الموضوع: عندى أحباط من المشكله الأزليه فى الشيروكى اعمل ايه تانى !!

السلام عليكم

والله يا جماعه انا بكتب دلوقتى وانا فى قمه الاحباط انا معايا جيب شيروكى 93 اربعه سلندر 2500 سى سى
كان عندى مشكله منغصه عليا حياتى وهيا ان العربيه بتستهلك بنزين بجنوووووون وفوق المعدل الطبيعى يكتير واكتر من ال6 و8 سلندر !!!!!

صفيحة البنزين اللى هيا 20 لتر بتمشينى 54 كيلو !!!!!!!

روحت قبل كده للميكانيكى وريتهاله غيرلى فيشه كده اسمها ال tps وقالى دى مكنتش مظبوطه وبتأثر على أداء المحرك خدت العربيه وبعد اسبوعين اكتيشفت ان العيب مازال موجود جالى احباط وكبرت دماغى

وبعد فتره العربيه عطلت ومكانتش بتدور وكان البنزين بيقطع فخد العربيه عنده يظبطتها و انا سييبتهاله اسبوع وانا مطمن لانه جنب بيتى وكل شويه بروح اقعد معاه واتابع معاه وطلع ان المشكله ساعتها بتاعة ان العربيه مش بتدور والنزين مقطع من الاسبراتير بالأضافه للكهرباء الضفيره كانت سيبئه وجه الكهربائى عملها ترميم

وبعدين خلال الاسبوع اللى العربيه معاه الميكانيكى فى الوقت ده كان شبه فاضى فقولتله شوف الحاجات التالفه وغيرها والصراحه عملنا شويه صيانه حلوه وغيرنا حاجات كتير بايظه وحاجات مكنتش موجوده اصلا زى مسامير وطبات وكده

وبعد ما خلص الشغل والصيانه قالى ان شاء الله هتلاقى استهلاك البنزين اتظبط معاك لان فى الغالب ده كان من الكهرباء اللى مش مظبوطه كانت بتخلى صوت الموتور يعلى ويوطى

بس المشكله ان حاليا انا عامل بالعربيه 54 كيلو ومؤشر البنزين داخل عالنص !!!!!!!!!!!!!!!!!!! يعنى بنسبه 90% المشكله لسه موجوده وبرده انا يوم الحد نازل بالعربيه هزود بنزين واشوف العربيه هتاخد قد ايه لو خدت 20 لتر فما فوق يبقى العيب مازال موجود لكن اعتقد لو حدت 8 الى 10 لتر يبقى اتظبطت ولو انى بمنظر المؤشر ده مش متفائل خالص يعنى معقول عربيه التانك بتاعها بياخد 65 لتر بعد حرق 10 لتر المؤشر يبقى داخل عالنص !!!!!!

بصوا يا جماعه دى قائمه بالحاجات اللى غيرناها فى العربيه ياترى فيه ايه تانى فى ام العربيه دى ممكن نبص عليه او نظبته عشان نحل المشكله دى بقى :(
فلتر بنزين = 50 جنيه
2 رشاش = 100 جنيه
اسبراتير = 450 جنيه
طرمبه ميه =300 جنيه
3طبات ميه =75 جنيه
كتاوت دنمو = 120 جنيه
فيش وكتاوت كتير أتغيرت اخد عليها = 200 جنيه
مسمارين كبس شكمان = 50 جنيه
عشر مسامير فرن = 100 جنيه
بلية شداد = 25 جنيه

أرجوكم أفيدونى :(

محلات الريان (صقرقريش المعادي الاوتوستراد عماره 166)
موبيل (01067776159-01067776095-01067815558)
لقطع الغيار الجديده والاستيراد ويوجد لديه صيانه وجميع اجهزه كشف الاعطال