يا رجاله لو هسقط مكنه 1600 هغير ايه فى العفشه

**nesr6060** · 15-11-2013 09:31 PM

يارجاله انا لسه جاى من الحرفين وككنت بسال عن الموتور ال AFT ومشهور بالفهد فى السوق

المشكله ان انا سالت عن المكنه كامله بالفتيس والكونترول و الضفيره وجيت اسال عن العفشه لاقيت العفشه عامله من 600 جنيه ل 1000 جنيه عفشه جنبين يعنى حوار تغير جنبين الفشه طلع مكلف اوى

ياريت لو تقولولى ايه المفروض يتغير فى العفشه القديمه احسن من التكلفه دى كلها

ثانى حاجه هو ايه الفرق بين الاير ماس اللى فى المكنه ال AFT و البروجيتور اللى فى المكنه ال 2e وانهى مشاكله اقل

**Karim Ibiza** · 16-11-2013 12:30 AM

لازم تجيب العفشة لأنها اكبر من اللى عندك
اليايات والطنابير وجهاز الفرامل واكس الكوبلن
المساعدين والمقصات مفيهومش اختلاف

**hossamalsadik** · 16-11-2013 03:12 AM

بالظبط زى ماقلك كريم بيه وده هيقلل التكلفه الخاصه بالعفشه
بالنسبه الاير ماس ده حساس maf وعربيات كتير فيها الحساس ده ومافيش منه مشكله لما بيعلق بنضفه wd40 او نغيره عادى لو لزم الأمر ب70ج او 100ج

البروجيتور اللى فى المكنه ال 2e انا مشفاهم يمكن تقصد air flow meter الى هوا الأير فلو ميتر مش عاوز افتى فى مشاكله بس احسن واحد هيفيدك فى الموضوع رشاد الى فى الحرافيين
وبعدين يا أحمد بيه خليك فى الماتور 1600 احسن وبلاش e2 ال 2000cc بلاش طمع

بالمناسبه الماتور بحجته بكام سعر . وحاجته شامله التكيف ؟
بالتوفيق ان شاء الله

**nesr6060** · 16-11-2013 06:06 AM

الموتور انا سالت عليه كامل ضفيره وكونترول و فتيس كان عامل من 3.5 ل 4000 الاف

والعفشه بتاعته جنبين انا مش فاهم يعنى ايه بس تقريبا العفشه كامله كانت عامله 500 جنيه لوحدها

بالنسبه للمكنه 2E انا مش طماع ومش عاوز اسقطها بس فى واحد هناك ربنا يكرمه قالى ان المكنه ال 1600 دى وحشه علشان انجيكشن كامل وكهربتها كلها مشاكل ورجحلى المكنه ال 2e علشان مفيهاش الاير ماس وقالى مش عارف فيها ايه مكانه بيظبط الهوا بتاع المكنه

المهم دلوقتى هو رشاد ده فين فى الحرفين وهل اسعاره حلوه ولا نار لان انا عاوز اسقط مكنه والميكانيكى اللى بتعامل معاه مش بتاع فولكس بس بيقولى اسقطهالك عادى ومفيش مشاكل بس انا خايف ايه رايكم ورشاد ده لو هيسقطلى مكنه هياخد كام صحيح المكنه تقريبا من غير التكيف

**nesr6060** · 16-11-2013 05:45 PM

المشاركة الأصلية كتبت بواسطة ashraf4280

علي فكرة انا نفس حيرتك دي ناس تخوفني من 1600 و2000
ونصحوني ب 1800 هاف انجكشن بيقولوا مشاكلها اقل
بس انا عايز انجكشن كامل ولحد دلوقتي محتار

هههههههههه نفس الكلام اللى اقالى خد مكنه ال 1800 bp وان مشاكلها اقل وكهربتها تنساها ومكنه هاف انجيكشن وبتجرى

