لشراء شقة في التجمع - ابتدي منين؟؟؟

**joe_techno** · 19-11-2013 02:25 PM

الموضوع باختصار اني عندي شقة في عين شمس و حالف يمين طلاق من قبل متجوز اني مش هتجوز فيها و نفسي اسكن في منطقة هادية من اللي انا بشوفه كل يوم و بصراحة عاجباني التجمع و عايز ادور علي حاجة كويسة ياريت تفيدوني ابتدي منين ؟؟
انا امكانياتي من 200000 - 250000 (سعر شقتي في عين شمس) و ممكن اكمل اقساط هل ده مناسب و لا قليل علي التجمع؟؟

**amr011111** · 19-11-2013 02:27 PM

متابع

**mastr_n** · 19-11-2013 02:30 PM

مش عايز احبطك بس السعر دة قليل جدا على التجمع
التجمع دلوقتى مش اقل من 3500 للمتر
ممكن تنزل المنطقة خلف كارفور المعادى حميلة جدااا وارخص من التجمع
وبعدين لازم تنزل بنفسك وتاخد جولة مرة واتنين وامشى هاتتعب بس هتلاقى ان شاء اللة

مبروك مقدما على الجواز

**joe_techno** · 19-11-2013 02:49 PM

المشاركة الأصلية كتبت بواسطة mastr_n

مش عايز احبطك بس السعر دة قليل جدا على التجمع
التجمع دلوقتى مش اقل من 3500 للمتر
ممكن تنزل المنطقة خلف كارفور المعادى حميلة جدااا وارخص من التجمع
وبعدين لازم تنزل بنفسك وتاخد جولة مرة واتنين وامشى هاتتعب بس هتلاقى ان شاء الله

مبروك مقدما على الجواز

ليه قولتلي

؟؟؟؟
قليل حتي لو هدفع 250000 مقدم و اقسط الباقي ؟؟؟ ايه يا جدعان نجيب منين طيب ؟؟؟؟
و عامة الله يبارك فيك يا فندم و لو اني كده مش هيبقي فيها جواز

**mastr_n** · 19-11-2013 02:57 PM

المشاركة الأصلية كتبت بواسطة joe_techno

ليه قولتلي

؟؟؟؟
قليل حتي لو هدفع 250000 مقدم و اقسط الباقي ؟؟؟ ايه يا جدعان نجيب منين طيب ؟؟؟؟
و عامة الله يبارك فيك يا فندم و لو اني كده مش هيبقي فيها جواز

يافندم انا بكلمك عن سعر المتر وليس المقدم
طبعا 250000 يدفعولك مقدم فيلا مش شقة بس بقى شوف التوتال هايبقى كام مش اقل من 600000 ودة العادى فى التجمع
وان شاء اللة موفق وانتظر باقى الاعضاء وشوف الردود التانية

**ramymechanics** · 19-11-2013 03:02 PM

حضرتك تبتدى من البنك تحضرلك كدة 400 ألف مقدم وتدبر ال 200 الى فاضلين فى خلال سنتين maximum مش بس كدة ... تجهزلك بعد كدة 50 او 80 تشطيب حسب ذوقك

**kar!m** · 19-11-2013 03:28 PM

متابع ...

**joe_techno** · 19-11-2013 03:28 PM

المشاركة الأصلية كتبت بواسطة ramymechanics

حضرتك تبتدى من البنك تحضرلك كدة 400 ألف مقدم وتدبر ال 200 الى فاضلين فى خلال سنتين maximum مش بس كدة ... تجهزلك بعد كدة 50 او 80 تشطيب حسب ذوقك

بنك الاسكان و التعمير سمعت انه مضمون و اسعاره اقل نسبيا من اسعار الشركات الكلام ده صح ؟؟؟

**msms_ms2001** · 19-11-2013 04:45 PM

ممكن المبلغ دا يجيبلك شقه فى اسكان مبارك ال 100 م هتكمل قسط بسيط او 70 م كاش

**ramymechanics** · 19-11-2013 04:51 PM

بنك التعمير واﻹسكان مشاريعه ممتازه انا شفت شققه الى فالعبور بس المهم تلاقيها ﻷنه بيتحجز من قبله بمدة ... وعلى فكرة كلامى الى فات كان عن اﻷهالى واﻷحياء الى هى البنفسج والياسمين واللوتس إلخ لكن فإسكان الشباب معرفش اﻷسعار أيه ... سيبك بقا من كل دة انا نقلت من شقتى الى فالنعام من سنة ومش عارف أبيعها ودى قصة تانية