السﻻم عليكم ورحمة الله وبركاته
شغلي فقط ديبرياج و عمل دبرياج اسبورت للسيارات البنزين والديزل
اي استفسار ان شاء الله نستطيع مساعدتكم
عرض للطباعة
السﻻم عليكم ورحمة الله وبركاته
شغلي فقط ديبرياج و عمل دبرياج اسبورت للسيارات البنزين والديزل
اي استفسار ان شاء الله نستطيع مساعدتكم
جزاك الله خير ياباشمهندس ياسر اولا يعنى ايه دبرياج سبورت ---سؤالى بقى مع الضغط على الدبرياج بسمع صوت تزييق فى الدواسة السيارة نوبيرا دبرياج باكم مش واير وشكرا جزيلا
تزييق الدبرياج باستمرار من ان لاخر ايه حله الجذرى
وايه رايك فى الاسطوانة والديسك الاسبورت وايه رايك لما اركبها عندى فى الاكسنت rb وتكلفتهم كام
عندى مشكله انى لما بابقى ماشى فى حتت زحمه جدا وانا ماشى على الاولانى بالاقى عربيه اكنها واخدة غيار غلط واكنى مش عارف اسوق وبتفضل تكركر
السﻻم عليكم ورحمة الله وبركاتة
ان شاء الله في اجابات علي استفساراتكم
للعلم انا بشتغل في اوربا مش في مصر و مسميات قطع الدبرياج يمكن تكون مختلفة هحاول احمل صور القطع عشان نكون فاهمين بعض
حياك الله اخي الفاضل
الدبرياج اﻻسبور هو تقاوية الدسك و اﻻسطونة باقصي اﻻمكان بمعني فك اﻻسطوانة واعادة تصنيعها بتغير التيل العادي لتيل كراميك ومميزات الكراميك تحمل درجات حرارة عالية زائد صعوبة التاكل من اﻻحتكاك
ثانيا فك 2 دسك plate و ضغمهم في دسك واحد ودة لمضاعفة ضغط مراية الدسك علي اﻻسطوانة اي disc و مراية الفﻻم اي flywheel بالتالي نسبة التصاقط اقوي عدة مرات فيصبح clutch اسبور
ميزة اادبرياج اﻻسبور اﻻستفادة القصوي من اداء المحرك
ثانيا عمر الدبرياج اطول
ثالثا انخفاض معدل استهلاك الوقود
اما عن مشكلة التزيق له عدة احتمالات اﻻول صوت ماستر الدواسة او ممكن سوستة رجوع الدواسة بتحك في شئ اثناء استعمال الدواسة او تكتون البلة محتاجة تشحيم لو لو باكم و الاحتمال اﻻخير اثناء ضغط اادواسة بيحصل تﻻمس بين البلية و شوك الدسك و عالبا شوك الدسك باﻻستعمال بتتاكل في الحالة دي شوك الدسك محتاجة تنعيم
إن شاء الله المعلومة تكون وصلت
انا مغير طقم الدرياج تقريبا من 5 شهور
اخ فوزي بتحس بنتيش و السيارة واقفة ؟
طيب لما تدعس دبرياج علي اﻻخير بيروح الصوت
لما تدوس علي الدواسة الدبرياج بيفصل فوق ام فالمنتصف ام تحت؟
ام صعوبة لما تحط غيار؟
انت غيرت ايه بالظبط ترس الفﻻم (الفﻻي ويل ) و الاسطوانة و الدسك
طيب الصنايعي كشف علي شوكة البلية ﻻنها احيانا بتتاكل
اصلي المشكلة دي ممكن تتشابة مع مشاكل كتير زي كهربة انجكشن ....الخ
مافيش اى مشكله والعربيه واقفه بس المشكله ساعات والدنيا زحمه باباقى عايز امشى على الاولانى مسافه طويله فالعربيه اكنى مديها الغيار التانى مش الاولانى
انا غيرت طقم دبرياج كامل دسك واسطوانه وبليه
شكرا جدا لاهتمامك
السلام عليكم
انا الدبرياج عندى تقيل جدا ولازم تدوس للاخر عشان الغيار ميعضش + انى لما بهدى وادوس دبرياج وفرامل عشان انقل للغيار الاولانى مثلا بلاقى ان موشر الاrpm بيكون تحت الواحد (وانا ممور مثلا والعربية ماشية او واقفة ) واول ما ادوس الدبرياج والفرامل بلاقى الموشر يرتفع لغاية 1.2 ولما اسيب ينزل لل 1 وبعدين مع السرعة يبتدى يتحرك طبيعى
استرا 1200
الدبرياج بيكون مظبوط وخفيف جدا وتمام ولكن مع المشى لما العربيه بتسخن بيتقل جدا وبيعلى عن مستواه الطبيعى ؟؟
وشكرا ,,
يعني معني كﻻمك الغيار اﻻول بيضعف في الزحام و الوقوف المتكرر
