الموضوع: مشكله في الماروتي برجاء المساعده لاصحاب الخبره

السلام عليكم
انا العربيه الماروتي بتاعتي من يومين روحت بيها الشغل عادي و سبتها تحت الشركه و بعدين و انا مروح جيت ادور العربيه لقيت صوت الماتور عالي و العربيه بتترج جامد و مبتسحبش فرحت و اخدها و رايح علي ميكانيكي جنب الشركه و شاكله مش فاهم اي حاجه المهم شافها و قالي محتاج تغير طقم كهرباء كامل قلتله انا لسه مغيره من شهرين قلي عادي فالمهم غيره و جبلي ابلتين و كندنسر و بوجيهات من عنده و طبعا نوع زباله و ركبهم و بعد كده ادالي العربيه و العربيه كانت خشنه جدا جدا و صوت الماتور عالي المهم كنت مستعجل فمشيت بيها و سبحان الله بعد ساعه و انا مروح علي طريق صلاح سالم العربيه حسيت انها بتنتش جامد جدا اكن في حد بيمسكها و يسبها و بعد كده بطلت مدارتش تاني فركنتها و روحت جبت ميكانيكي بالعافيه شافها و قلي هات الكوندنسر القديم و ركبه و العربيه دارت بس طبعا العربيه مش مظبوطه بالمره العربيه صوتها عالي و دواسة البنزين بقيت تقيله كده و خشنه و بحس انها بتزق رجلي و العربيه مكتومه جدا و بتجيب ال 100 بالعافيه و تحس ان صوت الماتور هينفجر فروحت امبارح لاكرم حمدي و جبت ابلاتين و كندنسر و ركبتهم و برده العربيه ذي ماهيا مكتومه جدا و اول محط رجلي علي البنزين احسن انها بتنط مني و بجد انا مضايق جدا من امبارح و صرفت فلوس قد كده و برده مفيش فايده فحد يعرف المشكله فين بالظبط و انا خايف يكون العربيه جابت ديسك و اسطوانه بس مش عارف هلي لو العربيه فيها مشكله في الديسك و الاسطوانه بيكون ده هي الاعراض و لا لا فياريت حد يساعدني و يقلي ايه الحل و معلش طولت عليكم بس انا حبيت انقلكم الصوره كامله و لو حد يعرف ميكانيكي بيفهم في الماروتي يبقي جزاكم الله خيرا ولا رأيكم اوديها التوكيل و امري لله انا العربيه موديل 2008 و عامله 45000 كيلو و عملتلها الصيانه الكامله عند 40000 كيلو و غيرت كل حاجه محتاجه تتغير ذي ملقيت مكتوب في المنتدي.