بجد الجولف عربية تستحق الاحترام

**Honda_lover** · 20-11-2013 04:20 PM

المشاركة الأصلية كتبت بواسطة lanos2004

الجولف منقدرش نتكلم فى الثبات عنها نهائى لانها هرم على الارض
نرجع بقه لجولف 1600 سى سى ومش تيربو الى ماشيه 210
من فضلك روح صلح عداد عربيتك
والحمد لله على سلامتك

الجولف اللي معايا مش مصري جاية من دبي ومدفوع جماركها وبعدين ياما جرينا يا باشا وركبنا عربيات وللعلم انا بغير العربية زي الموبايل كل شهر عربية

**Honda_lover** · 20-11-2013 04:24 PM

المشاركة الأصلية كتبت بواسطة lanos2004

اضافه الجولف 1600 من صغر الى 160 فى 39 ثانيه ومعظم العربيات 1600 بتعملهم من 24 الى 29 ثانيه
صباح السلاحف

يا باشا واحنا هنيجي ايه جنب الكوري المعروف بجرية وثباته عالارض معلش مع احترامي لحضرتك الكوري بجميع فئاته لا يستحق اني احرق لتر بنزين معاه

**lanos2004** · 20-11-2013 07:06 PM

المشاركة الأصلية كتبت بواسطة honda_lover

يا باشا واحنا هنيجي ايه جنب الكوري المعروف بجرية وثباته عالارض معلش مع احترامي لحضرتك الكوري بجميع فئاته لا يستحق اني احرق لتر بنزين معاه

طب ما تيجى نشوف الى مش بينزل مصر
الجولف 1600 يا 102 حصان ودى فى الطراوة
يا 1600 -115 حصان ودى حلوة حبه
وبعدين معلش جولف ايه 1600 الى تجرى ورا مرسيدس موديل حديث
وبعدين مانته قولت هتقطع الانوس بالستروين ولا شوفنا ولا سمعنا صوت بعد كدة
كل عربيه وليها حدود وما فيش 1600 يقفل 210 بسهوله دة لازم بنزين 95 وطريق نضيف وجو بارد وهوا ميكونش فى وشك

**yasserelsayad** · 20-11-2013 07:14 PM

المشاركة الأصلية كتبت بواسطة honda_lover

يا باشا واحنا هنيجي ايه جنب الكوري المعروف بجرية وثباته عالارض معلش مع احترامي لحضرتك الكوري بجميع فئاته لا يستحق اني احرق لتر بنزين معاه

ما بلاش الكلام اللى ملوش لازمة دا وانت عارف انه غلط
عربيتك ثابتة ماشى محدش اعترض بس معلش يعنى هتعمل ايه يعنى بالـ 100 حصان بتوعك حتى لو عربيتك خفيفة شوية
وعلى فكرة الموضوع العكس بقى لان انا لما بلاقى جولف 1.6 بصراحة بستخسر ادوس معاه عشان خسارة شوية البنزين هيروحوا على الفاضى

والـ c200 الكومبروسر باردوا مش هتعرف تعمل معاها حاجة دى 2.0 161 حصان .. السيراتو عندى كانت يدوبك بتثبت معاها لحد الـ 100 وبعد الـ 120 خلاص بتكون قدامى وبتبعد بقى لحد الاخر والفرق مش بيكون كام متر خالص .. وعربيتى كانت بتجيب الـ 100 فى 9 ثوانى

**lanos2004** · 20-11-2013 07:48 PM

انا بس ليا سؤال
النقل كان واقف ولا بيتحرك
وهل صاحب المرسيدس كان قصدة يلبسك علشان مكنش عارف يخلع منك
وهل المرسيدس مركبه كاوتش رافعها عن الارض لدرجه انها كانت مداريه النقل قدامها
ونصيحه من اخ لو قيت عربيه مفيمه متحاولش تجرى معاه وخاصه انك متعرفوش لانه ممكن يقلب بكارثه
للاسف طلعت عدة اساله

**hugan** · 20-11-2013 09:18 PM

متابع حوادث الموت

**Honda_lover** · 21-11-2013 01:21 AM

ارجو من الادارة اغلاق الموضوع للخروج عن سياقه الاساسي وهو اني بحكي تجربة او موقف مريت به وليس لمدح فالسيارة وتفوقها علي جميع سيارات العالم وان تم الردود علي بعض الاعضاء سيتحول الموضوع لشخصنة ويحدث خلاف وجدال لا نهاية له وفي النهاية اعتذر عن عدم ردي علي بعض الاعضاء حرصا علي عدم تحول مسار الموضوع الي مواضيع اخرى فرعية وبعتذر عن فتح الموضوع من البداية
تحياتي للجميع