الموضوع: لاول مرة من 3 سنين: ستاندرد اند بورز ترفع التصنيف الائتماني لمصر

المشاركة الأصلية كتبت بواسطة imhotep

و لا سرى للغاية و لا اشاعة. . . كل الحكاية انه الصفقات الكبيرة دى بياخد التحضير لها وقت و مفاضلة بين نظم التسليح المختلفة و زيارات لوفود من الجانبين و دراسات و تجارب ميدانية لنظم التسليح و الاتفاق على شروط التعاقد و تفاصيل تانية كتير. . . الحاجتين اللى من متابعتى اتذكروا كتير هم الميج 29 m و النظام الصاروخى المضاد للدبابات اللى اسمه كورنيت و ده صاروخ ابن هرمة دمر 6 دبابات ميركافا4 فى حرب 2006 طلعوا من عين الاسرائيليين و مرتاحوش الا لما اخترعوا نظام يقلل شوية من كفاءة الصواريخ المضادة للدبابات عموما و النظام ده اسمه trophy . . . لو تلاحظ ان الاخبار مش مهتمة اوى بتفاصيل السلاح لانه غالبا هيكون سلاح دفاعى عشان مش من اول التعاون العسكرى مع روسيا تانى هنطلب سلاح هجومى و الا اسرائيل و امريكا هيهيجوا. . . لكن التركيز الاكبر على المغزى السياسى للصفقة لان هو ده الجانب المثير خاصة فى ظل معناه من التحول بعيدا عن امريكا. . . و انا شخصيا متوقع ان زيارة وزيرى الخارجية و الدفاع و بعد اتمام كافة التفاصيل هيعقبها زيارة من بوتين لمصر لتوقيع بروتوكولات تعاون فى كذا مجال منها العسكرى طبعا. . . يا مسهل

تمام يعنى فعلا المعلومات المتاحه هى اللى انا وصلتلها
ويا ريت فعلا العلاقه مع روسيا تتحسن حنستفاد كتير
شكرا على مشاركتك
تحياتى.

[QUOTE=Imhotep;3875286253]كنا لسه بنتكلم و اهى التفاصيل ابتدت تظهر اهه:
[url=http://www1.youm7.com/News.asp?NewsID=1346484&SecID=12]
دايما كده يا ماهر باشا جايبلنا المعلومات لحد عندنا بس ليا طلب عندك يا ريت مقارنه بين الاسلحه دى ومثيلاتها من الاسلحه الامريكيه علشان نقدر نقارن بينهم وكمان لان اللى اعرفه ان سلاح s300للدفاع الجوى هو الاصدار اللى قبل الاخير من احدث الاسلحه الروسيه يا ريت لو شويه معلومات كده علنا نستفيد
وكرا مره تانيه على اهتمامك
تحياتى.

المشاركة الأصلية كتبت بواسطة imhotep

بشكل عام فى انظمة الدفاع الجوى متدورش ورا الروسى...... يعنى عندك انظمة s300 و s400 هى الاقوى فى العالم كأنظمة دفاع جوى قصير الى متوسط المدى و كمان متحركة

الانظمة الامريكانى بقى حكاية تانية لان ال setup بتاعها مختلف لانها معمولة لتغطية ارجاء (امبراطورية) المصالح الامريكية حول العالم

لكن كأمثلة عندك نظام thaad و ده نظام ميدانى قصير الى متوسط كان يستخدمه الجيش الامريكى فقط الى سنة 2011 لما اتباع للامارات كجزء من التحضيرات لضرب ايران و حاليا فى مفاوضات ان قطر تشتريه

عندك كمان نظام الباتريوت المعروف لكن يعيبه انه كان اصلا نظام مضاد للطائرات تم تعديله ليكون مضاد للصواريخ

الاهم و الاقوى و الاخطر هو شبكة الدفاع الجوى الامريكية اللى معمولة لكى تصل الى اى مكان فى الكرة الارضية..... و ده نظام اسمه aegis (يعنى السوار) و من معنى الاسم تفهم انه نظام معمول عشان يطوق الكرة الارضية كلها..... و ده بيبقى عبارة عن انظمة اعتراض محمولة على مدمرات متمركزة استراتيجيا فى نقاط معينة حول الكرة الارضية بشكل يمكنها من تكوين مظلة لاعتراض الصواريخ الباليستية (يعنى الصواريخ ذاتية الدفع) فى مراحل طيرانها المختلفة فى اى مكان من الكرة الارضية

الصواريخ المضادة للدبابات برضه التفوق الروسى فيها على الانظمة الامريكية كبير...... يعنى عندك صاروخ ال كورنيت اللى احنا بنتفاوض عليه يعتبر من احدث اجيال الصواريخ المضادة للدبابات فى العالم و يتفوق كثيرا على نظيره الامريكى اللى اسمه tow
(tube-launched, optically-tracked, wire-guided missile)

صاروخ الكورنت ده اتجرب فعلا فى الميدان و على ايه على واحدة من اقوى و احدث الدبابات فى العالم وهى الميركافا4 الاسرائيلية و نجح انه يدمر 6 دبابات فى حرب 2006...... و نجاحه ده فى اختراق دروع الميركافا ازعج الاسرائيليين بدرجة خلتهم ما ارتاحوش الا لما اخترعوا نظام يحيد شوية من فعاليته...... و النظام ده اسمه trophy و هو نظام فريد بيخلى الدبابة تهاجم الصاروخ اللى جاى ناحيتها بأنها تضرب عليه حاجة زى gun shot يعنى بلى زى بتاع بنادق الصيد يفجر الصاروخ اثناء طيرانه و بعيد عن الدبابة..... بس مازال الصاروخ ده فعال فى حالة الهجوم على دبابة واحدة بعدة اطقم نيران و بكذا صاروخ من كذا اتجاه

الميج 29 اللى احنا بنتفاوض عليها هى البديل الروسى لل f15 و ال f16...... انا كان نفسى نتفاوض على الميج 31 لانها اقوى بكتير بس يظهر انها اما اغلى او فى قيود على تصديرها او اسباب اخرى لا نعلمها

ربنا يباركلك على المعلومات دى ودايما تاعبك انا باسئله كتير بس معلش حابب اعرف لو حسبنا قدراتنا الدفاعيه والجويه اللى اتكلمنا فيها قبل كده فى موضوع "التسليح الروسي " بعد اضافه الصفقات دى مقارنه بالاسلحه الاسرائيليه كدوله معاديه تفتكر كل بلد تاخد كام من 10 فى اسلحه الدفاع الجوى والقدرات الجويه علشان بس نفهم وضعنا الحالى مع اعتبار ان اسرائيل بتطور اسلحتها بنفسها .
وشكرا ليك على المعلومات .
تحياتى .