Plate او الدسك ضعيف او ممكن مش اصلي و مشكلة الدسك المضروب بتكون تخانة الشوك اقل من اﻻصلي و صﻻبة الحديد مش كد كدا
دلوكتي قدامك حلول
الاول تغير دسك يكون اصلي و مقوي ﻻما مراية ترس الفﻻم تنزل مخرطة تتساوي و تخرط من مكان ثبيت الدسك علي مراية ترس الفﻻم و تخرط اقل من مراية الفﻻي ويل حول 0.8 مم
ﻻما تخانة تيل اﻻسطوانة اقل من المطلوب
للاسف في مصر مفيش صنايعة متخصصة ديبرياج و ﻻ حتي في تيل اصلي
خﻻصة القول الدسك اما ضعيف او تيل اﻻسطوانه نحيف
اوﻻ مفهمتكش يعني ايه يعلا عن مستواه ؟
و مع ذلك لو كان دواسة االدبرياج بتفصل بمجرد ماتضغط برجلك مسافة بسيطة ممعناه تيل اﻻسطوانة خلصان اما لو بيفصل في النصف ﻻحدما كويس اما لو بيفصل لما تضغط تحت خالص يبقي اﻻسطوانة تمام التمام
مسئلة عﻻقة سخونة العربية بتقل العربية ﻻبد انك تغير تيل اﻻسطوانه باﻻضافة تساوي مراية الدسك و مراية الفالون اي الفﻻي ويل daul mass flywheel
ﻻزم جميع مري الدبرياج متساوي تقويس عشان تكون قوة تﻻصق الاسطوانه مع الفالون ممتازة
https://app.box.com/s/7fv5tpp4ce5az9m1c2ym
دة رابط لبعض صور الشغل قبل و بعد التجديد
انا كمان عندي في السواقه في الزحمه الدبرياج بيتقل جدا وساعات لما اشيل رجلي خالص مش بيفصل واحس ان الدواسه بتلعب كدا " جزء بسيط اول الدوسه " واحس ان العربيه مخنوقه وفجأه يفصل والعربيه تسحب .. خزنه الدبرياج مش بتجيب زيت ومتغيره من فتره والعربيه نوبيرا
أنا عندى مشكلة بعد أما غيرت طقم الدبرياج هو فاليو و العربية كيا سيفيا .... من بعد ما غيرت الطقم و فيه رجة على الأول و لازم أسند سنة بنزين فى الطلعة علشان أتغلب عليها و فيه ونة على الخامس بتروح أما بدوس دبرياج و دلوقتى بقيت على الرابع و الخامس
مع العلم إن السحب كويس جدا .. أنا شاكك فى إن الطقم ركب غلط و الميكانيكى بيقولى الطقم مضروب؟
اخي العزيز
اولا افحص مفصلة دواسة الدبرياج و فيها جزء بترقلش رقلشة و كمان افحص سوسته ترجيع بدال او دواسة الدبرياج
ثانيا لو كان الدبرياج بيفصل علي العالي او يمجرد تضغط علي الدواسة بحاجة بسيط معناها تيل الاسطوانه منتهي
ثالثا ياريت تغير البلاتوه اي الدسك plate . ولو هتغيره جديد اوكي لو هتشتريه مستعمل نزله مخرطة وساوسيه هو و مراية الفلام او flywheel. وغير تيل الاسطوانه و بالمرة شحم البليه
رابعا حاول وانت واقف في الزحمة خليك علي المور يعني متديش الاول و دايس دبرياج لانة اثناء الضغط علي الدبرياج بيسخن البلاتوه اي الدسك
ارجو ان اكون افتك وفي رعاية الله و لو اي استفسار خدامك
اخي العزيز فعلا المشكلة من طقم الفاليو
عامة الدبرياج الفاليو دايما مش ناجح وفية مشاكل في البلانس زائد معظم سوست اسطونات الفاليو خشنة و ما تقدر تمتص صدمة المحرك مع الفتيس و غالبا الفالون اي flywheel او زي ما بسموه في مصر ترس الفلام فيه بلانس و انت طبعا مش هتقدر ترجعه للمحل تاني لانك استعملته لكن ممكن تحاول تاخد البلانس منه طبعا انت فاهم يعني ايه بلانس زي مثلا لما تغير فردة كاوتش الصنايعي برصص الفردة عشان ظبط الاوزان
كذلك فيه مكن اخد البلانس من الفالونات اي FLYWHEELS
افضل انواع الدبرياج الساكس او ال لوك luk or sachs
استاذ ياسر...جزاك الله خيرا
ليا استفسار ...غيرت ديسك واسطوانه كيا سبكترا ...بس بقي لازم تضغط بنزين بزياده عن الطيعي بالذات في الزحمه عشان ماتبطلش...وده مختلف عن اللي كان راكب رغم انه المفروض اصلي ...وبتجربة البعض قال مفيهاش حاجه ويمكن عايزه تطبع بس لسه زي ماهيا ومش معاكسه غير بس في الطلعه ومع التعود مش بتاخد بالك....فياريت لو تعرف سبب القصه دي ايه...وشكرا لحضرتك مره تانيه
