الموضوع: لشراء شقة في التجمع - ابتدي منين؟؟؟

المشاركة الأصلية كتبت بواسطة msms_ms2001

ممكن المبلغ دا يجيبلك شقه فى اسكان مبارك ال 100 م هتكمل قسط بسيط او 70 م كاش

متشكر جدا لحضرتك بس حضرتك تقدر تديني معلومات عنه ؟؟؟

المشاركة الأصلية كتبت بواسطة ramymechanics

بنك التعمير واﻹسكان مشاريعه ممتازه انا شفت شققه الى فالعبور بس المهم تلاقيها ﻷنه بيتحجز من قبله بمدة ... وعلى فكرة كلامى الى فات كان عن اﻷهالى واﻷحياء الى هى البنفسج والياسمين واللوتس إلخ لكن فإسكان الشباب معرفش اﻷسعار أيه ... سيبك بقا من كل دة انا نقلت من شقتى الى فالنعام من سنة ومش عارف أبيعها ودى قصة تانية

متشكر جدا بس انا العبور كنت حاببها في الاول بعدين قفلت منها واحد صاحبي عنده فيلا في الحي السادس اللي هو حي الفيلات حاجة كدة ملهاش معالم و الحي الاول بقي الصين الشعبية و فعلا انك تلاقي شقة كويسة ده حمادة و انك تبيع شقة ده حمادة تاني خالص

المشاركة الأصلية كتبت بواسطة ahmed_ramadan

+1111111111111

من واحد لف التجمع و قلبها تدوير الراجل ده جابلك من الأخر .... بس لو عاوز تقسط شوف إمكانياتك فى القسط كام و أنا هحاول أفيدك

متشكر جدا لحضرتك بس انا يوم ما اعصر نفسي مش هنزل اكتر من 250000 الف مقدم و من 3000 الي 4000 في الشهر قسط لفترة كبيرة مش هتفرق للعلم انا لسة 24 سنة

المشاركة الأصلية كتبت بواسطة joe_techno

متشكر جدا لحضرتك بس حضرتك تقدر تديني معلومات عنه ؟؟؟



متشكر جدا بس انا العبور كنت حاببها في الاول بعدين قفلت منها واحد صاحبي عنده فيلا في الحي السادس اللي هو حي الفيلات حاجة كدة ملهاش معالم و الحي الاول بقي الصين الشعبية و فعلا انك تلاقي شقة كويسة ده حمادة و انك تبيع شقة ده حمادة تاني خالص



متشكر جدا لحضرتك بس انا يوم ما اعصر نفسي مش هنزل اكتر من 250000 الف مقدم و من 3000 الي 4000 في الشهر قسط لفترة كبيرة مش هتفرق للعلم انا لسة 24 سنة

بص يا كبير نصيحة من أخ ... المبلغ دة ميجيبش شقة فالتجمع حتى لو قسط ممكن تحاول تاخد حاجة برة عين شمس لو انت مصر يعنى كوبرى القبة مثلا كخطوة أولى انا عملت كدة واتجوزت فى عين شمس لحد ما ربنا كرم وغيرتها بس عشان تجيب حاجة دلوقتى حتحط كل مواردك فيها ال 5 سنين الجايين ومش هتعرف تتجوز ... ربنا يكتبلك الخير حيث كان ان شاء الله

متشكر جدا يا جماعة انا فعلا هحاول اشوف مكان تاني ارخص و ياريت لو حد عنده اقتراحات او ليه تجربة في منطقة جديدة غير التجمع

أطول مدة سداد بتبقى فى الشروق وبس دى تعتمد على مكان شغلك فين عشان متكرهش نفسك وكمان هل معاك عربية ولا ﻷ ... وبالتوفيق ان شاء الله

المشاركة الأصلية كتبت بواسطة ramymechanics

أطول مدة سداد بتبقى فى الشروق وبس دى تعتمد على مكان شغلك فين عشان متكرهش نفسك وكمان هل معاك عربية ولا ﻷ ... وبالتوفيق ان شاء الله

بالظبط كده ما هو الواحد خايف ياخد في مكان بعيد اكتوبر او الشروق يبقي شغله بعيد عنها هتبقي جحيم بالنسبة له حتي لو معايا عربية عشان كدة فكرت في التجمع

المشاركة الأصلية كتبت بواسطة محمد المصرى

بص على شقق الشباب فى التجمع الثالث وبص على نفس الشقق فى التجمع الاول

وبعدين بص على منطقة اسمها ابو الهول وبعد النرجس بس هى حوالى من 2 الى 3 سنوات عشان تعمر المتر هناك حوالى 2600 جنيه والمنطقة مستقبلها حلو

وربنا يوفق

عز الطلب و انا اصلا مش اقل من 3 او 4 سنين عشان اتجوز هتكون المنطقة اختلفت خالص بس السؤال بقه هل في مكان مضمون الواحد ياخد عن طريقه زي البنك او شركة مضمونه ولا ننزل ندور بنفسنا و نسأل علي سماسرة ؟؟؟؟

المشاركة الأصلية كتبت بواسطة midooo_119

بما انى جارك فعين شمس و شقتى الى هجوز فيها فالتجمع فهقدر افيدك شويه .. بص ياسيدى
التجمع الثالث فيه شقق 70م و ديه الى انا واخدها و 100 م و 135 م
ال70 م ديه ليها 3 انظمه
اول نظام الشباب و دى بتبقى اغلاهم لكن قسطها صغير 70 جنيه و سعرا بيبتدى من 185 الف
تانى نظام استثمارى قديم و ديه قسطها 320 جنيه و سعرها من اول 140 الف
ثالث نظام استثمارى جديد ديه قسطها 700 جنيه و بتبتدى من 125 الف
ال100 م هو نظام الشباب قسط حوالى 80 جنيه و السعر يبتدى من 260 الف تقريبا
ال135 الف تبتدى من 350 الف و قسها غالبا 700 جنيه

يارب قدرت اكون افيدك

حلو اوي الكلام ده سعر معقول و قسط مريح ياريت بقه لو تديني اي كونتاكت ليهم و انا اتعامل و متشكر جدا لتعبك