الموضوع: رابطة ملاك البيچو ٥٠٨

المشاركة الأصلية كتبت بواسطة ahmed amin

أستاذ هاني إخبارك أيه.؟ يارب تكون بخير,,
أنا كنت قريت ردودك في موضوع حقائق ومعلومات ال dsg وكنت حابب أحييك من وقتها علي ردودك اللي فيها شفايفة وواقعية لمشكلة معروفة ونقل موضوعي لتجربك,
وأنك محاولتش تغش الناس ولا ترسم لهم الدنيا وردي,, زي ناس تانين مهماش خسرانين حاجة من جيبهم.!

أستاذ أسلام eleanor سبقني بالرد بالحاجات اللي مكنتش أعرفها في الفروق ما بين الفئات.

بالنسبة لموضوع البنزين فالعربية بتقبل ال ٩٢ من غير مشاكل من يوم ما نزلت,, والتوكيل كان مطلع بيان رسمي بالكلام دا,
وكان فيه خسارة حوالي ١٠ حصان من توتال ال ١٥٦ حصان, مع بنزين ال ٩٢ فالفرق مش هيبقي ملحوظ أووي.

ومن أول موديل السنة الجديدة الموتور أتعدل أكتر عشان يبقي أستهلاكه أحسن كمان عن ما كان مع ال ٩٢.
والفتيس أوتوماتيك عادي ٦ غيارات, مش مانيوال دبل كلاتش زي اللي فيهم مشاكل لسه,,
والفتيس من تطوير شركة يابانية مع شركة ألمانية ومفهوش مشاكل لحد دلوقتي من يوم ما العربية نزلت الحمدلله. :s_thum1[1]:

ولو حابب تعمل تست درايف للعربية,
فاعندك أباظة عاملين تست درايف كذا عربية بيجو ممكن تبعت لهم عال فيس أو تكلمهم وتحدد معاهم معاد,
http://www.nilemotors.net/nile/395546-a.html

وأيه أخبار ال dsg معاك دلوقتي, في جديد ولا لسه زي ماهو.؟
عشان عربية صاحبي چيتا موديل ٢٠١١ خليجي فا طبعاً مفيش ضمان,, وداخلة دلوقتي في ال ١٢ ألف كيلو وبدأ يحس برعشة في نقلة التاني وهيا طالعة في نقلة التاني, وساعات بنحس بتخميدة ملحوظة وهيا بتسقط من التالت للأول بس مش بتحصل طول الوقت.
جربنا وضع ال sport mode الغيارات مبقتش مرتاحة في النقل,
جربنا نثبتها علي غيار واحد وأحنا في الزحمة, روح الغيارات قصيرة أووي ومتعبة.
وقلقانين من أن العربية تكمل ٣٠ أو ٥٠ ألف من غير ما يحصل مشكلة.

انا بخير طول ما حضرتك بخير
انا بعت الباسات من ٣ سنين بسبب الفتيس و حاليا معايا السيفيك ٢٠١٠ في تي اي طبعا بصرف النظر عن الفخامه بس برقبتها
من حيث الاعتماديه و راحة البال و النعومه
حتة الرعشه اللي على التاني بسبب ان دايما التحميل على الكلتش رقم ٢ عشان العربيه في الزحمه طلعتها بتكون على التاني فبيتاءكل بدري بدري
انا كنت سمعت ان الخليجي ليه ضمان على الفتيس و ناس فعلا غيرته في التوكيل و هتلقى مواضيع في قسم فولكس بتتكلم عن كده
راءيي المتواضع ان صاحبك يغير طقم الكلتشات و يبيعها و يشتري دماغه

أهي " بتتحول " دي هية الكلمة اللي مكنتش عارف أوصفها
انا بحط ٩٥ من ساعة مجبتها وتمنة في السعودية حوالي ١٠٥ قروش لليتر
ومجربتش ٩٢ اللي تمنة تقريبا ٨٥ قرش لليتر

الموضوع مش تسارع بس
يعني مس بتتسارع بس مع الدوسة
دي زي ميكون فيها مخ وبتعرف لما انت بتكون عايز تجري
ولو ضغطت التكة اللي في آخر دواسة البنزين العربية فعلاً بتتحول

الله ينور على التقرير الجميل يا شباب
النهاردة كنت في توكيل بيجو المهندسين وتضايقت الحقيقه لما قالولي انه مينفعش لا نركب الاي درايف في العربية ولا التوكيل يستورد واحدة (عربية يعني) مخصوص...وجهة نظرهم أن المسألة مش انه مش هيعرف يجبها بالتجهيز ده لكن انه معندوش ليها قطع غيار ولا عنده صيانة ليه...
الراجل بقولي ممكن تستوردها كده من بره بس مش هيبقى ليها ضمان...
ينفع كده؟