بعد الحادثه السياره لا تعمل

**Higoodnice** · 29-11-2013 03:36 PM

مشكله ان السياره رينو فلوانس عملت حدثه
وغيرت الرفرف والاكصدام
بس لمبه لأيرباج منوره
ًالسياره بتدي مرش بس مش عايزه تدور
المهم جبت كهربائي جه بلمبه وقالي ان العربيه قطعه بنزين
يعني الطرمبه مش بتدي بنزين للماتور وبس
جبت واحد تاني قالي ان العربيه عايزه كمبيوتر ايرباج
والمشكلة ان مش عارف التكليف كام
وكمان كله عايزين اودي العربيه عندهم علشان يصلحها

ممكن حد يساعدني او يفهمني

**ahmedelfeky** · 29-11-2013 06:24 PM

وديها التوكيل اي فرع احسنلك بدل ماحد يعكلك فيها

**aboshahd50** · 29-11-2013 06:48 PM

وللمعلومه ايضا محمد عاملها لي ب250 جنيه فلوانس 2012 اول فئه اتوماتيك مفتاح

**Higoodnice** · 30-11-2013 12:13 PM

طيب ممكن تليفون محمد عبد المنعم
وشكرا علي الرد

**airfox** · 30-11-2013 12:43 PM

معلش يا باشا انا ليه تجربه سيئه مع محمد ده و كلمه الحق علشان هتحاسب عليها ده نصاب و ممكن يوديك في داهيه و كان في موضوع كبير عامله و ناس كتيره تدخلت من الموضوع و ميكانيكه من المعادي بس في الاخر اتنصب عليا في بتاع 4 الاف و الحمد الله الناس المحترمه اللي هنا ايمن مومو و احمد مسعود دالوني علي طارق اللي في الهرم هديك نمرته كلمه و هيوصفلك ازاي توصله و هو هيعمكل اللي انت عايزه وممكن اصلا هو يجيلك
01006241474-01284256862
كلنه و قوله احمد اللي لسه مركب الدي في دي عندك بيسلم عليك ,اللي ركب الدي في دي عنده اسمه سالم و هو لسه كهربائي شغال في التوكيل علشان كده بيعمل شغل بره ايام الراحه فاساسي بيفهم كلم انت طارق وهو هيظبطك
علي فكره انا اول واحد اتعاملت معاه و دلوقتي 5 اصحابي بسببه جابوا رينو و كلنا بنتعامل معاه و حتي مشترين منه عربيه و الصراحه محترم و بيفهم و اساسا كان شغال في التوكيل وتقدر تسئل الناس القديمه هنا علشان تبقي مطمن . و ربنا يوفقك انا كده خلصت ضميري

**2alb** · 30-11-2013 03:32 PM

حضرتك كنت رابط حزام وقت الخبطة والكمبيوتر بيقوللك افحص اﻻيرباج كدة ﻻزم حزام اﻻمان يتغير وتمنة غى التوكيل من 6000 الى 10000 ومش موجود هتجيبة استيراد بى 2500 واعمل ابديت لسوفت وير بعد كدة