بس الصراحه الهاف انجيكشن مبحبش شكلها الصراحه انا عندى 1300 هاف انجيكشن

**hossamalsadik** · 16-11-2013 01:23 PM

رشاد ده كهربائى vwفى الحرافيين معروف هناك فى شارع نزلة الريحانى وشتغل فى كل المواتير ممكن يفيدك بل الأسهل صيانه واقل مشاكل
وبعدين اليه المشكله ان الماتور يكون انجكشن كامل وبقى بيتفهم فيه من زمان
الماتور AFT مسقطه كريم بيه ياريت يفدنا فيه وأخباره ايه معاه
وياريت لما تسقط باذن الله الكهربائى والميكانيكى يكونوا متخصصين vw عشان تخلص من اول مره صح

**nesr6060** · 16-11-2013 05:47 PM

المشاركة الأصلية كتبت بواسطة hossamalsadik

رشاد ده كهربائى vwفى الحرافيين معروف هناك فى شارع نزلة الريحانى وشتغل فى كل المواتير ممكن يفيدك بل الأسهل صيانه واقل مشاكل
وبعدين اليه المشكله ان الماتور يكون انجكشن كامل وبقى بيتفهم فيه من زمان
الماتور aft مسقطه كريم بيه ياريت يفدنا فيه وأخباره ايه معاه
وياريت لما تسقط باذن الله الكهربائى والميكانيكى يكونوا متخصصين vw عشان تخلص من اول مره صح

طيب انا هروحله اازاى والمكنه مش معموله انا عاوز اسقط مكنه وواحد يفهم يظبطلى كهربتها

**Karim Ibiza** · 17-11-2013 07:09 AM

المشاركة الأصلية كتبت بواسطة hossamalsadik

AFT مسقطه كريم بيه ياريت يفدنا فيه وأخباره ايه معاه

الـ AFT من ساعة ما سقطته لغاية ما بعت العربية مكنتش بفتح الكابوت غير عشان المياه والزيت طبعا بعد ما عملت طقم السرفيس
ولغاية ما بعت العربية كنت عامل بيه حوالى 13 ألف كيلو فى حوالى 8 شهور

لو هنتكلم عليه من ناحية الميكانيكا يبقى زيه زى اى موتور ممكن اى ميكانيكى يشتغل فيه
لو من ناحية الكهرباء فهو الضفيرة بتاعته مختلفة عن ضفاير الـ 1400 والـ 1600 العاديين واعتقد مختلفة عن الـ 2e
من ناحية قطع الغيار فهو بيشترك مع الـ 2e والـ sr فى حاجات كتير وانا فى كل الاحوال كنت ناوى انى اجيب اى قطعة غيار انا عايزها من على الـ ebay لأن كل اللى فى السوق مضروب
من ناحية الأداء انا طول عمرى اسمع ان الـ pb موتور غشيم بس مجربتوش, لكن بالنسبة للـ AFT انا مكنتش محتاج حاجة اكتر منه لأن الابيزا وزنها بالموتور ده 935 كيلو وكان تجميعها سريع ومرعب وعدد لفات موتور بيوصل لـ 6000 rpm واستهلاك البنزين مكانش قليل وكانش كتير

فى النهاية سواء كان معايا aft او pb او اى موتور فولكس تانى كنت هروح لميكانيكى فولكس يشتغل فيه عشان اريح دماغى لأنى موسوس جدا

وفى النهاية الاختيار ليك

-

-

الموضوع: يا رجاله لو هسقط مكنه 1600 هغير ايه فى العفشه

LinkBack

أدوات الموضوع

عرض

العرض المتطور

يا رجاله لو هسقط مكنه 1600 هغير ايه فى العفشه - انشر الموضوع فى :

-

-

-

-

-

-

-

المواضيع المتشابهه

يا رجاله ليه الناس بتخوفنى من تسقيط مكنه 1600 سىسى

مكنه 1600

هسقط 1800 بدل 1600 كورولا 2006 أوتو ... ساعدوني أرجوكم

تسقيط مكنه 1600 !!

مكنه توليدو 1600

الكلمات الدلالية لهذا الموضوع

المفضلات

المفضلات

ضوابط المشاركة