استفسارات متنوعه للفيكترا 98

**superherocivil** · 22-11-2013 11:43 PM

اولا: يا جماعه انا عندى الريموت بيقفل السنتر بس ومش بيرفع الازاز مع ان الازاز عندى كهربا هل فيه طريقه اخلى الريموت يرفع الازاز مع السنتر على فكره الريموت الى معايا بتاع العربيه الاصلى مش متركب
ثانيا: الفتيس عندى بيعلق لما بجيب مرشدير ساعات يجيب وساعات ياخد وقت على ميعشق واحيانا بيبقى تقيل هل ده معناه ان زيت الفتيس عايز يتغير ولو هغيره ايه انسب نوع للفتيس المانيوال وبياخد كام لتر
ثالثا: ايه انسب نوع ميه للعربيه الحمرا ولا الخضرا
رابعا : بالمره بقى انا غطا السماعه للباب الخلفى مكسور عايز اشترى واحد اجيبه منين وبكام؟
مستنى ردودكوا يا جماعه

**Hesham.H** · 23-11-2013 12:15 AM

العربيه عندك مانيوال معنى كده ان الزجاج عندك كهربا قدام وبكره فى الزجاج الخلفى .. وكده الريموت مش هايرفع زجاج العربيه الا اما تركب زجاج كهربا خلفى .. ومش هتحتاج وحدات رفع لان العربيه مزوده بيهم
ممكن تستعمل وحدات رفع الزجاج الأمامى بأنك تحط المفتاح فى طبله باب السائق وتجيبه فى اتجاه القفل وتفضل دايس باستمرار لغايه اما الزجاج يترفع
الفتيس المانيوال بياخد بالظبط ١.٩ لتر زيت تروس موبيل ٩٠/٨٠
غطاء سماعه الباب مش عارف فيه منه جديد ولا لأ وبصراحه ما اعتقدش ان واحد بتاع استيراد هايرضى يبيعها من غير فرش الباب
ممكن تسأل عند هانى العايدى فى الحرفيين
تحياتى

**superherocivil** · 23-11-2013 02:07 AM

المشاركة الأصلية كتبت بواسطة hesham.h

العربيه عندك مانيوال معنى كده ان الزجاج عندك كهربا قدام وبكره فى الزجاج الخلفى .. وكده الريموت مش هايرفع زجاج العربيه الا اما تركب زجاج كهربا خلفى .. ومش هتحتاج وحدات رفع لان العربيه مزوده بيهم
ممكن تستعمل وحدات رفع الزجاج الأمامى بأنك تحط المفتاح فى طبله باب السائق وتجيبه فى اتجاه القفل وتفضل دايس باستمرار لغايه اما الزجاج يترفع
الفتيس المانيوال بياخد بالظبط ١.٩ لتر زيت تروس موبيل ٩٠/٨٠
غطاء سماعه الباب مش عارف فيه منه جديد ولا لأ وبصراحه ما اعتقدش ان واحد بتاع استيراد هايرضى يبيعها من غير فرش الباب
ممكن تسأل عند هانى العايدى فى الحرفيين
تحياتى

متشكر جدا يا باشا على الرد