الموضوع: مشكله فى الفتيس الاوتوماتيك

عندى سيارة ميتسوبيشى كولت موديل 1983 اوتوماتيك
ظهرت فيها مشكله تأخير فى النقلات وبعد كدة توقفت تماما عن الحركة الامامية لكن بتمشى خلفى كويس جداً
عرفت ان الفتيس الاكسيل بيركب عليها ، حاولت اجيب فتيس استيراد بس ملقيتش خالص ولا فى الحرفيين ، عزبة شلبى ، شارع العشرين ، كفر طهرمس و تجار تانيه كتيير
إضطريت اجيب ميكانيكى فتس اوتماتيك يحاول يصلح الفتيس ، وكان عن طريق معرفه ومتجرب
دخلنى فى تغيير كلتشات ، وورق ، واسطوانتين
وفكيت الفتيس وركبته مرتين على حسابى عند ميكانيكى تانى
والعربية طالعة بتشمى بالعافية ،، وكأنها مكلبشة أو دايس فرامل ،
مع انها بتمشى خلفى سريع جداً ، وبتمشى ادام بطيئئ جداً
وعشان اطلع بيها لازم ادوس بنزين كتيير ، الـ rpm بيوصل إلى 3000 - 3500 عشان تتحرك من مكانها
قولت لليمكانيكى تانى ، قالى عايز تغير علبة البلوف

انا عايز اعرف أيه المشكلة دى بالضبط ، وحلها ايه ؟؟
والميكانيكى ده شغال صح ، ولا بيشتغلنى ؟؟

المشكلة مش مشكلة الميكانيكي - المشكلة ان قطع الغيار زبالة وبيجيبوها بالشبه مش بالرقم بتاعها فبالتالي مافيش امل في الإصلاح ولو فرض ونجح الإصلاح يبقى بفضل دعاء الوالدين
الحل انك تنزل بورسعيد وبإذن الله حاتلاقي