الموضوع: هى ال 301 زى الاكسنت Rb ؟

المشاركة الأصلية كتبت بواسطة akram.gamal

اعترض جملةَ و تفصيلا

يعنى تبقا انت ال دافع الفلوس و تعبان فيها و تروح تركب للسوق طب تيجى ازاي و حضرتك بتتكلم عن القيمه مقابل المال
يعنى تدفع الفلوس للسوق و تتكلم عن القيمه :: كلام متناقض

و الفتيس الحمدلله تمام و مش محتاج معامله خاصه ولا حاجه
بالعكس ده فتيس ذكى الى حد ما ز و لكن كأي شيئ يحتاج فهم و درايه فى التعامل معاه يعنى قراءة الكتالوج كفيل بالموضوع ده
و حضرتك اصبت لما قلت لو عايز تبقا مزجنجى اركب اوروبى .. انا تعبت بالفلوس و عايز ارتاح بالفلوس ال هدفعها مش هجيب عربيه حشان الناس تصقفلى

انا مش حهحط لينكات و لكن كلامى لصاحب الموضوع ابحث فى مواضيع المنتدى و دور بنفسك على المعلومه سواء على ال 301 او غيرها

و شكرا,,

اتفق معاك في كلامك
الواحد مش هيشتري السيارة علشان سعر اعاده بيعها , هو الواحد هيعيش كام مرة ؟؟
استمتع بفلوسك وركوبتك ايا كانت السيارة الي عاجباك
علشان مترجعش تندم وتفضل ماشي في الشارع تبص عليها وتقول كان زماني راكبها بس انا عايز سعر اعاده بيع كويس
ثم سعر اعاده البيع ده في علم الغيب , مش جايز البيجو تستعيد سيطرتها علي السوق زي زمان
اشتري الي مقتنع بيها انت وسيبك من راي الناس , الناس مش دافعه حاجة ومفيش حاجة في الكون اجمع الناس عليها

المشاركة الأصلية كتبت بواسطة maio_do

انا نازل اشوف العربية حالا دلوقتى بس كلمه ده قلقنى وخصوصا فى اعادة البيع

متحطش في دماغك سعر اعاده البيع , كله في علم الغيب
اتكل علي الله واستخير وان شاء الله ربنا هيوفقك للخير

المشاركة الأصلية كتبت بواسطة ramy hazem

متحطش في دماغك سعر اعاده البيع , كله في علم الغيب
اتكل علي الله واستخير وان شاء الله ربنا هيوفقك للخير

سعر اعادة البيع شايف البيجو هتكتسح باذن الله وناوى عليها باذن الله

ما هو لازم يا جماعة نفكر هنبيع العربية ازاى قبل ما نشتريها
لان الاوضاع الاقتصادية فى مصر لكافة شرائح المجتمع غير الخارج فى اوربا او الولايات المتحدة
هنا بتجمد فلوس فى عربية بحيث لو احتاجتها من السهل تستردها من غير ما تخسر فيها كتير
ده البلد بقت كل يوم فى حال يعنى من الجايز كده انك تشترى العربية النهاردة وتفاجئ انك محتاج فلوسها بعد اسبوع وحصلت مع ناس كتير
يبقى لازم احط فى حسبانى السوق عاوز ايه ولا لأ
وانا موش عاوز حد يزعل انا مبقلش ان البيجو وحشه لا بالعكس ممتازة بس السوق رافضها
مثلا فى بورسعيد كلها موش هتلاقى غير عربيتن او تلاته وفي محافظات تانية موش هتلاقيها اصلا
اركب للسوق لحد ما الفترة اللى احنا فيها تعدى والاحوال تستقر
وانا مبقلش تجيب الار بى لأ هات حاجة يابانى الكورولا مثلا أو الشارك مثلا

