الموضوع: تنقيط مياه من مخرج الشجرة ف الماتور !!

المشاركة الأصلية كتبت بواسطة the magice

شيك على وصلات المياه اللي داخله للموتور سواء من القربه او الردياتير ممكن يكون في خرطوم مقطوع والله اعلم

شكرا جدا على مرورك، بس المشكلة عندى انى مش عارف ادخل حتى ايدى فى المكان المتفرع منه الخراطيم ده لأنه ضيق جدا ! ولا حتى عارف اشوف بتنقط من ايه

المشاركة الأصلية كتبت بواسطة hossamalsadik

محمود بيه لازم المنطقه ديه تتعالج لأما هتفك الخراطيم وتشيك عليها وتعيد تركبها بنفسك
او توديها لميكانيكى محترم يقوم بالمهمه وهى سهله بالنسباله ممكن يطلع خرطوم منفس
المايه ديه لما الماتور بيسخن بيزود نسبة تسريب المايه بسبب الضغط الى بيبقى داخل دوة المياه
والبتالى بعتبر ان الدوره غير مغلقه وده بسبب ارتفاع درجتها المستمر وبالتالى تشغيل اكتر لمراوح التبريد

أشكرك يا مهندس حسام على الإهتمام ربنا يكرمك
كلمت عصام الميكانيكى، قالى لازم تتغير ولازم اشوفها لربما تطلع حاجه تانية، سألته مينفعش نعملها بالحاجات اللى بتلزق جامد دى، قالى هتبقى مسكناااات
انهاردة شيكت على المياه وامبارح ومنقصتش !!

المشاركة الأصلية كتبت بواسطة hossamalsadik

الشكر لله يامحمودبيه
هوا لو فيه تنفيس من خرطوم فلازم يتغير ولو الكوليه ( الأفيز ) بتاعه سايب شويه بسيطه يتغير
بس لو الشجره مخرومه فلازم لحام ألمونيوم متنساش ان المنطقة ديه بتتعرض لدرجات حرارة عاليه فمظنش ان لاحام الأمبوبتين هيصمد طويلا .
شيكت عليها ومنقصتش طيب انتا مشيت بالعربيه ؟ لا منقصتش وهيا مركونه فى مكنها ؟

تماام، انا بستخدمها يوميا بفضل الله، وبشيك عليها بعد مشاويرى ، الشيخ زايد-مدينة نصر، مدينة نصر- الشيخ زايد

ممكن تنقص قيمة نص سم

عموما الموضوع فعلاً لازم ميكانيكى خلال اليومين الجايين بإذن الله :b4_611:

انا حطيت السوبر جلو مكان التنقيط من مخرج الشجرة أنا مش عارف دى اسمها شجرة ولا الماسورة؟، المهم انها مبقتش تنقط، والمياه مش بتنقص خالص الا حاجه خفيفه جدا كل فترة، لكن فى حاجه غريبة عايز رأيكم فيها

شوفو صورة الشكمان دى وهل المياه اللى بتنقط دى خطر ولا لاء ، لن انسى فى يوم من الأيام لما المياه خلطت عندى مع دورة الحرق، ولاقيت الشكمان بيجيب كل المياه اللى ف دورة المياه وساعتها غيرت جوان وش سليندر