الموضوع: رابطة ملاك البيچو ٥٠٨

و اخبار فتيس ال508 ايه فيه مشاكل زي ال 406 و 307 ولا cvt او نوعه ايه

السلام عليكم
شاكر جداً علي التعليقات
اللي شجعني أشتري ال ٥٠٨ التقارير الممتازة عن السيارة اللي لقيتها هنا علي المنتدى
وأخص بالذكر الاستاذ أحمد فهمي و elanor

عملت قبل كدة مواضييع عن خصائص السيارة والفروقات بين المصري والخليجي، لإن اللي معايا خليجي،
النهارده هقولوكوا إنطباعي بعد ٨ شهور و ١٥ ألف كيلو.

العربية بتفكرني بالـ ٥٠٤ من ناحية الصلابة
تقفيل الأبواب فخم جداً، وفيها حتة شمواة شيك.

الموتور ممتاز جداً وقوي
من فئة THP اللي آخده أحسن مواتير في فئة ١٦٠٠ سي سي علي مستوى العالم، مصنعاة بيجو مع BMW ، وبتحطة في الميني كوبر ،
وفعلاً التسارع بتاعة خطير وثابت لحد ١٩٥ كم/ساعة عن تجربة.

الفتيس جميل وسلس وطبعاً مبتحسش بنقلاتة علي الطريق بس بتسمعها لما بتكون بتتسارع،
ووضعية الثلوج والطين والرمل بتخلي العربية ثابتة،
أما الوضعية الرياضية فإحساس تاني.

التعليق المتعدد الوصلات بيديك إحساس إنك في لعبة الـ Simulator في الملاهي، العربية بتتحرك بدقة الي المكان اللي انت عاوزة، مع إن جسمك رايح في مكان تاني.

الدركسيون كبير شوية وتقيل شويتين بس دة إسلوب العربيات الفاخرة، وكمان الدواسات بنحسها بتقاوم رجلك اول ما تلمسها وقبل ما تضغطها، ومقاومتها ثابتة من اول الدوسة لآخرها، مش زي بعض العربيات اللي بتمشي قبل متحس انك ضغطت بنزين.

الأضواء النهارية من نوع Led وموجودة في كل الموديلات، موجودة جنب انوار الضباب في فئة Active , وموجودة في داخل الفانوس الرئيسي في فئة Allure , وشكلها مميز جداً.

العربية مُرضية جداً، أنا سقت عربيات كتير، مفيش وكالة إلا أما عملت فيها تست درايڤ، وده لازم قبل متشتري عربية غالية وناوي تحتفظ بيها فترة، اجمل ما فيها إنها بتملى عينك عن اي عربية تانية، ومبتقعدش تفكر انك كان ممكن تشتري اية بنفس المبلغ، والعربيات اللي ممكن تقارنها بيها سعرهم أضعاف سعرها.

عزيزي أ . د. / إسلام جمال
تم الرد علي الخاص

استهلاك البنزين بيتحسن مع الوقت
في آخر ٥٤١٣ كيلو كان متوسط الإستهلاك ١٠.٣ ليتر لكل ١٠٠ كيلو
تقريباً نصهم في وسط البلد ونصهم علي الطريق
ولو ماشي مشوار طويل ومثبت علي ١١٨ علشان الرادار وعلشان الزمارة بيكون معدل الاستهلاك ٦.١ ليتر لكل ١٠٠ كيلو
وأثناء الشد السريع بيكتبلي المعدل ٢٣ ليتر وساعات مبتكتبش

بالنسبة للإنسنجنيا ،
الاوبل مش موجودة في السعودية علشان كدة دي مكنتش إختيار بالنسبالي
انا عارف ان تقييمها ممتاز وسابق ال ٥٠٨ في كل المواقع الانجليزية والامريكانية
بس ال٥٠٨ سابقاها في المواقع الفرنساوية والروسية
وطبعاً الفورد مونديو سابقاهم كلهم
بس انا بقرأ في التقريرات دي تجارب الادء اوالمواصفات وسيبك من التقييم النهائي
انطباعي انا ان صالون ال ٥٠٨ أفضلهم ومحركها أوثقهم وصاجها أمتنهم وهيه اكثرهم شعبية في بلادنا
وكمان ال٥٠٨ نازلة زي ما هية في بلادها بس الانسنجينيا اكيد الوكيل هيعلم عليها

المشاركة الأصلية كتبت بواسطة sherifffff

استهلاك البنزين بيتحسن مع الوقت
في آخر ٥٤١٣ كيلو كان متوسط الإستهلاك ١٠.٣ ليتر لكل ١٠٠ كيلو
تقريباً نصهم في وسط البلد ونصهم علي الطريق
ولو ماشي مشوار طويل ومثبت علي ١١٨ علشان الرادار وعلشان الزمارة بيكون معدل الاستهلاك ٦.١ ليتر لكل ١٠٠ كيلو
وأثناء الشد السريع بيكتبلي المعدل ٢٣ ليتر وساعات مبتكتبش

بالنسبة للإنسنجنيا ،
الاوبل مش موجودة في السعودية علشان كدة دي مكنتش إختيار بالنسبالي
انا عارف ان تقييمها ممتاز وسابق ال ٥٠٨ في كل المواقع الانجليزية والامريكانية
بس ال٥٠٨ سابقاها في المواقع الفرنساوية والروسية
وطبعاً الفورد مونديو سابقاهم كلهم
بس انا بقرأ في التقريرات دي تجارب الادء اوالمواصفات وسيبك من التقييم النهائي
انطباعي انا ان صالون ال ٥٠٨ أفضلهم ومحركها أوثقهم وصاجها أمتنهم وهيه اكثرهم شعبية في بلادنا
وكمان ال٥٠٨ نازلة زي ما هية في بلادها بس الانسنجينيا اكيد الوكيل هيعلم عليها

استاذ شريف
السلام عليكم ورحمة الله وبركاته
انا فى الرياض ويكون ليا الشرف لو اكلم حضرتك واتعرف عليك علشان انا عندي كذا تعليق على العربية اتمني اناقشهم معاك واعرف هل المشكلة دى فردية عندى بس ولا هلى العربية كدا


عمرو بسيونى
مهندس معماري

عزيزي مهندس/ عمرو بسيوني
تم الرد علي الخاص