الموضوع: فكروا معانا .. ازاي نخلي الناس تلتزم بالحاره؟؟

المشاركة الأصلية كتبت بواسطة matrix_it

انتوا ليه باصين على النص الفاضى ؟؟؟؟ لما يبقى فبه 20 عربية فى تلات حارات احنا كدة يبقى بنساع بعضينا هههههههه
مستغربكو جدا يا جماعة
انا شايف الحل الامثل نخلى الحارات مستويات بحيث لو حد حب يغير حارته يهدى جامد و يبقى مضطر يدى اشارة كمان

فكرة المستويات دي جبارة

المشاركة الأصلية كتبت بواسطة a raafat

الموضوع ده بيقرفنى بجد تلاقى واحد حاشر نفسه بين حارتين ولو حكيتله العربيه ولا خبطتله المرايه تبقى انت اللى غلطان
انا بسبب الموضوع ده بقيت دايما أِشترى دماغى وامسك الحاره الشمال

والله العظيم احنا لو كل واحد مشى ملتزم والناس استين دورها ومحدش ركن صف تانى وشيلنا البياعين الجائلين اللى بقوا واخدين اكتر من نص الشوارع والله 70 % من ازمة المرور هتتحل

ونبى انت راجل طيب

المشاركة الأصلية كتبت بواسطة matrix_it

انتوا ليه باصين على النص الفاضى ؟؟؟؟ لما يبقى فبه 20 عربية فى تلات حارات احنا كدة يبقى بنساع بعضينا هههههههه
مستغربكو جدا يا جماعة
انا شايف الحل الامثل نخلى الحارات مستويات بحيث لو حد حب يغير حارته يهدى جامد و يبقى مضطر يدى اشارة كمان

حلوة الفكرة دي .. الحارة اللى في النص تكون مرتفعة عن الحارتين اللى حواليها بـ 10 سم مثلا ... ويبقى كدة حتى اللى هايمشي في النص هاتبقى العربية مائلة على الناحية الواطية

ولو الطريق حارتين فقط يبقى واحد برضه أعلى من التانية 10 سم


ثواني كدة .... هو إمتى أساسا الطرق عندنا كانت أصلا عدلة ما طول عمرها فيها العالي والواطي والناس متفاعلة ومتعايشة معاها برضه

لا لا لا ... الحل ده برضه مش نافع

.....


إحنا مثلا ممكن نحط عواميد طرية بدلا من الخطوط .. يعني عواميد بلاستيك مرن ومقوى ومضاد للكسر مثلا ارتفاعها على الأقل 30 سم ... بحيث لو حد مشي في النص كتير تفضل العواميد دي تخبطله في نص العربية لغاية ما تقرفه وتخليه يجي في أي حارة ومن غير ما تؤذي العربية اللى يادوب بتنقل من حارة لحارة فقط

إيه ده .. عارفين .. الفكرة دي برضه مش هاتنفع

عارفين ليه ؟؟؟؟؟؟؟؟؟؟؟

.....


عشان إحنا ما عندناش حارات مرسومة أصلا بأسلوب صحيح في كل شوارع مصر بلا استثناء حتى في الطرق الجديدة اللى لسة معمولة وحتى في أغلبية الطرق اللى لسة عاملها الجيش واللى الناس مبهورة بيها وبجمالها زي طريق محور المشير طنطاوي ومحور الشهيد

فجأة تبص تلاقي الحارة اللى انت ماشي فيها اختفت في نهاية الطريق .. وتولع انت بقى تطلع على الرصيف .. تلبس في اللى جنبك .. انت حر بقى ... هو انت يعني مش عارف إن الطريق خلص

المفروض لو انت ناويت تضيق طريق في نهايته (مع اعتراضي أصلا على إن طريق 6 حارات يبقى في نهايته مجرد 3 حارات فقط دي لوحدها كارثة من كوارث التخطيط) عموما يعني لازم تكون عامل حسابك على كدة يعني تدي الأولوية لحارة معينة وتدخل فيها التانية اللى جنبها من قبل ما تلغي الحارة المطلوب إلغائها بمسافة جيدة وكل ده يترسم على الأرض من قبليها بمسافة برضه ... لكن فجأة تلاقي الحارة الشمال اختفت وحل محلها الرصيف ... كدة فجأة ؟؟؟؟؟!!!!!!!!

وساعات تلاقي الحارة متقسمة من جواها لثلاث خطوط أثنين قدام مثلا ولما جم يخططوا تخطيط جديد يقوم راسم خط جديد ثالث تماما في النص مثلا ... قل لي بقى ياللي عايز تلتزم بالحارة هاتعمل إيه وهاتمشي في أنهي حارة منهم

والحارات بتوسع وتضيق حسب مزاج اللى بيخطط مرة تلاقيها تاخد عربيتين جنب بعض ومرة تلاقيها ما تكفيش نص عربية يمشي فيها وتضطر تطلع بجنب عربيتك منها لأنها مش مكفية العربية أصلا

ده غير إن القائمين على الأمر أساسا ما يعرفوش إيه هي قواعد المرور أساسا ... وكل اللى حافظينه هو الفاميه والحزام وكام مخالفة يمشوا بيهم حالهم ... ومهندسين التخطيط اللى عندنا في مصر تحس إنهم عندهم عته مغولي ... مش فاهم إزاي دول ممكن يكونوا خريجين أي كلة محترمة سواء كانوا هندسة أو تخطيط

أحب أبشركم إن الموضوع محتاج أولا إن اللى بيعلمونا .. هم اللى يتعلموا الأول وبعد كدة يبقوا يعلموا الشعب ... يعني حوالي 200 سنة زي ما أخي صدام قال

عذرا على الإطالة ... وبجد ... بس الواحد بيفضفض معاكم

مستحيل