مشكله حصلت معايا والحمد لله اتحلت

**mostafa hassan** · 07-12-2013 09:49 AM

السلام عليكم ورحمه الله وبركاته
انا حبيت اقول مشكله حصلت معايا والحمد لله اتحلت
انا كنت ماشي علي الطريق الدائري رايح مصر الجديده وفجاه مؤشر الحراره عند ال 90 درجه وبيعدي كمان
رحت واقف علي جنب فتحت الكبوت لقيت القريه مولعه وبخار مياه جامد طالع والمروحه مش شغاله
استنيت شويه شويه لغايه لما بردت علشان اشوف المشكله ايه
لما بردت العربيه فتحت الشنطه وجبت العده والكشاف بتاعي وابتديت افحص
1- بصيت علي الفيوز بتاع المروحه : لقيته سليم
2- فكيت اسلاك الترموستات ووصلتهم ببعض المروحه اشتغلت ، يبقي كده الترموستات فصل ، كان معايا واحد قديم ركبته مكان اللترموستات اللي فصل بس هو كمان كان مشغال.
3- رحت موصل اسلاك الترموستات ، وزودت مياه ، وروحت
4- اشتريت ترموستات جديد ايطالي ب 30 جنيه وركبته ودورت ، كله رجع تمام زي الفل.

ده كان اللي حصل معايا وحبيت انقله ليكم.

**sakr_skoda** · 07-12-2013 10:51 AM

المشاركة الأصلية كتبت بواسطة mostafa hassan

السلام عليكم ورحمه الله وبركاته
انا حبيت اقول مشكله حصلت معايا والحمد لله اتحلت
انا كنت ماشي علي الطريق الدائري رايح مصر الجديده وفجاه مؤشر الحراره عند ال 90 درجه وبيعدي كمان
رحت واقف علي جنب فتحت الكبوت لقيت القريه مولعه وبخار مياه جامد طالع والمروحه مش شغاله
استنيت شويه شويه لغايه لما بردت علشان اشوف المشكله ايه
لما بردت العربيه فتحت الشنطه وجبت العده والكشاف بتاعي وابتديت افحص

1- بصيت علي الفيوز بتاع المروحه : لقيته سليم
2- فكيت اسلاك الترموستات ووصلتهم ببعض المروحه اشتغلت ، يبقي كده الترموستات فصل ، كان معايا واحد قديم ركبته مكان اللترموستات اللي فصل بس هو كمان كان مشغال.
3- رحت موصل اسلاك الترموستات ، وزودت مياه ، وروحت
4- اشتريت ترموستات جديد ايطالي ب 30 جنيه وركبته ودورت ، كله رجع تمام زي الفل.

ده كان اللي حصل معايا وحبيت انقله ليكم.

وعليكم السلام ورحمة الله وبركاته
وحشتنا يادرش فينك غايب عننا ليه لعل المانع خير
وبجد احيك على هذا العمل لحل مشكلة تكاد تفتك بموتور السيارة لولا لم تلتفت لها....

**أحمد جودة** · 07-12-2013 01:14 PM

كلام جميل احييك على نقل التجربة

**المنسي** · 07-12-2013 01:22 PM

اهم نقطة فالموضوع شنطة العدة اللى فالعربية علشان وقت الازمات والحمد لله انها جت على كده

**aw2100** · 08-12-2013 11:07 PM

المشاركة الأصلية كتبت بواسطة elandlos

علشان كده ياغالى تظهر اهمية توصيل المروحة على لمبة الضباب لبيان اذا كانت شغاله ام لا وكمان مفتاح التشغيل المباشر من التابلوه برده مفتاح الضباب اللى غالبا ملوش استخدام معانا فى مصر

مشاركة فعاله وممتازه واسلوب واحد فاهم
بارك الله فيك

مفتاح سخان الزجاج الخلفى ده فى الشتاء مهم جدا انا بقفل زجاج العربية كله فى الشتاء الجامد والاعاصير وطبعا حضرتك من الأسكندرية وبشغل مروحة البلاور على السخن علشان بخار المية على الزجاج الامامى وسخان الزجاج الخلفى علشان بخار المية على الزجاج الخلفى بيبخرة وتشوف من الزجاج الخلفى وتمشى و ماشاء الله ولا تحس بحاجة برة العربية لاصوت ولاميه ولا هواء ساقع تحياتى!!