استاذ كريم المشكلة هي تيل االاسطوانه سميك حوالي 0.5 مم عن اﻻصلي ﻻنهم بيراعو ان الفوﻻم من اﻻستععمال مرايته بتخف شويه
غلطتلك انك االمفروض تختبر الطقم كله (فوﻻم و اﻻسطوانة و الدسك )و يجربة علي المخرطة و يتشاف الدسك بيشتغل كام ملي و طبيعي وﻻ محمل و عايز مسح علي المكنه .
المشكلة هي تيل الاسطوانه سميك و كان المفروض الفوﻻم يتخرط
الحل
1. نصيحتي لك لو تقدر تنزل الفتيس و تخرط من الفولام 0.4 الي 0.5 من الملي ماكسمم
2.تحاول ترقلش شوكة البلية او الواير ان كان عادي اما لو البلية و السستم باكم مش هينفع
3.الحل اﻻخير انك تستعمله زي ماهو لغاية ما الاسطوانة تتطبع
4. عود نفسك دايما لو انت واقف في اشارة او زحمة انك تمور السيارة حفاظاً على الدبرياج و خاصة البلية و الدسك و مفيش داعي انك دايما دايس دبرياج.
بالتوفيق و في رعاية الله
اخ مودي معذرة مردتش عليك بسرعة
المشكلة عندك تبدأ من شوكة البلية + الدسك و الاسطوانة و خاصة الدسك
اذا السستم عادي و مش باكم يبقي تبدا المشكلة من شوكة البلية هتلاقي جزء التلامس بين الشوكة و البلية متاكل
المشكلة التانية الدسك مش شغال كويس او سوسته واكله حرارة فمبرجعش مرايته كويس و الاحسن غيرة تماما بالشوكة
و الاسطوانة لو تخانته اقل من من 6.6 مملي الي 7 مملي غيرة بالمرة و ا حتمال الاسطوانة واكله حرارة و مطعوجة
لو هتشتريهم جداد يبقي لازم تمسح الفولام بالمخرطة و تجرب الطقم كله (فولام و الاسطوانه و الدسك)
مع ملاحظة اثناء التجربة و كبس الدسك للحد الاقصي لازم يكون فراغ مش اقل من1 ملي للاسطوانه تتحرك فيهم
علي فكرة المشكلة كبيرة و ممكن تضرب حاجة في الفتيس
في رعاية الله
السلام عليكم و رحمة الله الله و بركاته
أخي ياسر ألف شكر على الموضوع ده و ربنا يجعله في ميزان حسناتك
أنا مشكلتي اني امبارح بادوس على بدال الدبرياج .. البدال وقف تحت في الأرضية و ما رجعش تاني .. لما دوست عليه مرتين تلاتة ( كراريكت ) عليه رجع مكانه .. يا ريت أعرف السبب و احتمالية تكرار المشكلة مرة تانية
العفو يا احمد باشا
شوف انت اللي ريحك بس لو هتغير غير الدسك plate هاتوه ساكس او لوك ﻻن مراية الدسك ما بترجعش كويس و دايما فيه 3 سوست دابل مبرشمين في مراية الدسك بالبدي مبرشمين ب 6 براشيم المشكله فيهم اما الفولام وديه لمكنة بلانس
و حاول تكشف علي قواعد الموتور معرفش بسموها ايه في مصر بس هم عبارة قواعد كاوتشوك
موضوع الونه دي ممكن تكون بلية الدبرياج تتغير او تشحمها
بالتوفيق
جعله الله فى ميزان حسناتك
جزاكم الله خيرا
كان عندي استفسار بعد اذنك عربيتي كورولا 94 وعندي مشكلة في الغيار التاني بسمع صوت زعقه جامده وخصوصا لمل برجع للغيار التاني من غيار اعلى بس انبارح فجاه لقيت كل الغيارات تقيله وبتزعق جامد ادوس عل الدبرياج مبيفصلش الحركه الا لما ادوس جامد جدا واحيانا مبيفصلش خالص بعد ممشيت مشوار حوالي 50 كيلو الدبرياج اتظبط ولا كان فيه حاجه وفضلت مشكلة الغيار التاني نفسي اعرف ايه اللي حصل مع العلم اني بصيت على زيت ماستر الدبرياج لقيتو مظبوط
اخي الكريم
المشكلة في الدسك plate انا بحاول احط صور توضيحية الموقع فيه الظاهر عطل
المهم المشكلة عند في الدسك و لو حضرتك شوفته لما يطلع من العربية مباشرة هتشوف مليان غبار ملبد داخلة و احيانا مابنقدر ننضفه بالكومبراسير و بنضطر نضربة بمكنة الرمل.
