مشكلة في علبة الباور - باسات 2000

**minabiko** · 30-11-2013 12:31 AM

متشكر جدا علي ردك السريع واهتمامك
انا كنت سألت عليها جديدة قبل كدا في شارع دمشق قالولي الالماني الأصلي بتاعها عامل 5000 جنيه بس مش فاكر اسم المحل
عندي بقي سؤالين ( معلش بقي انا عارف ان طلباتي كتيره ) هو فعلا لازم المكنة تتحل علشان يفك العلبة ؟
ولو العلبة دي اتصلحت هتنفع ؟ لان واحد في شارع شمبيليون قالي هتهالي لو فيها عفريت هصلحهالك بـ 500 جنية .... رأيك ايه
وآسف علي إستفسارتي الكتيرة

**iBiZa** · 30-11-2013 07:23 AM

انا مش مع التصليح لان ضغط الباور جامد فا مش بضمن هيعمل تيه و على المدى الطويل هيستحمل الضغط ده + ان اللى بيتفك فى مصر عمره ما بيرجع زى ما كان.

هسألك فى موضوع حل المكنه ده بس معتقدش.

**minabiko** · 01-12-2013 08:08 PM

متشكر جدا علي المتابعة والرد السريع وانا بإذن الله اول ما ابدء اصلح هكتب اسعار قطع الغيار واسماء المحلات

**mmahdy90** · 02-12-2013 12:57 PM

ممكن اعرف بتتعامل مع اى مركز صيانة؟ و هل هناك ميزانية معينة للاصلاح؟

**alzelafy** · 02-12-2013 07:08 PM

المقصات روح لعفشجى عايز يشتغل و خليه يقك الجنبين و يطلعلك المقص اللى بايظ و تاخدة و تروح الحرفيين تجيب زيه و تركب و على فكرة هما اسمهم شدادات مش مقصات زى ما معظم الناس بتقول و انتا ممكن تعرف اللى بايظ فيهم بنفسك فك فردة الكاوتش و امسك الشداد واجد واحد بايدك و هزهم بقوة ايدك و اللى تلاقيه بيتهز معاك يبقى هو دة اللى بايظ و عاوز يتحل و هما باينين قدامك جدا اتنين فوق و اتنين تحت و اللى تحت هما اللى بيبوظو دايما و بيخلو العربيه تعوم جامد .... موضوع حل الموتور عشان علبه الدريكسيون دا صنايعى عويل و ياما مر علينا ناس كدة لكن لو حافظ العربيه مش هيقول كدة

**minabiko** · 03-12-2013 09:01 PM

المشاركة الأصلية كتبت بواسطة mmahdy90

ممكن اعرف بتتعامل مع اى مركز صيانة؟ و هل هناك ميزانية معينة للاصلاح؟

بتعامل مع ممدوح بتاع الفولكس في الحرفيين

**minabiko** · 03-12-2013 09:29 PM

المشاركة الأصلية كتبت بواسطة alzelafy

المقصات روح لعفشجى عايز يشتغل و خليه يقك الجنبين و يطلعلك المقص اللى بايظ و تاخدة و تروح الحرفيين تجيب زيه و تركب و على فكرة هما اسمهم شدادات مش مقصات زى ما معظم الناس بتقول و انتا ممكن تعرف اللى بايظ فيهم بنفسك فك فردة الكاوتش و امسك الشداد واجد واحد بايدك و هزهم بقوة ايدك و اللى تلاقيه بيتهز معاك يبقى هو دة اللى بايظ و عاوز يتحل و هما باينين قدامك جدا اتنين فوق و اتنين تحت و اللى تحت هما اللى بيبوظو دايما و بيخلو العربيه تعوم جامد .... موضوع حل الموتور عشان علبه الدريكسيون دا صنايعى عويل و ياما مر علينا ناس كدة لكن لو حافظ العربيه مش هيقول كدة

لو محتجين جلب هينفع تتغير ولا لازم اغير الشداد كله ؟ وشكرا علي الرد واهتمام حضرتك

**Gelgel2004** · 03-12-2013 09:53 PM

بخصوص علبه الباور بتاع العلبه
ارجو مراجعه الرابط وان شاء الله تتحل المشكله

http://www.nilemotors.net/Nile/319613-1400.html

**eraser** · 27-01-2014 06:10 AM

المشاركة الأصلية كتبت بواسطة batot7

انا كان عندي نفس المشكلة في علبة الدريكسيون سيارة بولو كلاسيك 2001 1400 سي سي ورحت لواحد في شارع شمبليون بيغير طقم الاولسيهات كلها بجلب نحاس وبيديك ضمان 6 شهور ... وانا العربية بقالي حوالي سنة زي الفل ومفيش اي مشكلة وعملتها ساعتها ب 300 جنية

ممكن اسمه وتليفونه لو سمحت ؟