الموضوع: بجد الجولف عربية تستحق الاحترام

المشاركة الأصلية كتبت بواسطة toola

هوا الموضوع فعلا طلع عن هدفه, بس بدام الكلام ابتدى غلط فندر بأه.

الجولف فعلا من العربيات العالية جدا فى معدلات الأمان و الفرامل و ليا تجارب كتيرة, و وانا مضيع بورا قبل كده فى حادثة موت ربنا خلاها سبب لنجاتى.

بردو كمعدل ثبات لو العربية مضبوطة فالعربية ثباتها عالى جدا و ميقلش كتير عن عربيات حديثة.

بالنسبة للشد فطبعا منطقى ان المرسيدس تحط عليها مرتاح, بس ده ميمنعش ان العربية ممكن توصل للسرعة الوصلتها على حسب الطريق, انا كان معايا عربيتين بورا الأولى كانالطبيعى بتاعها 180 واوقات توصل لل190, و الثانية كان الطبيعى بتاعها 190 و كانت ممكن توصل لل 200 او ال 205 لو الطريق خدم. انا معرفش العربية الفى الموضوع مانيوال ولا اوتو, بس لو مانيوال و الطريق خدم فممكن توصل لل 210 عادى.

هنيجى لاخر نقطة, العربية ثقيلة فعلا, بس بعد ال 80 او ال 100 بتسحب كويس لو انتا حارق على النقلات بس الكلام ده مقارنة بعربيات زيها 1600 اوبترا او سيراتو.

اخيرا اخ لانوس 2004, انتا عارف كويس ان عربيتك مسقطة ماكنة, و مش طبيعية ,لكن لو ماتور اللانوس الطبيعى فالجولف 1600 تحط على اللانوس مرتاح.

لو هنيجى للتسقيط, فبداية الكلام ماتور 1800 ستوك مش متربن (ب 5 الاف جنيه و يمكن اقل كمان)هيطلع 128 حصان و هيزعلك جاااامد تقريبا على كل السرعات.

عاوزين نلعب مع الكبار عندك بردو 1800 تربو باختيارين, الاول القديم 150 حصان و ده يقول مع العربيات التربو الحديثة.

و التانى المتعدل و ده 1800 بردو بس بيطلع 180 حصان تقريبا, و ده غالبا ممكن يزعل الانتا عايزو من بى امات و مرسيدس و فولفو, خلى بالك الهورسات ديه بتطلع استوك من غير لعب لسه.

و للعلم الماتور ده ليه تعديل ثالث بيخليه يطلع 220 حصان و ده البتنزل بيه الأودى تي تي. ها ايه رأيك؟؟؟؟

على فكرة الكلام ده مش صعب, يعنى تقعلك على جولف ولا بورا و لا حتى توليدو ماتورها خلاصان على 55 ولا 60 بالكتير, و حسبة 15 الى 20 الف بالكتير عشان تسقط الماتور التربو بمشتملاته.

انا بس كان هدفى اولع فى الموضوع بس هوة زعل بسرعه قوى--مع اننا هنا اسرة واحدة وبنستحمل بعض
ولو على الزعل تقبل اسفى سيدى العزيز
بس هوة لما اركب ماتور 1500 سى سى ابقه مسقط طب لو ركبت 2000 سى سى يبقه اسمه ايه
وبعدين الانوس 8 صباب لو نضيفه بتمسك مع الجولف 1600لحد 150 بعد كدة الجولف بتحط عليها وواحدة واحدة
ومش الفرق الباهر الا بعد 170
انا بس كل الى مستغربه ازاى الجولف وصلت 210 وهى تنمتى الى فئه البط فى التسارع ولازم بنزين 95 علشان تكسر 200 مرتاح
وبعد بالنسبه للمواتير والمكن الحمد لله عندى معلومات معقوله عن المواتير والعربيات
وبعدين ما انا بتروق من الجولف 1400 على طول ايه المشكله يعنى
انا لما بجرى بجرى علشان منمش على الصحراوى ولما بتلاقى حد بيجرى معاك مش بتحس بالطريق مهما كان طوله

ياجماعه انا بس ليا كلمتين عايز اقولهم


انا لاقيت الناس اللى راكبين كورى مجرد ما الراجل قال انا راكب المانى واستخسر اشد مع كورى بعد استفزاز الناس وتشكيكها فى عربيته الالمانى لاقيت الناس هجمته بضراوة ودا غريب فى حد زاته

جميل انك تبقى بتحب عربيتك وتحترمها .......بس العربيات مقامات مينفعش كورى ينط على المانى ويشكك فيه حتى لو الالمانى دا بطه يكفى انه المانى وكمان جولف ...........احنا اسفييييين يا صلاح

المشاركة الأصلية كتبت بواسطة yasserelsayad

الكلام مش كدا مفيش حاجة اسمها كدا وانا عندى كل العربية بتتقارن مفيش ماركة على راسها ريشة .. احنا بدل بنتكلم فى مواتير وتجميع يبقى متفرقش العربية ايه
واحنا مشككناش فى حاجة دا كلام logic .. الـ golf 4 1.6 متقدرش تجرى مع عربية 160 حصان بالذات على السرعات العالية كدا المسافة مش هتبقى قريبة ابدا واللى عنده حاجة غير كدا يثبتها .. وانا كنت بقوله كدا مش عشان اقوله ان عربيته ضعفية ولا حاجة انا كنت اقصد انه مش شرط اى واحد يسخن عليه كدا لان ممكن يكون مكنش عايز يجرى معاه اصلا فا حب يعلم عليه ويلبسه.
وبعدين انا راكب المانى يعنى مش نفسى بس ممعيش فا بحقد عليه يعنى

معظم العربيات الثابته اللى بتنزل مصر ثباتها بيجى على حساب سحبها لان العرف بيقول داخل مصر طبعا ان جمارك العربيه وضرايبها هم اللى بيحدده سعرها فالبتالى ديما بنبقى مزنوقين فى فئه 1600 سىسى عشان اعاده البيع والترخيص والضرايب والذى منه طب عربيه زى الجولف عشان تنزل مصر بموتور 1600 ستاندر بالحجم دا والوزن دا اكيد مش هتطير زى الالنترا ولا السيراتو بس فى المقابل هتاخد ثبات بس ميمنعش ان العربيه تحقق سرعه قصوى على الطريق لو سمح وخصوصا ان سرعتها غير محدده الكترونيا وموترورها يسمح بكدا ..........يبقى فين العيب هنا

الحاجه التانيه العربيات بتتقاس بالتاريخ والعراقه دا فى الطبيعى فى اى حته فى العالم وطبعا فى عربيات بيبقى على راسها ريشه وفكره انك تقارن المانى بكورى مش هقول فكره مش مقبوله حاش لله لاكنها غير محببه والكلام دا طبعا طبعا بره مصر واكبر دليل على كلامى برنامج توب جير لو كنتو بتبعوه

ممكن يتكلم على عربيات كتير جد ا اوروبى بس يجى عند الاسيوى ويختصر كلامه ........لان عارف كويس ان الناس هناك عندها ميول اوروبيه والمفروض يبقى هنا كمان............


الحاجه التانيه ايه اللى دخل الحقد والحسد فى الموضوع دا ....... ولو كنت قصدك انك راكب المانى وعايز تعرفى فربنا يباركلك ياعم....بس المفروض انك عارف الفرق طبعا بين ركوبه البشوات وركوبه المستورد....كلمه ميفهمهاش غير الاوربيين ههههههه

وفى الاخر اختلاف الراى لايفسد لنايل موتورز قضيه

تحياتى