الدسك شغله عندما تضغط دبرياج في سوسته بشوك وظيفتها ترجع مراية الدسك للخلف بمساعدة 3 سوست دابل لهم وظيفتين الاولي ترجيع المرايه للخلف و هي عليها حمل الجر الدبرياج
احيانا التراب الملبد الناتج من احتكاك الاسطوانة و اﻻستعمال بيعوق سوست الدسك من شغله اللي شغلها فصل الحركة . وكمان درجة حرارة احتكام الدسك مع اﻻسطوانة و الحدافة او الفوﻻم .درجة الحرارة دي بتضعف سوكت الضغط في الدسك و دة ناتج من استخدام الدبرياج عمال على بطال يعني لو حضرتك هتواقف اكتر من 20 ثانية في اﻻشارة او الزحمة المفروض تمور السيارة
والله عارف يمكن كﻻمي مش واضح بدون صور لكن بحاول اشرحلك علي اد ما اقدر
تفسير المشكة ان الدسك سخن منك لدرجة ان سوستة من السخونة مرجعتش لورا او مفصلتش
او الغبار الملبد داخل الدسك ركن في المسافة اللي بين ستوستة الضغط و غطا الدسك و لما مشيت شوية اتنترو شوية التراب
الحل
تعمل صيانة علي الدبرياج و طبعا لو قدرت تنظف الدسك اوك ﻻما تغيره و بالمرة تراجع علي الاسطوانة و الفوﻻم و متنساش تمسحهم علي المخرطة و ان شاء الله العربية تتظبط
اما موضوع الغيار التاني ممكن يكون مشكلة في في الفيس في ترس ما دي مش من الدبرياج
في رعاية الله
جزاك الله خيرا .طيب ممكن سوال تاني ايه اعراض تلف ماستر الدبرياج
:flower4u:
اخي العزيز بدري
ممكن عدة احتمالات للمشكلة دي ممكن
1. مفصل الدواسة علق مع سوستة شد الدواسة
2. لو السستم عندك واير مش باكم يبقي الواير
الحل انك تزيت مفصل الدواسة و حاول تشوف بنفسك
يعني ممكن تضغط بايدك علي البدال و تفحص بعنيك احتمالات التعليقة و تزيت المفصل بالمرة
اما لة مشكلة الواير فدة ممكن الواير مريش داخل جرابه و لو كويس بردك عايز تتزيد و اعتقد دي عايزة صنايعي ﻻنها معقدة عليك شوية
إن شاء الله مشكلة سهلة
حياك الله
1. عيب الماستر يروح زيت او يسرب زيت و سببه ان الاولسيد تآكل
2.نقص مستوي الزيت من علبة الزيت
3.اثناء ضغطك علي دواسة الدبرياج تﻻقي انك تدوس دبرياج للاخر و الفصل يبقي بطئ
4.واخير تدوس دبرياج مهما تدوس كأن مفيش دبرياج
مﻻحظة كل الكﻻم السابق لو البلية باكم و السلندر او الاولسيد بتاعها انتهي هيديك نفس العيوب دي
نظام الدبرياج الباكم يعتبر نفس فكرة الفرامل الباكم
في رعاية الله
اخى الكريم...........
أنا غيرت ديسك وإسطوانه لعربيتى سكودا فليشيا .... وأنا بشيل رجلى من على الدبرياج بسمه صوت خبطةناحيه البدلات ناحيه الفتيس أكن الاسطوانه بترجع بقوه شويه ... طبعا" لما ازود بنزين شويه فى الطلعة مبحسش بالخبطه دى
وجزاك الله كل خير