المشاركة الأصلية كتبت بواسطة khaabas

ما هو لازم يا جماعة نفكر هنبيع العربية ازاى قبل ما نشتريها
لان الاوضاع الاقتصادية فى مصر لكافة شرائح المجتمع غير الخارج فى اوربا او الولايات المتحدة
هنا بتجمد فلوس فى عربية بحيث لو احتاجتها من السهل تستردها من غير ما تخسر فيها كتير
ده البلد بقت كل يوم فى حال يعنى من الجايز كده انك تشترى العربية النهاردة وتفاجئ انك محتاج فلوسها بعد اسبوع وحصلت مع ناس كتير
يبقى لازم احط فى حسبانى السوق عاوز ايه ولا لأ
وانا موش عاوز حد يزعل انا مبقلش ان البيجو وحشه لا بالعكس ممتازة بس السوق رافضها
مثلا فى بورسعيد كلها موش هتلاقى غير عربيتن او تلاته وفي محافظات تانية موش هتلاقيها اصلا
اركب للسوق لحد ما الفترة اللى احنا فيها تعدى والاحوال تستقر
وانا مبقلش تجيب الار بى لأ هات حاجة يابانى الكورولا مثلا أو الشارك مثلا

اولا لو عايز تجمد فلوسك يبقي مش في سيارة , خطئ جدا التفكير بالشكل ده لان شراء سيارة بمثابة فتح بيت جديد والكل تقريبا عارف ده
ثانيا انت متقدرش تحكم علي السوق كله برفضه سيارة معينة بدليل ان سيارات الصيني وما ادراك ما الصيني بجودته الا ان الناس بتتهافت عليه كانه احسن حاجة في مصر
يمكن لو مريت بتجربة مش جيدة مع بيجو اقولك مش ديما الحال بيمشي كده ولكن كل يوم في مصر بحال , ومحدش يقدر يحدده زي زمان
ثالثا نمط الشراء في السوق المصري لا يخضع لاي معايير ( عامل امني او اقتصادي او سياسي او ... الخ) ماشاء الله الناس بتشتري سيارات بشكل كبير في الوقت الي معدل السرقات زاد والبطالة بتزيد .. الي غير ذلك من عوامل
رابعا المحافظات بيحكمها نمط شراء يعتمد علي مراكز الخدمات والصيانة واسعار قطع الغيار بالاضافة الي ثقافة منطقة ( يعني مثلا الصعيد عايز سيارة عفيه , المدن الساحليه ممكن عايزين شكل ) وكل ده برده علي حسب المنطقة ومستوي الناس فيها ... يعني القاهرة فيها كل طبقات الشعب وكل انواع الطرق فهتلاقي من اول البي ام والاودي والمرسيدس لحد الفيرنا واللادا والشاهين وحتي التوكتوك
خامسا مع كامل احترامي للياباني الا انه حاليا بيعتمد علي السمعه والاسم بس لو شوفت السيارات بتتجمع فين مش هتقول ياباني والكوري كل الناس عارفاه
الشارك بقوتها الا انها فاضية ولو بقي فيها اوبشن زياده شوية هتعدي مستوي الاسعار الي احنا بنتكلم فيه وده غير الهوندا والي سعرها عالي من الاول ولو قولتلي نيسان هقولك تحيا مصر ومصانع مصر

اخيرا احنا مش عايزين خوفنا من بكرة يخلينا منعرفش نستمتع بالنهردة , اه نعمله حساب ونرتبله بس مش علي حساب النهرده , مين عارف بكرة فيها ايه
فما بين ليله وضحاها ينقلب الحال الي حال

تحياتي

موضوع انك تفكر فى سعر اعادة البع مش عيب ومش معناه انك مش هاتستمتع بعربيتك لاكن الموضوع هو ظروفك الشخصية وظروف البلد يعنى انا عندى عربية بس كمان سنتين او تلاتة ربنا كرمنى وقدرت اوفر مبلغ تانى وعاوز انقل لفئة اعلى واركب موديل احدث يبقى لازم افكر فى سعر اعادة البيع


يعنى انا مثلا عندى اكسنت ار بى 2012 اتلعربية زى الفل وفيهاش الهوا عيبها الوحيد من وجهة نظرى السوست الخلفية خفيفة وانا بشيل حاجات تقيلة فى الشنطة وكتير بيبقا معايا 2 او 3 ورا فبفكر ابيع الار بى واجيب حاجة موديل السنة ومتهبطش زى الار بى ومعايا الفرق الحمد لله