقاط اهتمام العميل الأمريكي علي سبيل المثال واهتمامات العميل المصري (الأول انظمة تحكم وامان لأن الأقليم المستورد "امريكا وكندا" له معايير لازم المنتج المستورد يطابقها - وعلي النقيض المصري اكمن مالوش معايير في استيراده فنعكمه اي عربية وهيفرح بيها لأنه بيدور اصلا علي تكييف ثلاجة واعادة بيع وكاسيت بينور ازرق وزجاج كهرباء)

و بخصوص الليون النقاش ببساطه هل تستاهل سعرها مقارنه بالمنافسه الشرسه و عقليه المشترى المصرى ؟؟؟ الى شايف انها انسب اختيار فمبروك عليه مقدما :)

تحياتى ...

ارد علي حضرتك في حتة القيمة مقابل المنفعة
مش هنكر ان ركيبة الأبيزا الزيرو عددهم محدود جداً مقارنة بزبون الكوري الزيرو اللي كتير جداً من جميع الفئات (شباب وأسرة وسيدات)
بالأضافة ان الأبيزا اتظلمت كتير اوي (من التسعينيات) مع الوكيل اللي ماحاولش ابداً يهتم بزبونه او يستهدف زبائن جدد
ودة ما يمنعش ان الأبيزا ليها زبونها اللي لو وجهت نظره ليها انه هيشتريها
اولاً سيارة أسباني (اوروبي بمعايير اوروبية) بمكونات ألماني (يعني دقة وحرفية ومتانة وقوة تحمل وعمر افتراضي) بشكل رياضي (معروف ان سيات هي الذراع الرياضي لمجموعة فولكس)

لو انا قدرت اعرف المستهلك المصري مميزات العربية الحقيقية انا متأكد انه هيختارها وهيسيب الكوري والصيني
المميزات الحقيقية :
أنظمة الأمان زي الأيموبلايزر Immobilizer واحزمة الأمان متعددة النقاط وانظمة الفرامل زي ABS و EBD
أنظمة التحكم زي ESP وDown Hill و نظام الشعور بالأرهاق Tiredness Recognition System بالتعاون مع نظام الحفاظ علي المسار Lane Assistant
التصميم المتطور زي الشاسيه الجديد المبنية عليه MBQ واللي خفف من وزنها وخلاها تحقق معدلات استهلاك وتسارع تنافس بيها شقيقتها الأكبر جولف وبنت العم A3
المحرك والفتيس : محرك سعة لترية قليلة بشاحن توربيني وسوبر تشارجر يخرجلي عزم وقوة بتخرج من محركات 1.6 NA وفي نفس الوقت استفدت من السعة اللترية في الأستهلاك والأنبعاثات وبيساعد المحرك الصغير فتيس ذكي جداً ومتطور حاصل علي جوايز وتقيمات من اشهر مجلات السيارات في اوروبا بالأضافة للوزن اللي قولنا عليه من شوية بفضل التصميم المتطور للشاسيه

تعال بقي للمميزات المزيفة اللي بتاكل عقل الزبون المصري
نظام الصوت والملاحة والشاشة التاتش الملونة (طبعا في اعلي فئة منها) مع 6 سماعات وصب في وسط التابلوه لتوزيع موسيقي متميز جداً ويمكن سمعتوه في الأوكتافيا الجديدة
تكييف تاتش اوتو وكمان Dual zone مع مخارج للمقاعد الخلفية
زجاج كهربا مع خاصية Dead lock
باور ستيرنج مع خاصية التحكم الألكتروني للحفاظ علي المسار Lane Assistant
لمبات LED (عددهم 7 لمبات لكل كشاف) مع تحكم تلقائي في التحويل بين الشعاع المنخفض والشعاع العالي
فوج لايت بخاصية التوجيه التلقائي Cornering
حساسات ركن خلفية بكاميرا
حساسات مطر
كراسي جلد (كهرباء) وطارة جلد وفتيس وفرامل يد جلد
والمفاجأة الكبيرة Drive Profile واللي بتغير تماماً في استجابة المحرك والفتيس والدريكسيون للأختيار بين ثلاثة اختيارات معدة مسبقاً وهم Sport و Eco و Normal رياضي واقتصادي وعادي ومش بس كدة دة كمان بيغير لون فرش الأبواب بين احمر للرياضي واخضر للأقتصادي وابيض للعادي بلمبات LED طبعاً

تاني ولا كفاية كدة ؟؟

عموماً انا شايف انها تحفة فنية قيمة جداً ومميزة جداً

سعيد جداً بالنقاش مع حضرتك وتحياتي لشخصكم الكريم

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

**SYD** · 21-11-2013 12:34 AM

المشاركة الأصلية كتبت بواسطة Eng.Sameh

يا باشا رأيك على العين والراس .. بس حضرتك بتقول اللي مركبش الماني وحضرتك متعرفش العربيات اللي انا ركبتها .. عموما انا ركبت عربيات كتير وامتلكت عربيات كتير ( بغير كل كام شهر )

تسلم عينك
بعتذرلك لو كنت فهمتني غلط - بس انا بتكلم في منتدي يعني حضرتك وغيرك هيقرا الكلام دة وانا والله لما بتكلم مش بقصد بالتحديد العضو اللي انا واخد اقتباس منه - انا بوجه كلامي لكل اللي هيقراه - وباخد الأقتباس عشان يكون طرف اكمل منه كلامي واعبر عن وجهة نظري
ورأي حضرتك بالتأكيد علي راسي من فوق

ثانيا انا مقارنتش بكوري ومش بحب الكوري اصلا عشان نقطة الثبات والجودة ..

