الموضوع: أسباب تشحيم الكبالن

مش بمزاجك تنهى النقاش لما متلاقيش اجابة

انت بقالك 9 صفحات بتجادل فى حاجة واضحة وضوح الشمس و الناس صبرت و اتكلمت بالعقل لعل و عسى انك تستوعب الفكرة و ناس ردت عليك بالعلم و ناس ردت بالتجربة لكن برضة انت مصر و بتجادل و بتقاتل من اجل تاكيد كلامك على الرغم من ان مفيش اى دليل على صحة الكلام دة

حتى لما الناس طلبت منك صورة رديت رد عجيب و قلت ان "منظرك" ميسمحلكش انك تصور عامود الكوبلن كما لو كنت ترتكب رذيلة و زدت على كدة انك اهنت كل الناس و قلت ان دى "هيافة" و بردة احنا (او على الاقل انا) عديتها عشان معملش مشاكل فى حين ان انت لو واحد قالك صباح الخير بفونت شكلة مش عاجبك بتشتكية... و متفتكرش انى نسيت الشكوى اللى كنت كتبتها فيا لما وجهتلك كلام و قولتلك يا "اخ" كما لو كانت الاخوة سبة او شتيمة الايام دى

دا غير شكوتك ضد Dr lanos فى حين انك رديت عليه فى الموضوع و رحت برضة اشتكيتة... و كمان الموضوع اللى كنت عاملة بتاع ال 6000 مشاركة... رحت برضة و قولت دة استفزاز بالرغم انى كنت كاتب فى اول سطر ان الغرض من مداخلتى لا المنافسة و لا انى اضايقك

و اسلوبك هو هو متغيرش... دايما لما تتزنق تهرب من الاجابة... زى ما عملت معايا و محمد عبد الجواد فى موضوع ال 6000 مشاركة و زى ما انت بتعمل دلوقتى و هربت من موضوع الصورة و موضوع الثبات و كل موضوع بتطلع فيه غلطان... يا راجل دا انت حتى فى المقابلة لما كنت بكلمك انا و محمد عبد الجواد سيبتنا و هربت... طالما عندك وجهة نظر يبقى اما تاكدة بالادلة و البراهين يا اما تقتنع بكلام اللى قدامك... انما يبقى اقتناعك بحاجة نابع من ان حازم خضر هو اللى قالها و خلاص فا دا غلط

و عامل الناس بنفس الطريقة اللى تحب يعاملوك بيها... انت اكتر واحد بتزعل لو حد قالك يابنى و اللا يا اخ... يبقى بلاش تقول على الناس انها هايفة لان الناس الهايفة اللى انت بتتكلم عليها دى فيهم اللى اكبر منك و فيهم اللى بيفهم عنك و فيهم اللى صورة بتفيد و تعلم الناس... الهيافة الحقيقية هى اختلاق كدبة ثم تصديقها ثم الدفاع عنها باستماتة

و متفتكرش ان عدم ردى عليك لحد بكرة الصبح هروب.... انت بس حظك ان جهازى فى البيت بايظ و مش حعرف ارد الا لما ارجع الشغل تانى بكرة

MMamdouh

كالمتوقع تحول الموضوع الى صراع

تم غلق الموضوع

مشرف القسم