الموضوع: استلام ياريس سيدان 2014

الف مبروك عليك

المشاركة الأصلية كتبت بواسطة eltanamly

شيل كل الستكر الأبيض من عل عربية فالمعرض عشان ممكن يكون في خبطة والله حاجة تحتيه فمتوقعش على محضر الإستلام أبل ما تشوف عتب العربية والسقف والرفارف وكل حتة
شوف الولاعة والكتالوج و كتاب الصيانة - دفتر ضمان الكاوتش والكاسيت مكن يكون لوحدو مش مع ضمان العربية
اتأكد من موضوع ضمان الكاوتش والكاسيت ده
الإزاز مفيش شرخ أو نقر والدوكو مفيش خربشة
الصالون نضيف وكامل مساحات سليمة و نوار النور واطي وعالي و جرب التكييف على كل السرعة وجرب مرايتك وسماعات العربية و مايكونش في وش أو زنة والسنتر
جرب الإزاز الكهربا ف كل باب والمفتاح والريموت
حتى الكلاكس لازم تجربو عشان مايكونش في fuse درب والا حاجة وإعرف أنك ف مصر ف عينك ف راسك و العربية أول ما تستلم اطلع فولها (بتكون فاضية ) وأظبط الكاوتش ف حتة نضيفة
و توكيل تويوتا محترمين و عن تجربة أنا بروح ال فالقطامية
و ربنا يديك خيرها ويكفيك شرها يا رب وتكون فاتحة خير عليك
و بالراحة عليها بلاش تحرق عليها والكلام ده سيبك من الهيقولك إحرق عليها عشان تفتح الموتور ده كلام فاضي أي حرق بلاش هي سبها تنقل على 2 ونص أو 3 بالكتير

العربية الزيرو دي عملة ذي العيل الي لسة مولود حتعاملها كويس و تحترمها هتصونك و تشيلك قدام
هتحرق و تجري وتقرص و تهينها هتزعلك قدام مصاريف وصيانة وأرف ولما تجي تبيعها مش هتجب سعر حلو
وربنا يباركلك فيها
بالراحة فالمطبات بس وابعد عن الميكروباصات والناس دي ومتعندش معهم فالسواقة هو بعد الشر لو لمسك ده مش خسران حاجة حتى لو هتنزل تضرب ده أصلن مبرشم فخلي أعصابك في تلاجة
خد بالك و بلاش جري فالبلد دي مفيش حاجة مضمونة حتى لو الطريق فاضي والله ما تضمن

بس أول ما تستلم قول ما شاء الله و سمي وشغل قرآن وطلع لها حاجة لله إلي في مقدرتك مات ديقش على نفسك الله أعلم بأحوالنا يعني

جزاكم الله خيراً

مبروك يا باشا و ربنا يكفيك شرها (y)
و مستني تقرير منك علي العربية لما تستلمها :D
و بالنسبة للاوبشن الي مش موجود فيها زي السنسر بارك و البصمة و الحاجات دي انته هتركبها و لا لا
خصوصا اني سألت التوكيل و قالي ممكن يركب البصمة و كاميرا و السنسر بارك و الحاجات دي في التوكيل و مش هتكلف كتير !! بالنسبة لل 25 الف الزيارده عن العاي لاين
و بالنسبة لمدة الحجز قد ايه عندك و انته هتستلمها امته لأن هنا التوكيل الي في المنصورة كان قايلي انه بيسلمها علي طول !! :*

مبروك يا باشا علي العربية انا كونت عاوز اعرف هو السحب بتاعها حلو و لا وحش و هل شكل الفانوس الامامي متغير عن الهاي لاين اوتوماتك ؟

المشاركة الأصلية كتبت بواسطة eng_wael_yosef

مبروك يا باشا و ربنا يكفيك شرها (y)
و مستني تقرير منك علي العربية لما تستلمها :d
و بالنسبة للاوبشن الي مش موجود فيها زي السنسر بارك و البصمة و الحاجات دي انته هتركبها و لا لا
خصوصا اني سألت التوكيل و قالي ممكن يركب البصمة و كاميرا و السنسر بارك و الحاجات دي في التوكيل و مش هتكلف كتير !! بالنسبة لل 25 الف الزيارده عن العاي لاين
و بالنسبة لمدة الحجز قد ايه عندك و انته هتستلمها امته لأن هنا التوكيل الي في المنصورة كان قايلي انه بيسلمها علي طول !! :*

انا مشتريها بالتقسيط عن طريق كونتاكت كارز...من غير حجز انا اخترت من الالوان اللى كانت متاحة فى التوكيل اعتقد لو اللن مش موجود ممكن تاخد وقت بس للامانة لما انا كلمت بنفسي كلمت التوكيل قالولى احجز و استلم خلال شهر و نصف بس لما كلمت كونتاكت هما ظبطونى ..الظاهر ليهم كلام مع حد جوة
بالنسبة لباقى الاوبشنز بصراحة مش ناوى حاليا بس ممكن ابقى اسألك على الاسعار ان شا ءالله