الموضوع: التقرير الشامل لتويوتا ياريس هاتش باكYaris HB 2013

المشاركة الأصلية كتبت بواسطة ashawkyh

شكرا لحضرتك :) لأنى كنت قلقان أحطه على الجنط عشان فى الكتالوج مكتوب ممكن البورد يتحط على المستوى اللى تحت على luggage floor cover بس مفيش luggage floor cover فى العربية و طبعا البورد أقوى من ال cover

بالنسبة لأنطباعى أنا مبسوط جدا منها الحمد لله .. الناس بتلوم عليا أول ما تشوفها عشان شكلها من بره صغير بس لما يقعدوا فى الكنبة الخلفية بيتفجأوا من الوسع و الأوبشن اللى جوا

و بحس أن العربية ثباتها ممتاز و عايزة تجرى و فراملها ماشاء الله حلوة قوى و بتسعفنى علطول
أنشاء الله أنا ناوى أسافر بيها و هعمل تقرير عن أدائها فى السفر

الف مبروك يا باشا العربية اللي فعلا مهضوم حقها في البلد دي.
و في انتظار تقريرك ياباشا

المشاركة الأصلية كتبت بواسطة fazora

هل فى ياريس 2014 هاتشباك ؟؟
و لا موجودة فى التوكيل موديل 2013 و لا مش موجودة أصلا ؟؟

علي حسب معلوماتي فيه 2014 ، بس حضرتك ممكن تكلمهم و تتأكد علي 16550

المشاركة الأصلية كتبت بواسطة sa3dawy

الشىء الغريب انى رحت تويوتا النصر وانا من المنصورة

شفت الياريس السيدان الجديدة وبجوارها التحفة الكورولا

انا شفت الياريس مجرد ما شفت الشكل قلت هى دى عربية المرحلة القادمة خصوصا انى عارف ان سعرها كويس بالنسبة لفوضى الاسعار الى نعيشها

العربية كان نبيتى سيدان بطاسات يعنى مش كاملة واوتوا

المهم لما دخلت جوه فوجئت بأن الفتيس هو نفس الفتيس الى عندى فى 2008 ومفيش تحكم فى النقلات لا فى الفتيس ولا خلف الطارة .

المفاجأة الارخم انى اكتشف ان موتورها هو نفس الموتور الى عندى الى بيطلع 87 والا 92 حصان باين
يعنى مش الموتور الجديد الى بيطلع 101 حصان وحجمه 1.33 سىسى

حسين انى هشترى نفس العربية

نظام التعليق ونظام الفرامل والكاوتشات هى هيا تيبيكال وغيره وغيره .

دا خلانى اركز فى الشغل واكبر دماغى شوية على ما اشوف اخرة الاسعار والسوق هيودينا لفين

بس انا مستغرب

اشمعنى الهاتش باك هى الى بجد فيها تغيير جذرى


الهاتش باك لقيت موتور جديد اقوى وفيتيس 5 نقلات وتحكم بالنقلات فى الفتيس وخلف الدركسيون


بس انا عارف دماغ الناس

لو بعت ال 2008 السيدان وجبت الهاتش باك هاخد تريقة للصبح

لكن لو جبت السيدان الجديدة هتبقى روعة بس هكون اشتريت نفس عربيتى تيبيكال مع تغيير فقط الشكل الخارجى

لا سحب اسرع ولا ثبات احسن ولافرامل جديدة ولا اى حاجة !

شوف حضرتك مناسب معاك تحيب نفس العربية عشان الناس، ولا تستمتع بالافضل و اللي مقتنع بيه و تسيبك من كلام الناس ، انا عن نفسي اختار الهاتش باك بس لو مش فارق معايا الشنطة فقط.