عندى مشكلة كبيرة فى الشيروكى

**ALMAGICO** · 13-08-2010 10:00 AM

السلام عليكم ورحمة اللة وبركاتة انا فى مشكلة ياجماعة انا معايا شيروكى 4 سلندر 2500 سىسى والمشكلة هى انى وانا ماشى على سرعة 100 العربية زى الفل اول مجيب ال120 بلاقى العربية بتترعش منى وبتقل سرعتها ومهما ادوس على دواسة البنزين برضو سرعتها بتقل فاغيثونى يا اهل الخبرة المشكلة التانية ان العربية وهى وقفة صوتها غريب شوية وصوتها بيعلى اوى اوى وانا طالع رصيف اقل من 25 سم وممكن تبطل حتى وانا بدوس اكسليتير وهى وقفة صوتها مش صوت الشيروكى خالص مع ملاحظة انى بقالى سنة بحطلها بنزين 80 فبجد انا محتاج مساعدة فى المشكلتين دول

**Mr_MoMo** · 16-08-2010 06:34 PM

بص يا باشا شكلها كدا و الله ااعلم يعني ناويه تجيب موتور , فا الحق اكشف على موتورك ....

**islam24101973** · 23-08-2010 02:24 PM

ياصديقي اكشف عن الاسطوانه والدسك دوره الكهرباء

**abogooda** · 23-08-2010 05:56 PM

قلنا ايه اخبار 4 سلندر تكلم عنها شويه

**grumby78** · 24-08-2010 04:38 AM

المشاركة الأصلية كتبت بواسطة islam24101973

ياصديقي اكشف عن الاسطوانه والدسك دوره الكهرباء

وجرب تحط بنزين 92 كده وشوف الاداء بيتغير ولا لا

**ALMAGICO** · 24-08-2010 05:56 AM

ال 4 سلندر اهم مايميزها انها موفرة فى البنزين بالنسبة لل 6 سلندر انا بعمل بيها كل حاجة مبتقولش لاة بطلع فوق اللى رصفة وبمشى فى طرق ميعلم بيها الاربنا وهى شغالة وزى الفل انا جربت ال6 سلندر كانت معايا قبلها بصراحة قوى جبارة ولكن انا مستريح مع عربيتى اكتر من ال6 سلندر وزى مقولت العربية مبتعترضش على اى حاجة بس حافظ عليها وهتلها قطع غيارها الاصلية واعمل الصيانة فى وقتها وهتشوف منها احلى شغل

**ALMAGICO** · 24-08-2010 05:58 AM

انا فعلا حطتلها 92 والعربية الصوت اتغير خالص بقى احسن بكتير واداها اتغير بس لسة موضوع السرعات العالية والرجة اللى بتحصل مجربتوش

**M!NA** · 27-08-2010 12:01 PM

بنزين 92 في الشيروكي ال4 سلندر بيخليها تعمل مسافة كويسة جدا...

و يخلي صوت الموتور هادي و مرتاح ....

كانت بتعمل معايا في الصفيحة عالطوالي 200 كم (زي أي عربية صغيرة) و طبعا دا رقم تحفة...

البنزين ال80 هيخلي صوت الموتور عالي جدا... و هيسقف منك لو مديله غيار عالي...

بال92 كنت بطلع عالتاني و أنا مشغل التكييف...

نصيحة... اعملها صيانة شامله هتفوق معاك...
في تغييرة الزيت اللي جاية... غير فلاتر (هوا و زيت ) و نضف المنافول (intake manifold) و غير بوجيهات
بعدها هتحس أنك راكب 6 سلندر مش 4...

**M!NA** · 29-08-2010 12:01 PM

المشاركة الأصلية كتبت بواسطة almagico

متشكر على اهتمامك يا استاذ مينا

أي خدمة... و على فكرة الشيروكي ال4 سلندر عربية جميلة جدا...و يوم لما تيجي تبيعها... متسمعش كلام الناس اللي هتقولك ال4 مبتجيبش سعر و ال6 هي اللي مطلوبة...
عشان الناس ديه هي نفسها اللي بتقول أن ال6 استهلاكها عالي و ال4 هي اللي مطلوبة :-)