الموضوع: استفسار قبل الشراء

موديل كام

2009 او 2010

المشاركة الأصلية كتبت بواسطة waelaase

السلام عليكم
اريد شراء bmw الفئة الثالثة
انا معايا حوالى 180 وممكن لغاية 200 الف
انا عايز يكون فيها فتحة سقف - كل الكماليات و idrive ويفضل اقل من 2000 cc (عشان البنزبن) بس لو مفيش يبقى هاروح لل 2000 cc
ممكن تقولولى اى موديل ابحث عنه

بص يا سيدي
اول حاجه موضوع البنزين مش بيفرق كتير بذات علي الطرق السريعه او الطوالي يعني...

ثانيا: مفيش i-drive في ال 1600 لغاية موديل 2013 يعني من اول 2014 هتلاقي I-drive في ال 1600 و دي غاليه اوي علي الرينج اللي انت حاطه

يبقي انت قدامك حل من اتنيين

1- لو لازم I-drive يبقي مفيش قدامك غير 320 يعني 2000 cc من اول 2007 نصف ثاني و دي هتعمل حوالي 170000 جنيه و ممكن تزيد حسب الحاله و السنه يعني مثلا" 2009 لو مشيه قليل و نضيفه ممكن توصل ل 215000 و ممكن يلاقي صاحبها بيتكلم في 238000 جنيه كمان....

2- لو مش لازم i-drive يبقي ممكن 316 1600 cc او 318 2000cc من غير i-drive... و دي ممكن تجيب ب ال 180000 او ال 200000 لغايت 2010

بس يا سيدي و تحت امرك في اي حاجه احنا في الخدمه :)

السلام عليكم
اشكرك اخى على الرد الوافى السريع
انا كدة مفيش ادامى غير 320 وهادور من 2--7 وحتى 2009
بس سؤال هو مفيش 318 فيها idrive وهيه كلها 2000 مفيش 1800cc
بالنسبة للبنزين انا مشوارى من المعادى لمدينة نصر يوميا عشان كدة كنت باسال
سؤال تانى معليش
هو الضريبة والتسجيل ل 2000cc سنة 2009 مثلا تعمل كام
معلش اسالتى كتير بس انا كنت بافكر فى اوكتافيا (عشان انا كان معايا اوكتافيا 2006) بس صديق نصحنى اجرب ال bmw هههههه

هرد عليك فى نقطه الضريبه
انا معايا 320 موديل 2011 ولسه مرخص ودفعت ضريبه 820 للسنه
اما رينج سعرك ممكن تجيب 320 موديل 2008 لو نضيفه فى حدود 200
لكن لو فى امكانيه وذودت شويه وجبت 2010 عشان الفيس ليفت هتبقى فى حدود 220 او 230 لو نضيفه واهى تبقى علقه وخلاص
بس انصحك هات ال 320 ومتخفش من البنزين والضريبه والكلام اللى اتقالى كتير قبل ما اجيبها بس هتحس انك راكب عربيه فعلا
وربنا ييسرلك الخير

السلام عليكم
شمرا eng hussein على الرد
شكلى كدة هزود كمان واجيب 2010
طيب احسن مكان ادور فين؟

فيه 3 اماكن
معرض شميس ومعرض المنيب ومعرض عبدالله اللى انا جبت منه وده فى شارع احمد عرابى المهندسين
ممكن تلاقى السعر شويه عالى لكن هتضمن عربيه سليمه ونضيفه لانهم مش بيدخلو عندهم الا العربيات النضيفه وانت وشطارتك معاهم فى السعر