المشاركة الأصلية كتبت بواسطة ياسر ابراهيم
البليه و الدسك عمرهم مايركبو غلط طالما ركبتهم نفس نوع الاصلي اللي كان راكب او النوع بديل وطالما ربطت مسامير الدسك صح و بقوة و البليه كذالك طالما ركبتها بطريقة صح كدة يبقي تمام
اما الاسطوانه في احيان نادرة يركبها الفني علي شافت الفتيس عكس الاتجاة خاصة لما يكون الاتجاة اللي البارز في الاسطوانة الموجود فيه سستم الاسطوانة من سوست ...الخ يكون له مكان مجوف في الفولام فمكن يشتبه علي الفني وش او ضهر الاسطوانة ...بس في الغالب الناحية البارزة في الاسطوانة اتجاها ناحية الدسك و الناحية المستوية ناحية الفولام
صح بشرط انك رجعت كل شئ في مكانه و أكدت علي رباط المسامير
عامة هنا في اوربا ناس كتير بيركبو لوحدهم لو كانت السيارة عادية بس اهم شئ تأكد علي رباط مسامير الطقم و مسامير فارغة الفتيس و ماتنساش بعض المسامير بس .....وغالبا بيصورو الشئ قبل ما يفكو و يركبو..
لكن لو كانت السيارة حديثة او ديزل فهنا محتاجة فني و مش اي فني واحذر اي حد من اللعب في سيارته بنفسه ...