اشتريت سيتى 2005 ومحتاج خبراتكم

**Martin5555** · 03-02-2014 11:36 PM

لو سمحتم ممكن حد يرد عليا في موضوع كاوتس العجلة
لاني انهارده في واحد قالي العجلة ديه مش مظبوطة في حاجة
انا عايز اروح عند واحد بتاع كاوتش بس عايز اعرف هاقوله ايه ؟

**ahmediz2000** · 06-02-2014 10:32 AM

روح عند بتاع الكاوتش خليه يكشف علي ضغط الهوا ولو زيادة يفضيه شويه .. خلي الضغط ٣٠ للاربع كاوتشات ..

**Martin5555** · 06-02-2014 04:32 PM

شكراً ربنا يخليك يا باشا، انا عارف ان أسئلتي تافه أوي بس انا لسه جديد معلش استحملوا جهلي.

**Martin5555** · 08-02-2014 02:39 PM

لو سمحتم يا شباب ، انا الفانوس اللي قدام السائق النور الواطي مش شغال ، يعني لما النور الاولاني لما التابلو والكاسيت ينور مش بلاقي الفانوس اللي على ناحيتي بينور ، اعمل ايه هوه اللمبة كده اتحرقت ولا ايه الوضع
مع العلم ان النور التاتي الاجمد منه بينور عادي
افيدوني يا وحوش الهوندا ، هوه كده انا هغير الفانوس ولا اعمل ايه ؟

**amr011111** · 09-02-2014 08:22 AM

المشاركة الأصلية كتبت بواسطة martin5555

لو سمحتم يا شباب ، انا الفانوس اللي قدام السائق النور الواطي مش شغال ، يعني لما النور الاولاني لما التابلو والكاسيت ينور مش بلاقي الفانوس اللي على ناحيتي بينور ، اعمل ايه هوه اللمبة كده اتحرقت ولا ايه الوضع
مع العلم ان النور التاتي الاجمد منه بينور عادي
افيدوني يا وحوش الهوندا ، هوه كده انا هغير الفانوس ولا اعمل ايه ؟

لا هتلاقى اللمبه اتحرقت

**Martin5555** · 11-02-2014 06:44 PM

تمام يا باشا ، الحمد لله
ممكن اعرف اغيرها ازاي ، يعني افك الفانوس ولا من الكبوت
واعمل ايه بالظبط ؟ خطواتها ايه ؟
ولا افضل اروح لواحد كهربائي هوه يفكها واخدها واجيب زيها؟

**Martin5555** · 19-02-2014 11:54 AM

السلام عليكم يا شباب
انهارده وانا رايح الشغل على البحر ، ركبت العربية وكنت سايبها في الجراج من يوم الجمعة اللي فاتت وقلت اروح بيها الشغل النهارده
المهم بعد نص الطريق في طريقي للشغل لقيت العربية بتهدي لوحدها وكنت ماشي على 50 كم ولقيتها العداد بنزل لوحده وانا دايس بنزين ، ومع ذلك لم تستجيب معاياه لغاية لما وقفت والحمد لله كنت واخد شمالي على البحر وشغلت الانذار وكنت حاسس ان العربية لسه دايرة
فروحت قفلتها ودورتها على طول مفيش ثواني ، لقيتها دارت والحمد لله وصلت الشغل
ممكن حد يفسر لي ايه اللي حصل واعمل ايه دلوقتي
انا بكتبلكم وانا في الشغل وسايبها في الجراج جنب شغلي
اروح بيها للميكانيكي ولا اعمل ايه ولو هروح اقوله يكشف على ايه ؟

**ahmedabeed** · 19-02-2014 01:49 PM

بص يا مان انا كان معاى نفس عربيتك سيتى 2005 وعملت معاى نفس الحركة بس كانت فى لمبة فى التابلوه نورة فجأة تقريبا كانت شيك انجن بس لما بطلت ودورت تانى اللمبة طفت مشيت ومعملتش كده تانى انا رأى ممكن تمشى بيها ولو عملتها تانى تروح لميكانيكى وياريت يفحص بالكومبيوتر لان غالبا ممكن يكون كهرباء الفتيس او الماتور
وربنا يسترها معاك انشاء الله

**Martin5555** · 19-02-2014 02:18 PM

ربنا يكرمك يا باشا ، انا من الخضة مبصتشي على ايه انوا منورة ، كل اللي جه في بالي ازاي هركن في الشمال في طريق البحر
لكن الحمد لله دارت على طول بعد كده

**Martin5555** · 19-02-2014 04:29 PM

انا روحت يا جماعة للميكانيكي قالي ممكن نبدأ بتغير الزيت بتاع الفتيس ونجيب 4 لتر cvt
,ولو ما جبش فايدة ، نغير طقم البوجيهات التمانية
ايه رأيكم امشي معاه ممكن النتشة ديه تروح ؟
أرجوكم ردو عليا ويا رييت الاستاذ سامح يفيدني بخبرته