لانسر شارك أم بيجو 301 أم هوندا سيتى أم ياريس سيدان 2014

**Ramy Hazem** · 26-11-2013 04:05 PM

اولا انا ارفض اي كلام عن سعر اعاده البيع دلوقتي خالص لانه في علم الغيب , ممكن تكون سعر اعاده بيع سيارة كويس جدا ولكن مع الوقت يظهر عيب فيها يقلب سعرها , وممكن سيارة جديده ومش معروفه تحقق انتشار ويبقي سعر اعاده بيها في العالي لانها مطلوبة
ثانيا انا من كلامك فهمت ان عينك علي 4 سيارات فانا هقولك رايي المتواضع فيهم
1- الياريس فعلا 1300 وممكن تكون موفره بس هي مش ياباني زي ما حضرتك قولتي بالاضافة الي ان سعرها حسب ما سمعته في الفائة الاوتوماتيك 140 الف و165 الف فاعتقد ان السعر ده كتير اوي علي السيارة , بس من حيث الشكل بالراحة التفسية بتختلف والاداء فالياريس معروف ادائها المتوازن
2- هوندا كاماركة انا بحبها جدا ولكنها مش مفهومة في مصر شوية وده لان قطع غيارها عاليه حبتين لانها ياباني ياباني , فلو هتقدري علي صيانها وتسبيها تعيش معاكي شوية يبقي تمام
3- الشارك سياره ياباني اصلي وسعرها الحالي في السوق 133 الف اول فئة اوتوماتيك ودي الفئة الوحيده الي نازلة وزي ما الشباب قالت انها قوية وبيبان عليها اي شغل واداء قوي بس اعتقد انها كبيرة علي السيدات بالاضافة الي ان مفيهاش اي وسائل امان غير وساده هوائية واحدة بس والعزل بتاعها مش قوي وبتسمعي صوت الكاوتش لانه ناشف شوية ولكن لو ملتيه نيتروجين هيهدي الصوت , وصوت الماتور رياضي عالي شوية
4- البيجو من خلال الي اتقال في المنتدي انها سيارة قيمتها في امكانياتها مش مبالغ فيها بالاضافة الي الاداء الجدي والفرامل والتوازن ووسعها الداخلي والشنطة وانتشارها الحالي يقول ان هيبقي ليها مستقبل والتوكيل حسن من نفسه شوية وقطع غياره جيده

اخيرا بالنسبة للشكل فده يعتمد عليكي في المقام الاول والاخير لانك انتي الي هتركبيها وتسوقيها , انصحك بالنزول ومشاهده السيارات والوانها علي ارض الواقع لان ده هفرق معاكي كتير اوي

انا عن نفسي افضل بيجو لاسباب كتير

**haitham.hesham** · 26-11-2013 04:43 PM

You are so welcome ms rehab but u got me wrong i didnt recomen any nissan model as am not a Nissan fan I recomended the renault fluence which has a new engine from nissan the same engine as the one in the tida which is an advantage here in egypt as the engine technology will be not complecated as before and with less errors and problems that will contrbute in the resale value of the new fluence which will not be too low as before
In ma opnion its the best care for money value with its many specs and options and the new engine

**Rehab Ahmed** · 26-11-2013 07:04 PM

الحل الوحيد انى اجرب سواقتها عشان اقتنع بيها : )

**Abdo Taha** · 26-11-2013 08:15 PM

انا هفيد برأي طبعا بعد الاستخارة و تجارب القيادة test drive الفلوانس حلوة و كماليات كويسة جدا وواسعة مشكلتها الركنة عشان كبيرة لكن انا شايف ان حضرتك بتعرفي تسوقي كويس فممكن تكون خيار ليكي نيجي للبيجو عربية جميلة و لا يعيبعا شئ غير انها صغيرة شوية عن الفلوانس و الشارك نيجي لآخر حاجة الشارك هى عربية كويسة لكن الموديل الجديد ال 1600 لم ينتشر و مشكلتها العزل و قطع الغيار غالية شوية لكنها كعفشة و استجابة موتور و فتيس كويسة .

**Rehab Ahmed** · 27-11-2013 12:29 AM

والله كلامكم ريحنى واستفدت منكم الكثير وفعلا معاكوا حق الشارك وجودها فى المقارنة هنا عشان سعرها ..
وان كنت القيت نظرة على سعرها الآن على موقع كونتاكت كارز ووجدت ان اول فئة اوتوماتيك ب (149.900) والفئة الفول اوبشن ب (164.900) ... فالسعر الذى يتحدث عنه الجميع انمت هو فئة المانيوال!!!!!!!!

ومن خلال خبراتكم استبعدت الهوندا سيتى من تفكيري واصبح الآن الاختيار بين:-

(الشارك ثم الفلوانس ثم ال 301 ) بالترتيب...

