يا جماعة عايز اجيب سيفيك 92 وخايف

**Ahmedn76** · 17-09-2008 06:52 AM

ياريت يا جماعة تسعدونى بجد لان انا مقدميش غير نايل موتورز عشان انا سمعت كلام كتير اوى واراء مختلفة
انا عايز اشترى سيفيك 92 او 93 وخايف جدا انى اجيب واحدة وتطلع على فاشوش اعمل اية ؟ اجيبها ولا لا ؟ وابص على اية بالظبط وانا بشتريها وافحصها ازاى ؟
بجد انا عايز مساعدة

**ahmad--ezzat** · 17-09-2008 06:55 AM

ابعد عن ســــــــــــــــــــــــ ـــــــــوق السيارات اللى فمدينة نصر وحاول تكون العربية اول يد

**marsguy** · 17-09-2008 01:29 PM

نصيحه أهم حاجه تبص على دواخل العربيه كويس عشان الموديل ده نادر لما تلاقيه مش راشش دواخل.

وروح قيس الموتور في محطة بنزين عشان ما يطلعش خفيف.

**alaahonda** · 27-05-2009 05:01 AM

ودايما تقراء الرقم اللى موجود على الكرتيرة شمال ويمين لازم يكون زى بعض وهو ورا الفوانيس الامامية

**khaled_rafea** · 27-05-2009 11:32 AM

طب يا باشا انا عندى الرقمين فيهم حرف مختلف, مع العلم ان مفيش اى لعب فى العربية, على فكره لو دورت كويس حتلاقى عربيات مش رشة لا جوة ولا بره, انا كان قدامى واحدة ex كامله شركة بره و جوه بحالة ممتازة بس كان صاحبها عاوز 46 و نص من الاخر,برده خد سمكرى معاك يكون شاطر اوى و انت بتتفرج على اى عربية

**MoMohsen** · 27-05-2009 11:50 AM

مشكله العربية دة ان اغلب اللى بيجبها شباب و بالتالى بيكون مسقط موتور و لاعب فيها للصبح و مبيفكرش يبعها غير لما يكون فركها.
لكن لو لقيت حاله استثنائيه خدها و فعلا مش هتندم..بس دور كويس و متسعجلش.

**M_Nabil** · 27-05-2009 12:43 PM

الموضوع صحى ثانى ليه ؟ ده من 9/08 والراجل صاحبه موقوف !

**SAMEH_FOUAD** · 28-05-2009 01:43 AM

المشاركة الأصلية كتبت بواسطة alaahonda

ودايما تقراء الرقم اللى موجود على الكرتيرة شمال ويمين لازم يكون زى بعض وهو ورا الفوانيس الامامية

انا مش شايف اى ارقام ورا الكارتيرة او ممكن يكون معرفش انت تقصد فين وفى اى مكان بالظبط وكمان الكتالوج معايا مافيهوش اى حاجة عن الارقام اللى عند الكارتيرة دية وجايب بس رقم الشاسية من جوة فى المكان اللى جنب البطارية والرقم التانى اللى موجود على القايم انا عربيتى 94 sir خليجى