1+

انا كلامي مبني على المقارنة بينها وبين الجولف في قوة المحرك .. يعني مروحتش بعيد .. وكمان بيجو ٣٠٨ واللي اعتقد انها هتحقق نجاح اكتر بكتير من الليون والجولف كمان نظرا لشكها الغير ظريف اطلاقا في رأيي ..

تمام
اولاً ماينفعش نقارن الليون بالجولف - لسبب
ركيب الأبيزا او سيات عموماً عارف انه شاري عربية فولكس متبكدجة Packing في هيكل من تصميم سيات اما جميع المكونات الداخلية من انتاج فولكس وطبعاً دة لأنها مبنية علي منصة Platform فولكس الجديد MBQ يعني مشتركة مع الجولف في وضعية المحرك وناقل الحركة والعفشة والفرامل وبيت المحرك والمقصورة الداخلية والشنطة - يعني فعلا هي جولف متعبية في هيكل ليون من انتاج وتصميم سيات مع الحفاظ علي النقاط الرئيسية للهيكل اللي لازم هتشترك فيها مع جولف وبردو ركيب الأبيزا بيعرف الكلام دة لما بيلاقي اجزاء خارجية كتيرة جداً متوافقة مع الجولف والبولو

اما عن المقارنة مع البيجو
للحقيقة انا مش ملم اوي بتفاصيل 308 غير بس اني بشوفها في الشارع
فعلا شكلها تحفة لكن والله ماعرفش اي حاجة عنها رغم ان ابن عمي مقدم علي شراء واحدة
بس عموماً ركيب الفرنساوي (بيجو - سيتروين - رينو) مختلف عن ركيب الألماني والسيات تحديداً

سواء الجولف او ال ٣٠٨ او اي هربية اوروبي برضو قوة الحصان اللي بتعلن هي الواقعية .. مش ميزة يعني في الليون .. انا عارف انهم لما بيقولوا ١٠٥ بيكونو فعلا ١٠٥ .. بس اال ١٠٥ دول في ظل المنافسة يعتبر نقطة قصور كبيرة ..

ليه ؟؟!!!
105 مش قليل اولاً - ثانياً التسارع والسرعة القصوي تعتبر نقاط للمقارنة
وعموماً انا متأكد ان اللي هيشتريها هيشتريها لميزة توفير الأستهلاك
علي سبيل المثال - لي صديق اشتري اوكتافيا 2014 وبيحط بنزين 92 بناء علي توصية من وكيل سكودا (طبعا دة اي كلام في اي حتة وانا اقنعته بالدليل من دليل المستخدم انها بتستخدم 95) لكن هو نظراً لغلاء ال95 مش بيحطه
لما النهاردة اجيبلك عربية 1.2 ببنزين 95 هتبقي زيها زي ال1.6 ببنزين 92
يبقي انا اسمي استمتعت بموتور قوي (تربو) وفي نفس الوقت حافظت عليه بالأضافة لأني ماصرفتش كتير لأنه محرك موفر جداً في استهلاك الوقود

خالص تحياتي

سعيد جداً بالنقاش مع حضرتك واتشرفت جداً بمشاركة حضرتك في القسم
تحياتي لشخصكم الكريم

يمكنكم متابعة اهم الموضوعات من خلال صفحة القسم علي الفيس بوك
http://www.facebook.com/SeatNileMotors

**SYD** · 21-11-2013 12:41 AM

المشاركة الأصلية كتبت بواسطة corolladestroyer

ياجماعه انا سقت الموتور ده وبلاش وكفايه كلام نظري والله العظيم اللي هيركب. الموتور ده ويحط رجله على البنزين هيرجع في كل كلمه قالها في حق الموتور ده الموتور ده ااكدلكم انه يطلع من السيراتو وبسهوله كمان وميزته انك وانت بتطلع العربيه بتجيب معاك جامد من غير ما تنعر ولا ترفع rpm
انا سقت السيراتو الشكل القديم وسقت الالنترا الجديده وركبت الموتور ده بجد ياجماعه في فرق التربو باين فيه اوي
وشدينا بيه مع الفيرنا وطلع منها بعد ال 100 انا مش بدافع عن الموتور غير لانه ابهرني فعلا والله ماكنت مصدق ان ده 1.2 ابدا عملوها ازاي دي انا مش فاهم....

انا مصدقك بالتأكيد
بس احب اقول لحضرتك ان بالأضافة للتربو ماتنساش دور الفتيس dsg وهو اللي عامل سرعة الأستجابة دي ومعوض فرق تأخير التربو بالأضافة للتطوير اللي تم في المحرك tsi
لو كنت تعرف محركات tfsi بتاعة فولكس اللي كانت نازلة في باسات واوكتافيا واودي ومحركات tdi اللي نزلت في بردو في باسات وجيتا
tsi دامج تقنيات tfsi في نعومة المحرك وسرعة استجابته بالأضافة لمميزات tdi في تخفيض الأنبعاثات ومحفزات التربو والسوبر تشارجر

تحياتي لشخصكم الكريم

الموضوع: سيات ليون 2014 ؟أرجو الافادة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

شراء أٍسترا كوزمو ....أرجو سرعة الافادة 2014

سيات ليون 2000

سيات ليون!!!!!!!!!!!!!

سيات ليون

الكلمات الدلالية لهذا الموضوع

المفضلات

المفضلات

ضوابط المشاركة