الموضوع: الحقوني لحسن هتجنن

المشاركة الأصلية كتبت بواسطة ahmed_alhadidy

انا معايا 320i 2007 وطلعت كارت الدعم بتاع البنزين عادي جدا ودا دليل انه مش مرتبط بسعه الموتور

غريبه قوي دي ده كلهم المسؤلين يعني بيقوله الدعم لحد 1600 بس..
طب لو سمحت ممكن تفيدني في موضوع التجميع ده بما انك من راكبي بي ام.... لحسن انا مصدوم و لا السياره اللي انا جربتها فيها حاجه؟

طيب ليه متجبش 316 نفس الشكل اللى هو e90/91

المشاركة الأصلية كتبت بواسطة xname2004

طيب ليه متجبش 316 نفس الشكل اللى هو e90/91

عشان ال i-drive يا استاذي لان توقعي ان اي بي ام من غير i-drive سعرها هينزل كتير عشان ال 316 الجديده نزله ب i-drive و لا انت ايه رايك؟ و كمان كل الناس بتقول ان ال 316 بطه اذا كان ال 320 بطيئه علي الاول و الثاني يعني لحد 80 او 90 امال ال 316 هتبقي عامله ازاي ولا انا غلطان؟

المشاركة الأصلية كتبت بواسطة ahmed_alhadidy

المكنه تجميعها بطيء في الاول بس مش للدرجه اللي انتا بتحكي فيها دي، ودا عيب كل الخلفي بطيء في الطلعه وممكن سيراتو ولا لانسر يطلع منك في الاول، بس مش هيلحق يعدي بوز العربيه وبعد كدا مش هيشوفك تاني، بالنسبه لموضوع ان التجميع بطيء اوي فدا ممكن تكون المكنه عاوزه تفوق، طقم بوجيهات بلاتنيوم اربعه شمعه وغير فلتر الهوا والزيت، يعني طقم سرفيس محترم يفوق المكنه وهتاخد منها شغل حلو، لكن بقي لو بطيئه بزياده يبقي في مشكله

كلام محترم متشكر :)

بص ياباشا
بحكم انى معايا 320 اقولك ان دى عربيه تحفه فعلا فى كل حاجه ومتخفش من موضوع الدعم لانه صعب يتطبق بالشكل اللى بتسمعه ومفيش حد يعرف اى حاجه عنه
ثانيا ال 320 سحبها شديد جداااوتجميعها معايا بتوصل 100 كيلو فى 6 ثوانى وده الطبيعى بتاعها وجربها على طريق مفتوح
وانا ركبت السيراتو طبعا مفيش مقارنه واكيد اللى انت سوقتها دى فيها حاجه
اخيرا توكل على الله وشوف عربيه 320 وهتحس وقتها انك راكب عربيه فعلا ثبات وقوه وسرعه وفخامه وراحه وكل حاجه

المشاركة الأصلية كتبت بواسطة novo

لو حضرتك حاطط تربو فى الموتور ممكن توصل ل6 ثوان انما الأرقام المعلنة من الشركة بتقول فوق ال9 ثواني ....ال330 هيا اللى ممكن تعمل رقم ال6 ثواني ده
الbmw e90 320 عربية تقيلة و طلعتها مش سريعة و ممكن السيراتو تبقى قريبة منك جدا فى التسارع اللى من 0-100 بس بعد كده بتتفوق فى العزم 200نيوتن و بتفرق خصوصا فوق ال180 و هتكمل معاك لغاية ال240 لو عندك طريق كفاية
على فكره ال316 f30 بتطلع من ال320 e90

كلامك كله صح يا كبير و كمان موضوع ال 316 f30 انها بتطلع من ال 320 اتفق معك تماما" لان العزم بتعها تحفه عند 1.9 rpm علي ما اعتقد و تربو بس غاليه اوي انا علي فكره عجبتني اكثر من ال 320 خصوصا" انها الشيب الجديد بس غاليه اوييييييييييييييييييي انا نفسي فيه جدا" ادعي لي ربنا يكرمني بيها :d

المشاركة الأصلية كتبت بواسطة novo

لو حضرتك حاطط تربو فى الموتور ممكن توصل ل6 ثوان انما الأرقام المعلنة من الشركة بتقول فوق ال9 ثواني ....ال330 هيا اللى ممكن تعمل رقم ال6 ثواني ده
الbmw e90 320 عربية تقيلة و طلعتها مش سريعة و ممكن السيراتو تبقى قريبة منك جدا فى التسارع اللى من 0-100 بس بعد كده بتتفوق فى العزم 200نيوتن و بتفرق خصوصا فوق ال180 و هتكمل معاك لغاية ال240 لو عندك طريق كفاية
على فكره ال316 f30 بتطلع من ال320 e90

مين قال ان 320 تقيله ؟؟ هى فعلا تقيله وزن لكن عزمها يفوق السيراتو بمراحل وانا بكلمك وانا معايا 320
وعلى فكره وعن تجربه وعلى طريق الفيوم القاهره وقفت وشغلت التايمر ووصلت 100 كيلو فى 7 ثوانى بالظبط وسمعت انها بتنزل ل 6 كمان
وده مش كلام سمعته ده انا جربته واكتر من مره
اما ال 316 فانا مركبتهاش فمش عارف احكم عليها
لكن اللى اقدر اقولهولك ان ال 320 عربيه ما شاء الله فى كل حاجه