لست من هواة تغيير السيارات والسعى وراء الاحدث لذلك اعتقد انى فى الآخر سيكون اختيارى بين الشارك والفلوانس فقط ..
وان كانت الفلوانس تبدأ ب (155000)... اقصد ان اي كماليات فى السيارة او اوبشن سيكون السعر اعلى من كده بكتير.. لأن الفول اوبشن بدون فتحة سقف ب (169.500)
ده كده وانا مش عارفة الاسعار دى محدثة على الموقع وللا لأ ؟؟ يعنى برضه نحد رينج زيادة من 2000 ل 5000 زيادة او نقصان على حسب المعرض

وبرضه انا فى جميع الاحوال لا اريد سيارة اكثر من 150 الف ... الله يسامح اللى كان السبب فى زيادة الاسعار كده

**assaf** · 27-11-2013 01:03 AM

بصي الفلوانس تحفه مادام بتسوقي من مده
عربيه ممتازه بس عيبها انها كبيره شويه و انها نازله من 5 شهور بس انا مبفضلش اي عربيه جديده عشان لو فيها مشاكل تبان يعني لو حتجبيها استني كمان 3 شهور تكون اطمنتي عليها

**Ahmed TRAVCO** · 27-11-2013 01:51 AM

المشاركة الأصلية كتبت بواسطة rehab ahmed

والله كلامكم ريحنى واستفدت منكم الكثير وفعلا معاكوا حق الشارك وجودها فى المقارنة هنا عشان سعرها ..
وان كنت القيت نظرة على سعرها الآن على موقع كونتاكت كارز ووجدت ان اول فئة اوتوماتيك ب (149.900) والفئة الفول اوبشن ب (164.900) ... فالسعر الذى يتحدث عنه الجميع انمت هو فئة المانيوال!!!!!!!!

ومن خلال خبراتكم استبعدت الهوندا سيتى من تفكيري واصبح الآن الاختيار بين:-

(الشارك ثم الفلوانس ثم ال 301 ) بالترتيب...

لست من هواة تغيير السيارات والسعى وراء الاحدث لذلك اعتقد انى فى الآخر سيكون اختيارى بين الشارك والفلوانس فقط ..
وان كانت الفلوانس تبدأ ب (155000)... اقصد ان اي كماليات فى السيارة او اوبشن سيكون السعر اعلى من كده بكتير.. لأن الفول اوبشن بدون فتحة سقف ب (169.500)
ده كده وانا مش عارفة الاسعار دى محدثة على الموقع وللا لأ ؟؟ يعنى برضه نحد رينج زيادة من 2000 ل 5000 زيادة او نقصان على حسب المعرض

وبرضه انا فى جميع الاحوال لا اريد سيارة اكثر من 150 الف ... الله يسامح اللى كان السبب فى زيادة الاسعار كده

بالنسبة لي مقبول جدا المقارنة بين الشارك والفلوانس... وافرح ليكي لو اخدتي الفلوانس وافرح جدا جدا لو اخترتي الشارك... الاتنين ممتازين وكل واحدة فيها حاجات مش موجودة في التانية... وبشوف ان الفلوانس افضل في الأوبشنز والشارك أفضل في الأساسيات من عفشة وخلافه... ودي أذواق في النهاية... المهم اننا وصلنا لنقطة ان الشارك تبقى قدام الفلوانس... مش نسيب دول ونتكلم في ياريس وتيدا وسيتي، مع كامل الاحترام طبعا!!

**برنس الليالي** · 27-11-2013 04:51 AM

بيتهيئلي الشارك احسن موجودة من فترة وملائمة مع الشوارع المصرية

**محمد عز** · 27-11-2013 06:50 AM

مش عشان بسوق غلط لكن عشان بسوق بسرعة فى شوارع داخلية

خلى بالك ، شوارع داخلية يعنى عيل طالع يجرى ، عربية طالعة من باركينج ، واحد خارج من تقاطع....الخ مع السرعة العالية ممكن الحوادث تحصل

السرعة على الشوارع الداخلية مش حلوة وتدى انطباع للاخرين بالاستهتار وعدم الاحترام

-

الموضوع: لانسر شارك أم بيجو 301 أم هوندا سيتى أم ياريس سيدان 2014

LinkBack

أدوات الموضوع

عرض

-

-

-

المواضيع المتشابهه

تيدا 2014 & ياريس 2014 7& شارك 2014& بيجو 301 2014

لانسر شارك اول فئة اوتوماتيك 2014 ولا بيجو 301 اتوماتيك

أسعار ومواصفات تيوتا ياريس سيدان sd 2014

كورولا 2014-النترا 2014-لانسر شارك -فلوانس

تويوتا ياريس سيدان 2014 تنطلق فى تايلاند

الكلمات الدلالية لهذا الموضوع

المفضلات

المفضلات

ضوابط المشاركة